المشاركة الأصلية كتبت بواسطة ainshouka
والله اللى حصلى كان غريب فعلا
انا ماشى فى امان الله ولا لابس حزام ولا حاجه ولقيت لجنه ادامى المهم لا لبست حزام برضه ولا حاجهوقولت اكمل مشى وخلاص (اصل دول اول مره اشوفهم فى المنطقه دى)
لقيت العسكرى بيشاورلى قمت وقفت قاللى رخصك قمت مديهاله لقيته بيقولى هو انت كده ماشى مظبوط قولتله آه قاللى طب مش لابس الحزام ليييييييييه
بصراحة معرفتش ارد علييييييييييه
طبعا خد الرخص وراح للعربيه اللى فيها الظابط عشان يطلعلى المخالفه واستنيت شويه ........
لقيته مره واحده جالى جرى وادانى الرخص وركب العربيه البوكس وطار بيها (الظاهر جاتلهم اخباريه انهم يروحوا فى حته بسرعه) أنا بصراحه فضلت واقف شويه مش مستوعب اللى حصل (ومش مصدق)ودورت العربيه ومشيت فحصلتهم وانا فى السكه وبرضه مكنتش لابس الحزام فلما لاحظت كده قمت معديهم لحسن يندهولى تانى ولا حاجه
ملحوظه (الظاهر ان أمى كانت دعيالى فى اليوم دا)
المفضلات