وإنعدم الاحساس بالمسئولية وتقدير الأخرين عليه العوض

**hmostafaahm** · 11-09-2007 11:01 AM

انا شغلى في ميدان لبنان وطبعا من المعروف مشكلة الركن فى المهندسين كلها المهم انا بركن العربية بتاعتى مثلا بعيد عن الشركة اللى بشتغل فيها ببتاع 200 متر مثلا ولا حاجة كده وده لأنى بروح بدري كمان ، اللى حصل امبارح وضايقنى وخلانى اكتب هنا النهارده علشان احكى ليكم عليه انى وانا رايح اخد العربية لقيت واحدة ست راكبة عربية هيونداى اكسيل اقل ما يقال عن العربية انها مدمرة مفيهاش باب سليم الاكصدامات معضعضة وده مؤشر أولى عن مهارة المدام فى القيادة ، المدام لقت عربيتها مزنوقة بين عربيتين لكن ممكن تطلع منهم يعنى مش مشكلة وانا واقف المدام ما شاء الله خرجت من بين العربيتين على مرات متعددة تطلع سنة لأودام وبعدين تجيب الدركسيون على الأخر وترجع لورا وهكذا لكن انتم عارفين كل مرة كانت بتطلع فيها لاودام او ترجع لورا مكانتش بتقف غير لما تخبط العربيتين التانيين برغم تحذيرات الناس اللى فى الشارع ليها لكنها مش بتقف غير لما تسمع خبطة اكصدام عربيتها فى العربيات التانية وفى الاخر خرجت المنظر ضايقنى واتضايقت اكتر بعد ما هى خرجت وهى شكلها كده من النوع الرخم المتعالى ان العربيتين التانيين اللى كانوا بيترممطوا عربيات جديدة 2007 واحدة منهم اوبترا 2007 سودا وصاحبها اللى ركنها الصبح فى امان الله هيرجع يلاقى الإكصدام بتاعه اتحك والتانية هوندا سيتى شامبين ودى برده اخدت نصيبها وان كان الاوبترا خسائرها اكبر
عايز حد يجاوب عليا ليه مش بنخاف على عربيات بعض ليه مش بنخلى بالنا من بعض يا جماعة الدين والاخلاق والانسانية ضد اللى عملته المدام دى اللى انا هاكتفى انى اقول ربنا يجازيها على اللى عملته والأذى اللى أذته للناس

هانى مصطفى

**PRO-DRIVE** · 11-09-2007 11:34 AM

حلو اوي دا صوت خبط الاكصدام مؤشر زي الباركنج سينسور بالظبط :mrgreen: :mrgreen:

والله انا لو كان حصل معايا حاجه زي كدا لو سوزي نفسها كنت قتلتها و خلصت العالم منها
فعلا معندهاش ادني احساس بالمسؤليه

**hmostafaahm** · 11-09-2007 11:37 AM

تخيل نفسك تيجى الصبح وتركن عربيتك زى الفل وتطلع شغلك تنزل تلاقيها مخبوطة اكيد احساس وحش اوىىى والمصيبة انك مش عارف مين اللى خبطها يعنى لا هتعرف تعلى صوتك ولا تتخانق ولا تنفس عن اى حاجة جواك اخرك هتقول حسبى الله ونعم الوكيل

**Hossam_Hassan** · 11-09-2007 11:44 AM

ماهو لو الأمتحان العملى فى المرور كان امتحان بجد مكنش ده حصل، وكمان يا جماعة الستات فى مصر زى ما همه ظالمين فى سواقتهم بس برضوا مظلومين مننا فى الجرى بتاعنا و الغرز و سواقتنا اللى مالهاش علاقة بأداب المرور و كلنا مظلومين بالشوارع الحلمنتيشى و اماكن الأنتظار العشوائية و حاجات تانية كتير، انا فى موقف زى ده من 3 شهور، أستأزنت المدام اللى سايقة و طلعتلها العربية بنفسى، بس ده صعب اى واحدة تقبله علشان بيبقوا معتقدين انهم بيعرفوا يسوقوا. :lol: :lol: :lol:

**محمد المشد** · 11-09-2007 11:46 AM

اقل شىء يقال فى هذه الحالة انها بلا ضمير ، وعديمة الاحساس والمروءة ! لو كان لديها اى احساس بالمسئولية ما فعلت ذلك ولا تعدت على حقوق الاخرين وممتلكاتهم ! وكل ماقولة حسبنا الله ونعم الوكيل فى هذه النوعية من البشر سواء رجل او سيدة

**Ahmed Hassan** · 11-09-2007 11:50 AM

المشكله ان كمان فيه رجاله كتير بيعملوا كده... انا الموضوع ده حصلي كتير و مش بلاقي حاجه اعملها غير اني اقول "حسبي الله و نعم الوكيل"

**Abdallah** · 11-09-2007 04:12 PM

تخيل نفسك واقف فى البلكونة بتشم هواء وراكن عربيتك تحت البيت ويجى واحد يركن وبيرجع وهوب طاخ فى الاكصدام بتاعك وانت طبعا واقف فوق وهيجيلك ضغط والغريب انه بينزل ويمشى وحتى مش بيبص على اكصدامات العربيات!!!
احيانا بتحصل معايا غصب عنى ولكن بتبقى فى عربية والدى فقط وطبعا بتبقى مجرد ترييحة مش لدرجة خبط وتجريح.

**ابوحميد** · 11-09-2007 04:22 PM

حرام عليها
حسبنا الله ونعم الوكيل

**analyzer** · 11-09-2007 06:44 PM

حسبنا الله ونعم الوكيل
يمهل ولا يهمل

**Chicco** · 11-09-2007 06:55 PM

http://www.funzu.com/index.php?optio...2766&Itemid=31
اللنك ده أنا لسه ضايفه لقسم الفيديو بس تفتكروا حنشوفوا في مصر إمتي:roll:

الموضوع: وإنعدم الاحساس بالمسئولية وتقدير الأخرين عليه العوض

LinkBack

أدوات الموضوع

عرض

-

-

-

-

-

المواضيع المتشابهه

نفسك قبل الأخرين

سمير وعيسوي..... حوار من قلب توكيل كيا ..عليه العوض خلاص

لكل من تكالبت عليه الهموم وضاقت عليه الدنيا وغلب عليه التشاؤم

عليه العوض و منه العوض

عليه العوض

الكلمات الدلالية لهذا الموضوع

المفضلات

المفضلات

ضوابط المشاركة