الموضوع: تحذير: الهوا يتلاعب بالياريس

المشاركة الأصلية كتبت بواسطة sa3dawy

كلام حضرتك مظبووط جدا...انا دايما كنت بقوول ان الفئة دى من السيارات ثبااتها بيكوون محدوود ....دا طبعا بغض النظر عن النسخ الريااضية الى بيكوون فيها شغل تاانى خالص

بس الحقيقة ثباات الياريس مش للدرجة الى الاعضااء بيوصفووه....انا لحد 150 ببقى مستريح جدا ولا اشعر بالخطر ولا اهتزااز ولا تعويم ولا حااجة....واخر مره كانت مساافر على طريق المنصورة القاهرة والعربية راكب معايا 4 افرااد ....وكنت مااشى 140 الى 160 ومفيش اى مشااكل وكله كاان بيشكر فى ثباات العربية جدا...

بس انا رأيى ان لو شخص بيساافر كتير يبقى يجيب كاوتش اعرض احسنله وممكن مساعدين رياضيين....ويضحى حبتين بالنعومة والانساابية ....وان كاانت الياريس اجمل حااجه فيها سواقتها جوه المدينة....عربية هاايلة الصرااحة كباور ونعومة وانسياابية وسحب ممتااز بالنسبة لسعة الموتور ...وانا افضلها عن عربياات كتير اغلى منها لو هسووق فى الزحمة وجوه البلد....

برضه أنا بأتفق معاكم في الرأي أن الياريس جميلة جدا و مريحة داخل المدينة خصوصا لما تكون أوتوماتيك

أما بالنسبة للسفر فثباتها ليس بمشكلة كبيرة لمن يقود بسرعة تحت ال 120 كم/ساعة و خاصة في الجو المعتدل (عدم وجود رياح)

أنا عن نفسي أفضل قيادة الياريس داخل القاهرة و السفر باللانوس لكن تعليمات الشغل بقي هأعمل أيه مضطر

المشاركة الأصلية كتبت بواسطة EslaM_NagY

للأسف بسبب ارتفاع العربية المبالغ فيه
امبارح صحيت على مكالمة صديق عزيز ليا فحواها " إلحقنى العربية اتدمرت "

وبعد الذهاب والمعاينة تبين الاتى :

عند محاولته تخطى سيارة من على اليمين فوجىء بسيارة متوفقة امامه راح راجع تانى شمال بسررررررررررررررررررررررر رررعة فما كان من الياريس الا انها عامت ومشيت بالورب وخدت العربية الواقفة وطااااااااااااااااااااااا اااااااخ وشكراا والكلام دا على طريق سريع يعنى اصلالالا ميجيش فى دماغ حد ان فى بنى ادم واقف على اليمين.

التلفيات : -

العربية الى كانت واقفة شاهين الرفرف اتفعص والعجلة اترحلت وشيست.

الياريس دمار كااااامل للجانب الايمن وصدر العربية ( طلعت على الرصيف ولفت 180 درجة ونزلت تانى ) وزيت الفتيس نزل ع الارض والعربية شيست.

نيجى بقى لمربط الفرس كان ماشى على كام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

100 كيلو/ ساعة !!!!! ايوة مائة كيلو مش غلطة مطبعية وبشهادة جميع الحضور لو نفس الى حصل دا كان بالالنترا ولا لانسر كانت حتلم نفسها وترجع للحارة بسلام.


فانصيحة للى عايز يجرى باليارس (على اساس ان 100 دى جرى) يوطيهاااا شويتين ان شاء الله تحك فى كل المطبات بس تمسك نفسها شوية.

واسف لو كلامى مش مترتب بس انا اعصابى سايبة شوية من منظر العربية الى حاليا متسويش كيلو بصل وحزمتين جرجير.


اتمنى بكل قلبى الا يحدث هذا لاحد اخواتى فى المنتدى

"الياريس" عرضت مرة أخري كلاكيت ثاني مرة:
- الزمان: اليوم صباحا في حوالي الساعة الثامنة
- المكان: بعد الكيلو 4 و نص أما مستشفي الكهرباء
- السبب: فرملة قوية علي سرعة 80 كم/ساعة بسبب سيارة "أفيو" توقفت فجأة أمامي
- النتيجة: أنحراف بسيط للعربية و تعريضها جهة اليمين

و لا تعليق.........