الموضوع: (( رابطة الاسطورة فيات 131 ))

المشاركة الأصلية كتبت بواسطة haythoom_7

اسف على التطفل السعر كام لاني بشتري 131 اليومين دول ومش عارف الاسعار

تطفل ايه يااخى متقلش كده وهو طالب فيها 25000 واكيد ان شاء الله هيبقى فى مباحثات فى السعر بس بما يرضى الله وعموما انا مبتكلمش فى السعر الا فى اخر حاجة لما العربية تعجبنى واطمن ليها الاول لان دى اهم حاجة مش مشكلة الواحد ياخد عربية غالية الف او الفين زيادة بس تكون نظيفة وصاحبها مهتم بيها وصارف عليها

المشاركة الأصلية كتبت بواسطة saadelden

1300 أل 2 كامه ماتور ممتاز و موفر و مع الفتيس ال 5 غيارات هايريح في السفر
بس حكايه الصوت دي خلي الميكانيكي يبص عليه كويس قبل ماتشتري

عموما عربيات المعاقين بتبقى حالتها كويسه و معظمها مش شغاله كتير

شكرا جزيلا اخى الكريم على رد سيادتك
بس حضرتك متاكد من موضوع الموفر بصراحة هو ال 1300 سى سى موفر فعلا بس ال 2 كامة هو اللى مقلقنى وبصراحة اول مرة اشوف موتور 1300 ب 2 كامة
هو الفتيش ال 5 غيار بصراحة ممتاز منكرش
وبعد اذن حضرتك ممكن اسال سؤال هو ال 1300 ال 2 كامة صناعة ايه وحضرتك شوفته قبل كده فى عربية 131

المشاركة الأصلية كتبت بواسطة saadelden

انا ماشوفتش 1300 ال 2 كامه قبل كدا كل الي شوفته 1600 كامه واحده او كامتين
الي عندي 1600 كامه واحده

بس اعرف ناس معاهم ال 1300 ال 2 كامه و ماشي معاهم حلو جدا و مريحهم
و تقريبا هاتلاقيه الماني لان معظم ال 2 كامه الماني

عموما ال 1300 ال 2 كامه تقريبا استهلاكه هايبقى قريب من ال 1600 كامه واحده
و انا عندي ساعات كنت بعمل 200 كيلو في الصفيحه و اقل حاجه 130 كيلو في الصفيحه
ساعات بتعمل اكتر من كدا بس انا مشاويري مش كتير عشان احسب و معظم مشاويري داخل المدينه

عموما طالما حالتها كويسه حاول تجربها علي الطريق و شوف هاتريحك ولا لا
و ان شاء الله طالما الحاله كويسه يبقى هاتريحك

طبعا السعر لو نزلتها ل 24 الف تبقى كويسه

شكرا جزيلا اخى الكريم على رد سيادتك والحمد لله جربناها على الطريق وكانت الحمد لله كويسة والحمد لله خلصنه فيها والحمد لله بسعر كويس بدون ان نظلم الطرفين المشكلة لم جيت اركنها فى الجراج وللاسف الجراج عمدانه قريبه وضيق طبعا 127 كانت نعمة فى الموضوع ده اما 131 وخصوصا موضوع الباور كانت مشكلة كبيرة بس فى حاجة غريبة حسيت انى فى فرن والمروحة لحد ماركنت كانت شغالة وركنتها فى حوالى ربع ساعة بس عدوا عليا كأنهم ربع قرن ونازل حاسس انى كنت فى فرن بلدى هو ده طبيعى موضوع الحرارة

المشاركة الأصلية كتبت بواسطة HOSAMSAMSOON

[frame="9 10"]يا شباب
موتور 1300 تنين كامة يعنى 1300*1.5=1950 سى سى
يعنى اكبر من موتور 1600 فى استهلاك البنزين و العزم لان الكامة التانية بتعتبر نصف موتور زيادة مضروب فى سعة الموتور
وطبعا انة خمسة غيار غير االمرشدير دة مهم جدا و فعلا بيريح الموتور فى السفر
بس موضوع الصوت العالى هوة المشكلة
لان مواتير 131 على سير كتينة مش جنزير و دة بيخلى صوت الموتور ناعم و و اطى جدا[/frame]

