بص لو عندك مشاكل في الكهربا كتير و علبه الفيوزات فيها حاجات مش شغاله يبقى اشتري واحده بالضفيره كامله استيراد
هتلاقيهم ب500 جنيه بس لازم الكهربائي يكشف عليها كويس عشان ساعات بتبقى سايحه من جوا
طقم المساعدين الامامي لو عايز جديد فيه مونرو و فيه مايلي و kyp و فيه الصيني و فيه استيراد
انا جبت المايلي و شغالين كويس معايا
بس اضمن حاجه في مصر المونرو لانه بيبقى معاه ضمان سنه
سعره تقريبا 450 جنيه جوز المساعدين الي قدام
المساعدين الي ورا كنت جايبهم استيراد و المساعد ب 50 جنيه و شغالين كويس لغايه دلوقتي
السوست الاماميه ب 200 و الخلفيه ب 200 الايطالي و الالماني و التركي
الاستيراد السوسته ب 40 جنيه
الجنوط ممكن تجيبها مقاس 14 بتاعه عربيه جديده و هتلاقيهم كتير جدا و ممكن تاخد الاربعه ب 200-180 جنيه
انا ماشترتش جنوط عشان عربيتي كانت جايه بجنوط مجهوله المصدر بس شغاله
الكاوتش ال 14 الكوري ب 270 جنيه دلوقتي ماركه كومهو و هانكوك
كاوتش نسر ماجربتوش الصراحه
عند العفشجي بردو هاتكشف علي المقصات و جلب المقصات و البارات و علبه الدركسيون و تظبط كل دا مره واحده و هتلاقي العربيه دي بقت ناعمه جدا
جلب المقصات ب 11 جنيه تركي
طقم البارات 60 جنيه
حشو الدركسيون تركي 12 جنيه - ايطالي 16 - الماني 20 ( بس مش شايف فيه بينهم فرق )
اي علايه ب 4-5 جنيه
كدا انت خلصت العفشه
بس قبل العفشه لو عندك حاجه في السمكره تعملها الاول و بعدين تشتغل في العفشه
تخلص السمكره و العفشه تروح تظبط زوايا عند واحد كويس
المفضلات