السيستم النهائى

**wael_adel31** · 20-10-2009 03:39 PM

المشاركة الأصلية كتبت بواسطة yasserwin

عايزين نشوفك تانى فى fbi علشان بقالى فترة بنزل ومش بشوفك

على فكرة ياياسر أنا موجود كل خميس فى ال اف بى أى من بعد 9.00 هتلاقينى هناك ان شاء الله.

المشاركة الأصلية كتبت بواسطة gado2416

أ/وائل كنت عاوز اعرف منين وبكام السماعتين الكينوود 400 دبل بيز ( أندونيسى) اللى انت جايبهم وشكرا

أنا كنت جايبهم أول من فترة أول منزلو وكانو عاملين 600 أو 650 مش فاكر .بس متهيألى سعرهم دلوقتى نزل وبيتباعو فى أى محل كاسيتات كبير ( شارع دمشق....)وخلى بالك:علبتهم لونها (أزرق) مش أبيض , والسماعة حواليها فريم نيكل من فوق وحجمها أكبر من السماعات البيضاوى العادية .
وكمان أنا جبت سماعتين أشد منهم وهما بايونير 450 وات ( صينى ) بس تصنيع بايونير وقطر السماعة 25 سم يعنى بحجم الصب ال 10 انش وبيسموهم ( الحلل) وجبتهم ب 750 وبجد البيز بتاعهم والتريبل ملوش حل بسلو اتكلمنا على نقاء الصوت (الفوكال) بتاع الكينوود بصراحة أشد.
ولو حابب تجيب حاجة جامدة ليا واحد صحبى عندو البايونير الكروسات بتاعت زمان زيرو بالكرتونة (يابانى) وعاملين 1200

200 وات بس دول بيركبو مع جى ام وشكرا...
وبردو لفلك لفة فى السوق عشان ممكن يكون فى حاجة جديدة نزلت الماركت وأنا مش عارف.

**gado2416** · 20-10-2009 03:50 PM

متشكر جدا على ردك وزوقك طيب البورده تشيل صب 12 انش ولا اخرها 10 انش زى اللى انت مركبهم

**wael_adel31** · 22-10-2009 04:48 PM

المشاركة الأصلية كتبت بواسطة gado2416

متشكر جدا على ردك وزوقك طيب البورده تشيل صب 12 انش ولا اخرها 10 انش زى اللى انت مركبهم

بص ياباشا البوردة اللى عندنا العادية دى أنا شيلتها أصلا وحطيت بوردة تانية خشب وبالعافية شايلة 10 انش يعنى السماعات ركبت عادى بس الكفر بتاعها طاع روحنا عشان يركبزبس ركب فى الاخر بس عايز أقولك انك لو هتركب صبين 10 وسماعتين يبقى هتضطر تشيل الصاج اللى تحت البوردة وده بقى قصة رخمة شوية لأنه مليان عازل فده بيديلو قوة أكتر وبيخلى المنشار الكهربة يتعذب معاه .ده الصنايعى وهوا بيشيلو طير 3 سنون بتاعت المنشار ده

**hamo12** · 22-01-2010 01:17 AM

بسم الله مشاء الله عربية جامدة جدااااااااااا دماغ

**loshabih** · 22-01-2010 07:32 AM

ماشاء الله ربنا يباركلك فيهم بس كان ندي سؤال ناوي اجيب كاسيت بيونيير وعايز اعرف اجيب سماعات جي بي ال ولا كينوود عادي ولا دبل بييز ولا بيونيير ولا اعمل ايه بالنسبه لل جي ام مش ناوي اركب حاجه دلوقتي بس عايز حاجه تستحمل لو ركبته بعديين وبالمنسبه انت جبت السماعات الجي بي ال بكام وموديلهم ايه ؟؟؟

**midomizo** · 24-01-2010 12:20 AM

اية العظما دى
بقولك متاخدش قسم الصوتيات هنا يا wael_adel31 اشراف وتجاوبلنا على كل اسئلتنا مع حسام
وعايز اعرف حاجة واحدة بس محيرانى الكميرا الورا دى بتشتغل ازاى وجبتها منين
دنتا طلعت
اقول اية بس وكل دة ومبتدخلش قسم الصوتيات وكمان فعال