شكرا جزيلا اخى الكريم على رد سيادتك
بالنسبة لموضوع ال 2 كامة مش مشكلة كبيرة ان شاء الله لان احنا بنحتاج العربية غالبا فى السفر فبنحتاج سرعة وعزم وبالنسبة للصوت العالى هو فيه مشلكة فى الشكمان وان شاء الله هانعالجها
بس على العموم هى على الطريق بس الله ما شاء الله حلوه
بس ياريت اعرف بالنسبة للسخونة زى ما قلت للاخ الفاضل فوق ده طبيعى موضوع السخونة لدرجة وانا بركنها المروحة تفضل شغاله والواحد يجيب عرق من كل حته
ده غير العضلات اللى طلعتلى فى الربع ساعة دى وهو على العموم هنوفر تمن الجيم

الحمد لله بعد ما ربنا وفقنا فى العربية وتعاونكوا معايا فى موضوع العربية يبقى شرف كبير ليا لما تقبلوا عضويتى معاكوا فى الرابطة
1- اسم العضو / عمرو سيد
2- مهنة العضو / محاسب مالى
3- سن العضو / 30 سنة
4- مكان اقامة العضو / حلوان
5- سنة صنع السيارة 131 / موديل 1979 - عدد السيسي / 1300
6- صورة للسيارة / ان شاء الله
7- سبب امتلاك سيارة 131 / بعد سؤال كتير هى افضل حاجة فى حدود الفلوس اللى كانت معانا وهى على العموم بتاعت الحاج
8- هل توجد سيارات اخرى / لا
9- الحالة العامة للسيارة فيات 131 / الحمد لله كويسة

المشاركة الأصلية كتبت بواسطة hosamsamsoon

.externalclass .ecxhmmessage p { padding: 0px; }
[frame="9 10"]
مرحبا بالعضو الجديد ا/ عمرو سيد
سيادتكم العضو رقم 72 فى الرابطة
تم اضافة سيادتكم الى قائمة الاصدقاء
برجاء اضافة باقى اعضاء الرابطة الى قائمة سيادتكم
يمكن الرجوع الى صفحة رقم 82 حيث يوجد روابط جاهزة لضمهم الى قائمة سيادتكم
كما يمكن ارسال طلب على الميل الخاص بى لارسال ملخص للرابطة الى سيادتكم
hosamsamsoom@hotmail.com


كما يوجدملخص لاهم صفحات و فعليات الرابطة فى الصفحة رقم 264
برجاء اضافة شعار الرابطة مع ترتيب سيادتكم فى الرابطة الى توقعكم
((يوجد رابط صورة الرابطة فى الصفحة رقم162 ))
[caution]ملحوظة هامة جدا[/caution][caution]
رابطة الاسطورة فيات 131
جزء لا يتجزء من منتدا نايل موتورز و تسرى علية جميع قوانينة و احكامة
برجاء قرائة قوانين المنتدى و الالتزام بها حتى لا يحدث اى تعليق من السادة مراقبى المنتدى
[/caution]واخيرا
الرابطة اتشرفت جدا جدا بانضمامك الى اسرتها
[/frame]

شكرا جزيلا وانا اتشرفت جدا جدا بانضمامى للرابطة

السلام عليكم ورحمة الله وبركاته معلش يااخوانى بس محدش رد على سؤالى العربية على الطريق الحمد لله كويسة بس المشكلة لم جيت اركنها فى الجراج وللاسف الجراج عمدانه قريبه وضيق وخصوصا بسبب موضوع الباور كانت مشكلة كبيرة بس فى حاجة غريبة حسيت انى فى فرن والمروحة لحد ماركنت كانت شغالة وركنتها فى حوالى ربع ساعة بس عدوا عليا كأنهم ربع قرن ونازل حاسس انى كنت فى فرن بلدى هو ده طبيعى موضوع الحرارة