اسبوع العربيه :d
البدايه من يوم الجمعه
كنا خارجين رايحين لواحد صاحبنا في المريوطيه . مشوار حوالي 30 كيلو
المهم يوم الجمعه الصبح نزلت شيكت علي العربيه زيوت و ضغط هوا و فولت بنزين 80 و ميه و كله تمام
بس نسيت ابص علي زيت الفرامل
بعد الصلاه ابتدينا نتحرك بس لاحظت ان دواسه الفرامل نازله ف الارض خالص
روحت للميكانيكي ياخد هوا و يبص يشوف فيه ايه .لقيت مفيش ولا نقطه زيت!!
جبت ازازتين زيت و حطيت واحده و رجعت العربيه و خدنا عربيه ابن خالي
يوم السبت ببص علي الزيت لقيته خلص بردو مع ان العربيه واقفه
روحت للميكانيكي و فك العجل الي ورا لقيت التيل خلصان و ماسوره الزيت الشمال ورا مكسوره و هي الي خلصت الزيت
طبعا غيرت التيل و الماسوره اتلحمت و مشيت الامور
جيت بعد كدا حكايه فرامل اليد و العداد الي بيشتغل يوم و يفصل
روحت للميكانيكي امبارح و فكينا الكراسي و جبت الاسطى بتاع العدادات علي مانفك الكرسي و الكنسوله
فكينا الحاجه و لقيت ان فرامل اليد طالعه من مكانها بالمسامير بتاعتها و القاعده بتاعه الكرسي الي جنبها مفكوكه خالص !!
خلصنا السمكره و الحمد لله و ركبنا الفرامل و رجلش و كله تمام و مسكت الكراسي ظبطها و قرطت عليها و خدت شويه زيت من عند الميكانيكي حطيتهم علي المجره بتاعتها عشان كانت بتعلق شويه
المهم بتاع العدادات قالي انا غيرت السلك و ب 40 جنيه ف مسكته اتخانقت معاه لانه مش اول مره يعمله و يبوظ
الميكانيكي فك الخناقه و مشاه و قالي هات 20 جنيه و راح اداهاله
كان عندي بردو التابلوه مش راكب كويس من الجنب اليمين و طلع انه مش راكب من تحت و المسمار بتاعه مش موجود ف مسكته مع الميكانيكي قعدنا ربطناه و ظبط شويه
و دي صوره من المعركه :d
http://img831.imageshack.us/img831/2...1110181494.jpg
فرامل اليد و باين حواليها اللحامات الي اتعملت
انا اكتشفت ان الفرش عندي معمول 4 طبقات
طبقتين موكيت و تحتهم عازل حراري و فوقيهم طبقه فرش جلد
انا موثق كل حاجه عملتها في العربيه بالصور ف هحاول انزل الصور بالي حصل فيها