والله احنا كلنا متشرفين بوجودك معانا

**midomizo** · 24-01-2010 01:36 AM

وعقبال المكنة ال 2.0الجديدة يارب

**mensho** · 25-01-2010 02:22 PM

احم انا معايا 2 بيونير 400 و 2 كينوود 400 و كاسيت jvc
وبقول معايا عدة
ماشاء اللة وربنا يديك خيرها و يبعدك عن المرور

**wael_adel31** · 26-01-2010 09:46 AM

المشاركة الأصلية كتبت بواسطة hamo12

بسم الله مشاء الله عربية جامدة جدااااااااااا دماغ

ربنا يخليك ياجامد على مرورك

المشاركة الأصلية كتبت بواسطة loshabih

ماشاء الله ربنا يباركلك فيهم بس كان ندي سؤال ناوي اجيب كاسيت بيونيير وعايز اعرف اجيب سماعات جي بي ال ولا كينوود عادي ولا دبل بييز ولا بيونيير ولا اعمل ايه بالنسبه لل جي ام مش ناوي اركب حاجه دلوقتي بس عايز حاجه تستحمل لو ركبته بعديين وبالمنسبه انت جبت السماعات الجي بي ال بكام وموديلهم ايه ؟؟؟

بص ياباشا بحكم خبرتى أقدر أقوللك هات كينوود دبل بيز.دى أحسن سماعات أنا جربتها وبعد فترة ممكن تجيب جى ام براحتك.
السماعات الجى بى ال دول كانو 150 ار ام اس أمريكى ومدورين وبيتحطو فى الباب بس بصراحة فاشلين بالمقارنة مع الصوت اللى بيطلع من البيضاوى وكمان كانو غليين أوى ب 450 .

المشاركة الأصلية كتبت بواسطة midomizo

اية العظما دى

بقولك متاخدش قسم الصوتيات هنا يا wael_adel31 اشراف وتجاوبلنا على كل اسئلتنا مع حسام
وعايز اعرف حاجة واحدة بس محيرانى الكميرا الورا دى بتشتغل ازاى وجبتها منين
دنتا طلعت

اقول اية بس وكل دة ومبتدخلش قسم الصوتيات وكمان فعال

والله احنا كلنا متشرفين بوجودك معانا

والله ياميدو أنا لو فاضى شوية كنت عملت كده بس فعلا أنا مش بكون متواجد دايما.وكمان أنا مجرد هاوى ومش محترف فى الصوتيات زى حسام وبقيت الشباب.
الكاميرا دى أنا جايبها لوحدها وموجودة عند أى حد بتاع اكسسوارات كانت ب 250 والشاشة دى بردو لوحدها ومش فاكر كانت ب 640 ولا ايه ومتوصلين مع بعض.

المشاركة الأصلية كتبت بواسطة midomizo

وعقبال المكنة ال 2.0الجديدة يارب

يارب يا ميدووووووووووووووووو

المشاركة الأصلية كتبت بواسطة mensho

احم انا معايا 2 بيونير 400 و 2 كينوود 400 و كاسيت jvc
وبقول معايا عدة
ماشاء اللة وربنا يديك خيرها و يبعدك عن المرور

طبعا عده دا أنا أول عدة ركبتها فى حياتى فى أواخر التسعينات كانو:
2 سماعة جنرال صينى + 8 تويترات (كنت جايبهم من محل تصليح كاسيتات وكانو بيشتغلو بحاجة اسمها مقاومات + كاسيت رودستار ثلاتة بند + اكولايزر جينسون 6006 وكت بعمل بيهم قلق .وهما صوتهم أصلا مكانش بيطلع غير تربل بس :10d5c8~1107::10d5c8~1107:
بص واحدة واحدة مستوى السمع عندك هيقل وهتظر انك تعلى الصوت وشوية تغير العدة وشوية ....