رأيكم ضروري...أشتري لا لأ؟؟

**dr_waswas** · 31-03-2009 11:29 PM

انا روحت النهاردة توكيل تويوتا في احد المحافظات
اسف مش هقدر اقول اسمه لشروط المنتدى

واتفقت معاه على الأدفانسيد على 149
ومعاها دواسات هدية وفرش

فبالله عليكم عايز اخر رأي في الموضوع دا
لأني عندي كرولا خليجي 2003 ومركبتش قبل كده مانيوال

فهل هتفرق معايا الجديدة دي في السواقة

وبعدين انا ادامي فرصة اشتري عربيات تانية زي السيفيك الى السي 180 بس اللي مخليني افكر اوي في التويوتا قرب التوكيل وشكلها ومواصفاتها طبعا السعر وخصوصا ان اقرب عربية ليها هزود 30 الف

فياريت رأي أخير لأني دماغي باظت من كتر الكلام

**faroukahafeez** · 31-03-2009 11:43 PM

المشاركة الأصلية كتبت بواسطة dr_waswas

انا =فبالله عليكم عايز اخر رأي في الموضوع دا
لأني عندي كرولا خليجي 2003 ومركبتش قبل كده مانيوال

فهل هتفرق معايا الجديدة دي في السواقة

فياريت رأي أخير لأني دماغي باظت من كتر الكلام

والله يا دكتور الموضوع ده هيفرق من شخص للثانى

انا لو مكانك هأجرب اسوق العربية بنفسى علشان تكون وهتكون مستريح نفسياً اما تاخد القرار
لو متعرفش حد عند العربية او مفيش تست دريف ممكن تنزل القاهرة واقبلك وتجرب بنفسك
صحيح هو ممكن يكون مشوار للقاهرة بس انت مش بتشترى عربية كل يوم وكمان هتدفع مبلغ مش قليل

راى الشخصى العربية فوق الممتازة وهتحس بالفرق الكبير بينها وبين الكورولا 2007

**dr_waswas** · 31-03-2009 11:47 PM

شكرا ليك يا فاروق بس فعلا المشكلة في المشوار

والتوكيل قالي تعالى وجرب بس طبعا بعد مادفع بس قولتلهم بهزار لو ماستريحتش مليش فيه

بس حضرتك قولت هحس بفرق بينها وبين 2007
ذ
في ايه؟؟؟

وبعدين انا مش فاهم هوا انا لازم ارفع رجلي وانزلها كل شوية عشان تنقل؟؟

**أبو عبدالله** · 31-03-2009 11:59 PM

لأ مش للدرجة
هيا مشكلة الموضوع فعلا اللي احنا هاتينا فيها مليون مره
ان الكلام لما بيتقال زي نتشه ومش عارف ايه اللي مجربشي العربيه بيفهم الكلام ده بطريقة اخرى تماما

وهشا دي المشكلة اللي اتكلمنا فيها مليون مره للأسف
ولكن هنا بعض الناس مصممه تتوه الناس وتبرجلها

أخي الكريم
جرب العربيه وانت هتشوف بنفسك وهتشوف هل ده مناسب لك ولا لأ
التعبير ببعض الكلمات بيفهم بطريقة مختلفة من شخص لأخر
انا ركبت العربيه وشايف ان الموضوع عادي لدرجه ان المفروض لا يذكر بهذا الأسلوب اللي البعض صوره للناس
لأن الواحد لما بيبقى بيشتري عربيه بــ 150 الف جنيه وزيرو
اكيد اي كلمة حتى لو قلتله صوت مزعج
ممكن يكش وتكون العربيه كويسه والصوت عادي
وبكده يبقى الواحد بيتوه الناس مش بيوصلها للحل الجيد
فرجاء بدل ما احد يفتي ويقول راي على عينا وراسنا
بس ياريت لما يتكلم يقول للسائل انه يجرب العربيه افضل بدل ما يقول كلام لا بيودي ولا بيجيب غير انه بيبرجل الناس

اسف على الأطالة ولكن من زهق الواحد من كتر الكلام في الموضوع ده
فنصيحة مني لك كأخ جرب العربيه ولا تحكم بأعين الناس
انت سمعت الكلام
جرب انت بقه وشوف هل هو متوافق مع ما فهمته ولا لأ ؟؟؟؟

**faroukahafeez** · 31-03-2009 11:59 PM

المشاركة الأصلية كتبت بواسطة dr_waswas

شكرا ليك يا فاروق بس فعلا المشكلة في المشوار

تستهل السفر يا باشا

المشاركة الأصلية كتبت بواسطة dr_waswas

بس حضرتك قولت هحس بفرق بينها وبين 2007
ذ
في ايه؟؟؟

الثبات والسحب والشكل والكماليات

المشاركة الأصلية كتبت بواسطة dr_waswas

وبعدين انا مش فاهم هوا انا لازم ارفع رجلي وانزلها كل شوية عشان تنقل؟؟

لا مش لازم انا كنت بعمل كدة الاول علشان مش متعود عليها بس بعد شهر من السواقة والتعود عليها
هيها بتنقل لوحدها
بس دايماً بنقول ارفع رجلك ونزلها تانى للى لسة بيسوق العربية جديد بعد فترة مش حتحتاج كدة

