عاوز اسال عن ميرا 92؟

**mohammed ahmed** · 11-09-2007 04:03 PM

ميرا 92 تعمل كام ولو مش رشه دواخل وحالتها حلوة وبدون تكييفواخبار قطع غيارها ايه ؟لو سمحتم اى واحديعرف حاجه عنها يدلنى

**أبو عبدالله** · 11-09-2007 06:20 PM

بصراحه ان احنا نحددلك سعر ميبقى شئ مظبوط

لأن العربيه لازم تتشاف

ولكن انت ممكن تشوف اسعار المطلوب على النت احسن علشان تقدر نحدد بالظبط

وهي تقريبا بتبقى في حدود 25 الف وممكن تزيد عن 30 الف حسب الحاله

عن قطع الغيار فقطع الغيار اللي انت عاوزها كلها موجوده في التوكيل ولو مش موجوده هتطلبها هتيجي في خلال 20 يوم من اليابان

ودمياط مليانه قطع غيار لها لأنهم بيحبوها هي والبرودا اللي هي هي الميرا ولكن اندونيسي بس تقريبا الكفاءه قريبه جدا من بعض وهي على فكره من العربيات المعمره واللي اثبتت نفسها جامد جدا في السوق

**عزيز محمد** · 12-09-2007 02:18 AM

السلام عليكم ورحمة الله وبركاته

لا أعتقد ان سعر الميرا 92 يجب أن يصل إلى 25 ألف بأى حال من الأحوال

أنا معايا الميرا 98 جايبها من ثلاثة شهور ب 24 ألف وحالتها كانت كويسة ما شاء الله

لكن لو عاوز نصيحتى

الميرا موديلات ما قبل 97 كلها نفس شكل البيردوا كانشيل موديلات من 98 وانت طالع ونفس قطع الغيار الداخلية والخارجية

يبقى ليه تختار عربية موديل 92 طالما عندك موديلات أحدث والكانشيل حدودها تبدا من 24 إلى اوائل الثلاثينات حسب السنة والحالة

أما بالنسبة لقطع الغيار

توكيل دايهاتسو أنا روحت لهم بعدما اشتريت السيارة ولم اجد عندهم أى قطع غيار لها عشان هما لسه واخدين التوكيل العام الماضى فقط وتركيزهم على الموديلات الجديدة فقط فما بالك بموديل 92 وسيبك من موضوع يستوردولك قطع الغيار من اليابان لإنى أعتقد إنها حاجة مش سهلة للدرجة دى وأكيد مكلفة

توكيل البردوا هتلاقى عنده قطع الغيار للكانشيل اللى هي زى ما قلت الميرا قبل 97 لكن الأسعار مش رخيصة وخصوصا لو حضرتك هتقارنها بال 128 اللى معاك

عند تجار قطع الغيار سواء فى الحرفيين أو الوكالة لو لقيت عند حد (وباقول لو لإن الميرا حاجتها نادرة وعن تجربة) هتلاقيها استعمال وهيتحكم فيك فى أسعارها لإنهم عارفين إن محدش شغال فيها غيرهم وهما اتنين مفيش غيرهم اللى لقيت عندهم واحد فى الوكالة (سمير نوح) والتانى فى الحرفيين (سيد الفراش) ومالقيتش عنهم كل حاجة

فانوس خلفى 175

مقص 350

مساعد خلفى 100

طبعا أنا كلامى كله مرتبط بحدود القاهرة لإنى لم أبحث خارجها

وتحت أمرك فى أى استفسار

والسلام عليكم ورحمة الله وبركاته

**أبو عبدالله** · 12-09-2007 10:34 AM

وسيبك من موضوع يستوردولك قطع الغيار من اليابان لإنى أعتقد إنها حاجة مش سهلة للدرجة دى وأكيد مكلفة

لأا مفيش مشكلة خالص

هو بيستوردلك بثمن بره عادي والحاجه بتيجي في خلال 20 يوم فقط وانا مجرب ان شاء الله

**عزيز محمد** · 13-09-2007 02:37 PM

السلام عليكم ورحمة الله وبركاته

طيب ممكن يا أبو عبد الله تقول تفاصيل أكثر عن موضوع الاستيراد ده من خلال خبرتك

يعنى مثلا إيه هى الأجزاء اللى استوردوها ومستوى سعرها وتكاليف الاستيراد

وجزاك الله خيرا

**أبو عبدالله** · 13-09-2007 03:59 PM

بس هو بيحسبلك السعر عالطول لأن هو بيبقى على شبكة متوصلة بالشركة الام
وبيطلعله السعر عالطول ويحسبه بالمصري
وعلى فكره انا اشترت حاجات من اليابان عالطول منهم

وانا كنت قبلها سألت عليها في الخليج وفي اوروبا لقيتها اغلى من هنا بفارق يعتبر مش قليل يعني

وليس هناك تكاليف على فكره للأستيراد
فهو بيحاسبك كأنها قطع غيار عنده عادي زيها زي اللي عنده