يا فندم لو الماتور مظبوط هايريحك في البنزين
بس المهم تكون العربيه سليمه و ماسكه نفسها
و البرومه بتبان في البنزينه لو العربيه كويسه ولا متاكله !!!
عرض للطباعة
استفسار هــــــــــــــــــــــــ ــــأم:
انا انهارده روحت رفعت العربيه ال131 الكوبيه الى قولتلكو عليها وكان رد المهندس الى فحص كالاتى::1 فى شرخ فى فرده الشاسيه اليمين من قدام وهاتحتاج تتلحم
2 فى بارومه فى فردتين الشاسيه من ورا
3 فى بعض بارومه فى الدواسات مش كتير
4 القايم اليمين محتاج زرجينه تقريبا فى شرخ يا اما بارومه مش عارف والزجاج الامامى مش مطبع عليه من ناحيه اليمين
5 حاله الماتور والعفشه تمام
نصيحه لوجه الله لاخوكو الغلبان اخدها على كده ب11000 وده اخرها واصرف عليها فى حدود 4000 وهاتبقى كويسه وهابقى شاددها على ايدى واحدة واحدة ولا كده حرام اخدها واصرف عليها
ملحوظه هامه(الميكانيكى فى الاخر بعد اما شافها خدنى على جنب وقالى السعر ده كويس خدها هو فى عربيه 131 ب11000 وكمان قالى ان حالتها كده ملائمه لموديلها وهو 76)
[frame="9 10"]فى البداية استخير الله
بس انتا عندك طول بال على الصنيعية؟؟؟؟
وعندك سمكرى فاهم يعمل الشغل دة نظيف؟؟؟؟؟
و مين قال ان الشغل الى فيها ممكن يعمل 4000 بس؟؟؟؟
خلى بالك
العربية بالشكل دة فيها شغل فى اقل تقدير شهر بهدلة مع الصنيعية
وحتحتاج تجيب العربية على العضم و من غير فرش ولا موتور ولا كهربا
و تشتغل صح و حتجيب صاج جديد على الاقل العتب و الداير الخلفى
و بعد كدة الدهان
و بعد كدة التنجيد صالون و موكت ارضية و سقف
و ما خفى كان اعظم
131 من مميزتها انها ممكن تتشد عادى و تتصلح بس المهم الفلوس و امانة الصنيعى
انا حاسس انها علشان تتعمل صح حتحتاج اكتر من كدة
حتى لو اخد سمكرى معاك حيقولك مقدرش اعرف الى فيها غير لما افضى العربية خالص و بعد كدة يبان
انا كنت داخل اعمل بارومة فى الحوض خلف الموتور فى عربيتى
شلت الموتور و ظهرلى بارومة فى الارضية و العتب
شلت الصالون و الارضية و طبعا الضفيرة
و بعد كدة دخلت على الشنطة
كنت عامل حسابى على الف جنية
خلصت العربية بخمس تلاف و كنت عامل
بارومة و سمكرة كامل العربية
مغير رفرف شمال و صدر و مراية خلفية و عتب و داير و زجاج امامى و موكيت و سقف و جلد و دهان جديد
كنت داخل على شغل اسبوع العربية فضلت ثلاث اشهر
تخيل ان الاسعار دى كانت سنة 2003/2004منكرش ان العربية خرجت حكاية و كانت مسمعة فى الحرفيين انها بتتشد نزاهة و من غير حدثة و جالى اكتر من واحد عايزها بس منكرش انى اتبهدلت مع الصنيعية و ارهقت ماديا وقتها
علشان كدة انصحك تفكر فى هدوء و تعيد حسباتك
انا شايف انها علشان تتعمل صح الصح حتكلف كتير اوى
او انك تلمها اى حاجة و خلاص بس حتتعبك نفسيا
استخير الله و ربنا يوفقك
والله اعلم[/frame]
يـــــــــاه ده الموضوع شكله مقلق جدا انا بصراحة ابتديت اقلق من العربيه دى بصراحة الحاجة الوحيدة الى مشجعانى فى موضوع العربيه دى ان سعرها قليل وهايبقى معايا فلوس اشد بيها بس موضوع القايم ده فعلا قلقنى وبصراحة كمان اخاف احسن تفتح معايا فى المصرايف عن 4000 زى ما تفضل الاخ حسام من الاخر كده اخدها ولا لأ؟؟؟؟؟؟؟؟؟؟؟؟؟؟؟؟؟
سؤال كمان بخصوص العربيه دى وانا عارف تعبتكو معايا
الاستاذ صاحب العربيه فلسطينى ومعاه جوازين سفر واحد قديم ومثبته فيه الاقامه بس مدته منتهيه والباسبور الجديد مش مثبت فيه الاقامه وموظف الشهر العقارى قالى مينفعش اسجل من غير ما تكون الاقامه مثبته فى الباسبور الجديد
السؤال هنا بقى عايز اعرف لو صاحب العربيه نقل عنوانه فى الباسبور الجديد اسجل عادى ولا يبقى بردو فى قلق؟؟؟؟؟؟؟؟؟؟؟؟؟
انا اما جيت اصلح عربيتي كانت البرومه ماسكاها من تحت كلها
من كتر البرومه القوايم رجعت لورا حوالي نص سنتي و كانت الابواب تحس انها واقعه و مابتقفلش حلو الا بالرزع
طبعا انا كنت واخد العربيه مظبوطه لكن البرومه سرحت فيها جامد لغايه ما الدواسه الشمال كانت شبه منتهيه و تقريبا نص العربيه الامامي كان منفصل عن الخلفي
انا صلحتها علي مرتين
مره الجنب اليمين و دا لحقته قبل ما يدخل في تغيير دواسه
و الجنب الشمال و دا اتغيرله دواسه و عتب و سلاح و اتعمل زرجينه للقوايم
و الكلام دا اتكلف تقريبا 2000 جنيه بالفك و التركيب
بس ماغملتس حاجه في الجزء الخلفي
عموما بلاش تشتري عربيه من واحد مش مصري
انت ماتعرفش هو كان بيعمل فيها ايه
دي علي حالتها كدا تاخدها ب 7-8 لانها موديل قديم و تصرف عليها واحده واحده لانها هاتنزل علي الصاج