**faroukahafeez** · 01-04-2009 12:08 AM

المشاركة الأصلية كتبت بواسطة أبو عبدالله

لأ مش للدرجة
هيا مشكلة الموضوع فعلا اللي احنا هاتينا فيها مليون مره
ان الكلام لما بيتقال زي نتشه ومش عارف ايه اللي مجربشي العربيه بيفهم الكلام ده بطريقة اخرى تماما

وهشا دي المشكلة اللي اتكلمنا فيها مليون مره للأسف
ولكن هنا بعض الناس مصممه تتوه الناس وتبرجلها

أخي الكريم
جرب العربيه وانت هتشوف بنفسك وهتشوف هل ده مناسب لك ولا لأ
التعبير ببعض الكلمات بيفهم بطريقة مختلفة من شخص لأخر
انا ركبت العربيه وشايف ان الموضوع عادي لدرجه ان المفروض لا يذكر بهذا الأسلوب اللي البعض صوره للناس
لأن الواحد لما بيبقى بيشتري عربيه بــ 150 الف جنيه وزيرو
اكيد اي كلمة حتى لو قلتله صوت مزعج
ممكن يكش وتكون العربيه كويسه والصوت عادي
وبكده يبقى الواحد بيتوه الناس مش بيوصلها للحل الجيد
فرجاء بدل ما احد يفتي ويقول راي على عينا وراسنا
بس ياريت لما يتكلم يقول للسائل انه يجرب العربيه افضل بدل ما يقول كلام لا بيودي ولا بيجيب غير انه بيبرجل الناس

اسف على الأطالة ولكن من زهق الواحد من كتر الكلام في الموضوع ده
فنصيحة مني لك كأخ جرب العربيه ولا تحكم بأعين الناس
انت سمعت الكلام
جرب انت بقه وشوف هل هو متوافق مع ما فهمته ولا لأ ؟؟؟؟

كالعادة أبو عبد الله قال خلاصة الكلام

**محمد محمد** · 01-04-2009 12:09 AM

انا والدى برضه كان محتار يجيب ايه الكورولا ولا السيفيك بس مرضيش يجيب السيفيك عشان قريبة اوى من الأرض لكن الكورولا فيها تكنولوجيا كتير وموضوع ان حضرتك مركبتش مانيوال قبل كده مفهوش اى مشكلة مع الفتيس الجديد بتاع الكورولاالmmtلأنه بيشتغل اوتوماتيك ومانيوال واحنا قبل منجيب الكورولا الجديدة كان معانا لانسر 2007 اوتوماتيك ولكن الفرق بين فتيس الكورولا وفتيس اللانسر ان فتيس الكورولا قواعده مانيوال وبيشتغل اتوماتيك الكترونيا بالكمبيوتر وهاتحس بالنقلات ما بين كل غيار اما فتيس اللانسر او اى فتيس اوتوماتيك عادى بيكون اوتوماتيك بس ومبتحسش بالنقلات وتحت امرك فى اى سؤال........

**ahmed1981** · 01-04-2009 12:13 AM

مفيش داعي للتسرع

إيه رأيك تشوف الأكتافيا
سيارة جديرة بالإحترام

**KHALED AYMAN** · 01-04-2009 12:15 AM

جرررررررررررررررب
العربيه و شوف بنفسك
انا كنت بسمع كلام كتير عن الايزى ترونيك ....
الى يقول زفت و الى يقول رائع
اخر ما زهقت روحت جربت بنفسى ...
سافر يا باشا حتى لو الهند
ده 150 الف جنيه
و على فكره الفتيس ممكن يكون حلو بس انت مترتاحش نفسيا
عادى
دى حاجات نفسيه

**feras_elngar** · 01-04-2009 01:10 AM

انا من يوم ما سوقت العربية مابرفعش رجلى من على الدواسة بين النقلات
كل اللى عليك تدوس وخلاص

لما تيجى تجربها جرب الثلات انظمة E & Es & M

والسعر رائع بالنسبة للى فات احنا اشترينا العربية بعد العيد الكبير اللى فات ب 161,000 بندق فرق 12,000 فى عب التوكيل الله يجازيه

بالتوفيق

الموضوع: رأيكم ضروري...أشتري لا لأ؟؟

LinkBack

أدوات الموضوع

عرض

-

-

-

-

-

-

-

المواضيع المتشابهه

عايز رأيكم ضروري !!!

لسكان بنها..عايز أشتري تكييف شارب منين في بنها؟ضروري جدا

محتاج رأيكم ضروري

محتار أشتري جين 2 ولا لأ أرجو الإفاده ضروري

أيهم أشتري في رأيكم: فيرنا أم لانوس أم ويرا ؟؟

الكلمات الدلالية لهذا الموضوع

المفضلات

المفضلات

ضوابط المشاركة