يعنى المفروض اوقفها عند الميكانيكى الاول ولا اما اخلص السمكرة والدوكو افضل
وخصوص الكاوتش لو ركبته مقاس 14 185/65 يكون مناسب كده ولا ليه؟؟؟؟
عرض للطباعة
[
بص يا فندم انت تجيبلها الطقم بتاعها عشان الكراسي عندك لازم تكون الي بتتفتح
و التابلوه هاتجيب بتاع ال 84 من غير العدادات بحوالي 500 - 600 جنيه
كان فيه واحد متخصص صالونات بس مش فاكر مكانه فين بالظبط
طبعا طقم الكراسي هايعملو في حدود 600 - 800 جنيه
بس لو الشاسيه بتاعها سليم احسنلك خدهم عند سروجي كويس هايظبطهملك و هايبقو زي الجداد بالظبط
حاول تبتدي بالميكانيكا و السمكره عشان ماتبهدلش الصالون بتاعك[/quote]
بخصوص الكراسى هما الحمدلله سلام هاظبطهم عند السروجى على طول اما بخصوص التابلوه مش ممكن الاقى حاجة ارخص من كده شويه
استفســــــــــــــــــــ ـــار هــــــــــــأم:
انا روحت انهارده لسمكرى تبع واحد معرفه عشان يشوف العربيه محتاجه ايه؟؟؟؟
قالى اقتراحين:
اول واحد: انه يشتغل فيها عادى بس من غير ما يحرق على الصاج يعنى فى الاماكن الى محتاجة شغل بس وهى كده كده العربيه هاتكون عنده من غير الصالون ولا التابلوه عشان يبقى كل حاجه قدامه وقالى كده هاتتكلف فى حدود 600 الى 700 جنيه
تانى اقتراح:انه برضو يظبط الاساسيات المهمه طبعا الاول وينزل المعجون الى على العربيه كله وتبقى عالصاج واكنها هاتتعمل من اول وجديد وهاتتكلف فى حدود 1600 الى 1700
وانا محتار بين الاقتراحين دول والبركه فيكو تقولولى اعمل ايه وماتنسوش الميزانيه بتاعتى 4000 جنيه بسّ!!!!!!!!!!!!!
[frame="9 10"]يا روح قلبى
اى عربية مستعملة بيكون فية اولويات علشان تتعرف عليها و تكون على ايدك
1- ميكانيكا الموتور .......... و يتم تغيير
1- سير الكاتينة و سير الدينامو
2- تغيير فلتر الزيت و الهواء و الزيت و فلتر البنزين
3-تغيير طقم الكهرباء كامل
4-ظبط الموتور و الكربراتير
5-مراجعة نظام الشكمان و اصلاحة و تغيير التالف منة
2- نظام الفرامل
1- مراجعة زيت الفرامل
2-مراجعة التيل الامامى و بساتم الطنابير
3-مراجعة القباقيب الخلفية و المساتر الخلفية و مساتر الضفضعة
4- مراجعة المستر العمومى و السرفو
3- العفشة و مجموعة الجر
1- مراجعة المسعدين امامية و خلفية
2-مراجعة زيت الكارونة
3- مراجعة الصلايب و كرسى النصف
4-مراجعة البارات و الاسكارتة و القامطة
5-ظبط زواية العجل
4- الكهرباء
1- اصلاح الانوار و التاكد من الوصلات و مراجعة الكبارى
2-التاكد من شحن الدينامو و ظبطة
3-مراجعة المارش
4- مراجعة مروحة التبريد و الترموستات (ان وجد لانها ممكن تكون تبريد مباشر على الموتور)
5-مراجعة علبة الفيوزات و الضفيرة
5- السمكرة
1-يفضل حرق العربية على الصاج و ازالة الدهان القديم
2-اصلاح البارومة و ظبط زرجينة السيارة
3-تغيير الصاج التالف
6- الدوكو
1- يفضل الدهان الفرن
2-اعادة رش البلاك و عوازل الرطوبة اسفل السيارة و داير العجل
3-يفضل عدم رش دواخل السيارة و يكون الرش اماكن مرمات البارومة على الضيق بعد رش العزل
7- التنجيد
1- تنجيد الكراسى و التاكد من وجود العوازل
2-نظافة موكيت الارضية او تغييرة
3- نظافة تنجيد السقف او تغييرة
4-تغيير او كسوة التبلوة و الكنسول
دة ترتيب اولوياتك مع السيارة
ولك الاختيار فى تقليل داخل كل ترتيب بدون المساس باول و ثانى بند
اية الفيدة من عربية مدهونة و مشدودة مع موتور عطلان او فية مشاكل او مع عربية متعرفش توقفها و تعمل بيها حدثة
ربنا يكفينا الشر[/frame]
بخصوص الكراسى هما الحمدلله سلام هاظبطهم عند السروجى على طول اما بخصوص التابلوه مش ممكن الاقى حاجة ارخص من كده شويه[/quote]
شوف التابلوه الي انت عايزه
هتلاقي 3 موديلات
واحد بتاع 74-77
و الي بعده 78 - 81
و الاخير من 81-87 شبه تبلوه الشاهين القديم
و كل واحد ليه سعره
ممكن تلاقي تابلوه ب 500 و ممكن تلاقيه ب 600 او 700
و ممكن لو التابلوه عندك حالته معقوله و مشقق بس مش مكسر يتعمله كسوه و يتلحم الشقوق بتاعته و يرجع زي الجديد
و الناس الي شغال في التابلوهات فيه واحد في شارع شامبليون بيكسي التابلوهات
هحاول اجيبلك رقمه
لو فتحت يبقى اعمل حسابك ان احتمال ترش العربيه كلها و كدا هاتعدي 3000 جنيه مستريح
طبعا تنزل الدهان كله و تحرق العربيه علي الصاج دا افضل بس هياخد وقت كتير غير انه هايتكلف كتير
ممكن لو فيها برومه في العتب او الشاسيه تعملهم دلوقتي و اما تبقى فاضي و جهزت نفسك تمسكها تحرقها و تعملها من اول و جديد
بس طبعا ماتلعبش في الدواخل لو مارشتش قبل كدا
السلام عليكم:
كنت محتاج اعرف لو في حد اشتري سوستين قدام للعربية قريب سواء استيراد او جديد عشان العربيه عندي مكفيه لقدام وعاوز اعليها شويه