الموضوع: السيستم النهائى

المشاركة الأصلية كتبت بواسطة zizo50001

الف مبروك يا باشا على السيستم الجامد دة
بس سؤال كدة
هى الشاشة اللى بتركب فى المراية دى تاتش ولا لا
و اية نظام الصورة فيها لما تشغل فيديو
و هى بتتوصل باسمعات ولا اية و نظام صوتة اية
وبتعمل كام
معلش هتعبك معايا

الله يبارك فيك ياباشا, الشاشة اللى فلا المراية دى مش تاتش بس بتشتغل برموت بس وصورتها حلو بس مش بنفس وضوح الشاشة السيمفونى اللى بتدخل وتطلع مع العلم الاثنين سيمفونى وطبعا بتتوصل بالكاسيت .

المشاركة الأصلية كتبت بواسطة shaggy_tuning

اولا الف الف الف الف مبروك للسيستم ياباشا
والله مسكت الخشب ماشاء الله بسم الله ما شاء الله
بس ليه سؤال السمعات الكينود الدبيل بيس ايه لزمتهم معا كل الصبات دي ههههههه كنت هتهم عادي ومعلش ممكن تقولي سعرهم
والف مبروك ياباشا وياريت لو تقبلني اتصور جنبو عشان اقول ده الشوند شيستم بتاعي هههههههههههههههههههه
نسيت اقولك ركب كابستور بقي عشان البطاريه

الله يبارك لك يا شاجى ,أنا كان عندى السماعات العادية ( بايونير450+كينوود500) بس لما كنت بعلى كان صوتهم بيدخل فى بعض ,انما دول بسم الله ماشاء الله صوت التريبل فيهم والميدرنج ممتازيييييييييييييين مهما عليت وده اللى كنت عايزه أما بالنسبة للبيز فأنا موطى البيز من الجى ام بتاعهم أصلا.
بالنسبة للكابستور أنا سألت عنه وفى ناس قالولى انه مش مفيد أوى بس بيدى منظر واضاءة والكلام ده ( والله أعلم )

المشاركة الأصلية كتبت بواسطة fahd_628

ما شاء الله ما شاء الله

الف الف شكر يا باشا على الصور معلش تعبتك معايا :)

و ربنا يباركلك فيها

بصراحة انت كنت لازم تيجى الأوتوكروس و تورى الناس السوند سيستم المفروض يبقى عامل ازاى :)

على فكرة انا زيك كدة عاشق لل Bass بس انا على قدى شوية مركب بازوكا واحدة :) :) :)

الله يبارك فيك يافهد ولا تعب ولا حاجة ياراجل ده انت اللى شجعتنى انى أنزل أصورهم

المشاركة الأصلية كتبت بواسطة KoDaK_Gti

كلام تمام لأن لو مشى ورا كلام الناس مش هيخلص
ويارب يا وائل متشتريش حاجة تانى بقة وتهدى شوية علشان انا عارف الهسهس بتاع الحاجات دى
كده زى الفل اوى اوى

والله ياكوداك انت أكتر واحد فاهمنى
بس ان شاء الله مش هجيب حاجة تانية لفترة كدة .
بس اللى هجيبوه قريب ( وصلة البوتوث البايونير- وصلة الأى بود- وصلة ال يو اس بى-وصلة التى فى تيونر)
كله من عند أدريان وهبدأ باليو اس بى النهاردة ان شاء الله

المشاركة الأصلية كتبت بواسطة theking2690

الف مبروك يا وائل باشا بس اهم حاجه متبقاش تعلى اوى علشان ودانك

الله يبارك فيك ياكنج والتعلية دى مش بمزاجى عشان الناس اللى بتيقى وقفى جمبى فى اشارة بيديقو (مرة كنت على اكتوبر ومعلى على 3 وقافل تلات ارباع الازازاللى قدام وكانت الدنيا واقفة وبعدين لقيت واحد بيخبطلى على الازاز ويقولى والله يابيه العربية عندى بتتهز والله بتتهز قولتله أنا والله موطى خالص) ومن ساعتها فى أى زحمة لأو اشارة بوطى على الاخر.
ملهاش أى لزمة الواحد ياخد دعوة مش حلوة

المشاركة الأصلية كتبت بواسطة MRBEBO

الف مبروك يا وائل باشا على السيستم الجبار ده

بس ياريت تكتب تكلفة كل حاجة فيه

وربنا يستر على مستوى السمع عندك :)

بص ياباشا هو من الاخر كله عمل حوالى 15.000

المشاركة الأصلية كتبت بواسطة محمد فريد

ألف مبروك يا وائل والله فرحت لما شفت الصور الجميلة دى
ربنا يباركلك فى كل صباية وكل سماعه

آمييييييييييييين

الله يبارك فيك يامحمد اللهم امـيـــــــــــــــــــــ ـــــــــــــــــــــــــ ــن

المشاركة الأصلية كتبت بواسطة zizo50001

طب يا وائل معلش هى احسن ولا الشماسة و المراية دى تعمل كام لوحدها و الكاميرا لوحده تعمل كام والصورة وحشة للدرجة ولا اية

أنا بصراحة مجربتش الشماسة ومعرفش ايه نظامها.
بس المراية صورتها مش وحشة أوى يعنى بس أنا بقولك ان اللى بتدخل وتطلع أفضل منها.
وكمان المراية دى أنا كنت جايبها من فترة طويلة وكانت عاملة 800 أو 850 بس دلوقتى نزل منها نوع جديد فيه بلوتوث بس مش عارف عاملة كام.
والكاميرا لوحدها أعتقد كانت عاملة 220 وكنت جايبها من محل أوبشنز اللى فى أكتوبر وفى موضوع معكتوب عنه هنا فى المنتدى.

المشاركة الأصلية كتبت بواسطة OZYDREAMS

10/10 ربنا يباركلك فى السيستم وفى العربية بعد السيستم ويديك خيره ويكفيك عن شره .... كان ليا طلب كنت عاوز اعرف موديل السماعات اللى عندك بس اللى جنب الصبين البايونير

الله يبارك فيك ياباشا,وبالنسبة لموديل السماعات هبقى أجيبهولك بس هيا أصلا أخر حاجة نزلتها كينوود وهتلاقى الفيم بتاعها زى منتا شايف فى الصورة حواليه برواز نيكل وهيا الوحيدة من كينوود اللى نازلة كده وكمان هتلاقى حجمها أكبر من السماعات التانية.
أرجو أكون أفدتك وعلى فكرة هما نوعين بس اللى نازلين دبل بيز ( واحدة 320 والتانية ال 400) وطبعا الجوز أندونيسى, وعلبة ال400 بتكون بيضاء وعلبة ال 320 بتكون زرقاء

الف مبروك ياباشا بس خلى بالك كل ده كتير اوى على الاذن ومع الوقت هتلاقى السمع بيقل فنصيحه بقى ماتعليش الكاسيت على الاخر

المشاركة الأصلية كتبت بواسطة mrghost

الف مبروك ياباشا بس خلى بالك كل ده كتير اوى على الاذن ومع الوقت هتلاقى السمع بيقل فنصيحه بقى ماتعليش الكاسيت على الاخر

الله يبارك فيك ياجوست وألف شكر على النصيحة وأنا أساسا مستحيل أعلى الكاسيت على 20 حتى من 45