الموضوع: اريد معرفه سعر حساس الهواء

انا لسه مكلمه دلوقتي و قالي ان في واحد من المحله كلمه

علي العموم هوا اصلا عارفه و هوا رايح الحرفين يشوفه هناك

المهم بس يلاقيه و انت اصلا يا باشا عاوز تغير الحساس دا ليه ايه المشكله عندك طيب انا من القريات بتاعته بيقولي بايظ و مش هشتري التاني الا لما اتأكد ان القريات مظبوطه لو مستعمل لو جديد يبقي ان شاء الله مظبوط يا ريت تعرف العيب ايه بالظبط و انا ممكن احاول افيدك عشان متشتريش الحساس علي الفاضي

السعر اللي المهندس قالهولي كتير جدا قالي 1050 جديد و مستعمل في حدود 450 جنيه

انا كان عندنا من فتره هنا في بورسعيد جديد ب من بين 600 ل 750 و في ناس بس جابت كميه و اتنسفت كانوا بيبيعوه ب 450 مستعمل مش عارف و الله بكام بالظبط ان شاء الله هنزل اشوف المستعمل و امري لله و ان شاء الله هبقي اقول السعر هنا في المنتدي

انا روحتله و مالقيتهوش لقيت اخوه و اديتله الصور و هو قالى غالبا ه بتاع العربيه ال1500

بصراحه اخوه مش اوى فى العربيات هو اخره مشرف على الورشه فاخدت منه الكلام و اتوكلت على الله

على فكره يا احمد هو كلمنى بعد ما قلتلك هو مش لاقى الحساس وقالى انا لقيتهولك قلتله يعنى يا باشا هو الحساس اصل انا هخبط مشوار جامد لحد مصر و لحد عباس العقاد بالذات قالى يا عم الحساس عندى اهه انا طبعا فرحت :k49:ورحت مكلم صاحبى اللى هو عنده العربيه و خدته و طلعنا على مصر المهم الطريق مخدش معايا غير ساعه و ربع ومن عند المؤسسه لحد عباس العقاد سعتين و نص المهم وصلت بعد عناء و اتصالات كتير عشان اعرف المكان بالظبط المهم وصلت و اول ما وصلت ااتصدمت انى لقيت نفسى فى ورشه تصليح وبيع كاوتش قلت يا واد عادى سلمت عليه و عرفته بنفسى المهم قالى ممكن ابص على العربيه قلتله ماشى بس ورينى الحساس كده المهم قالى حاضر بس افتح العربيه فتحت العربيه عد يجرب ووصل جهاز كده فى العربيه المهم بعد ربع ساعه فك الحساس و ركبه
والصدمه الكبيره لقيته بيقولى ايه ده دا الحساس بايظ قلتله نعم امال انا جايلك ليه قالى اصل انا افتكرت انى ممكن اصلحه من غير ما تغير الحساس المهم اعد يقولى على ناس ممكن الاقى عندها الحساس ده و قالى على واحد اسمه محمد لطفى فى الوكاله طبعا انا مشيت من عنده وانا على اخرىىىىى
معلش بقى طولت عليكو بس من غلبى ربنا يسامحه بقى

معلش يا باشا علي المشوار بس انا قولتلك انه بيقول انه مش لاقيه جديد و الموجود مستعمل

يلا حصل خير

مقولتش هوا الحساس عرف انه بايظ بقي ازاي
ايه اللي عمله بالظبط عشان يقولك ان الحساس بايظ

بص يا ناشا انا زى ما قلتلك وصل جهاز فى العربيه وطبعا اداله ايرور من الحساس فقال يمكن الفيشه هى اللى بايظه كشف على الفيشه لقاها شغاله فك الحساس و نضفه باسراى كده و ركبه برضه لما بتوصل الفيشه فى الحساس العربيه مش بتدور

المشاركة الأصلية كتبت بواسطة mohamed_mohsen

سؤال بس معلش
هو الحساس ده ايه بقي اللي بيبوظه؟و حضرتك عرفت منين انه باظ؟

الواضح كده ان العيب في الحساس انه مش بياخد اي قرايات من علي الجهاز و بيدي عيب رقمه P0102 ودا يأما عيب في الفيشه و انها مش موصله تمام او في قطع فيها يأما الحساس بايظ

لكن لو عيب تاني متصل بالحساس دا يبقي ممكن بأخد قريات بس القريات ممكن تكون اقل او اعلي

لو اعلي يبقي المشكله مش فيه المشكله في حاجه قابله مأثره عليه

لو اقل يبقي العيب منه ممكن يتنظف او يتغير بس كده