مشكله فى الدبرياج

**robeir** · 31-08-2009 04:09 PM

المشاركة الأصلية كتبت بواسطة asemx1

هجيبهالك من الاخر ياباشا الحوار دا لما العربيه تسخن بس او لما تمشى حبه صغننين كدا بترجرج على الاول
المشكله فى الدسك والاسطوانه لازم يتغيروا ماتقلقش على الكراسى او اى حاجه تانيه هما دسك واسطوانه بس اتكل على الله وغيرهم وهتلاقيها تمام
الحوار دا عن تجربه حصلت معايا نفس الحوار لما بتسخن برضو وغيرت الدنيا كلها و الكراسى والمقصات والكبالن وكل حاجه ومافيش حل
اخر حاجه رحت لعفشجى جامد فى المنصوره واول ما ركبها كدا قالى اسطوانه ودسك غيرتهم والمشكله اتحلت تماما

الف شكر لاهتمامك و يا ترى التكلفه تقريبا كم؟

**moustafareda0** · 03-09-2009 06:44 AM

المشكلة دى فى الاسطوانة والديسك انا معايا عربية 131 وكان عندى المشكلة دى وكانت بتتعبنى جدا خصوصا لما يكون الطريق زحمة
والشارع واقف وكان حلها لما غيرت الديسك والاسطوانة والموضوع بقا عادى جدا والعربية اتظبطت بس اهم حاجة تروح لميكانيكى كويس
ويكون بيفهم لانى برضو كان فى ناس بتفتى كتير والى كان يقولى العيب من عمود الكردان والى يقول العيب فى الفتيس والى يقول العيب فى الفلانشة وفى الاخر طلع عيب اسطوانة وديسك

**medozaed** · 11-12-2009 10:46 AM

انا حصلت عندى المشكله دى بعد ما غيرت الاسطوانه والدسك بيوم واحد
بس انا ماشى بيها شويه لان مش معقول هاغيرهم تانى حسبى الله ونعم الوكيل فى الى بيجيب قطع غيار مضروبه ويبعها على انها اصلى انا اشتريت الطقم الدسك والاسطوانه والبليه ب350 جنيه وبعد كده طلعو مش اصلى حاجه تقرف