السلام عليكم نشكر الاخ الباشمهندس حسام
علي اظهار هذا الموضوع الغائب عن الغالبيه العظمي. والحمد لله صوتنا
وربنا ينصرنا
عرض للطباعة
السلام عليكم نشكر الاخ الباشمهندس حسام
علي اظهار هذا الموضوع الغائب عن الغالبيه العظمي. والحمد لله صوتنا
وربنا ينصرنا
الاخ essamenen المحترم
بالنسبه للسيارة 131 مجموعة العفشه بتاعتها بسيطه 2مقص امامى 2 باره طرف واسكاترا اولا انا اللي غيرته اسمهم بارات طرف ودول اللي ماسكين العجل بالاسكاترا ومسئولين عن التوجيه والباره فيها بيضه لما تخف تعمل بوش افقي في العجله الاماميه تحسه في الدركسيون وكمان لو قفشت تعمل تقل في التوجيه كمان المقصات لما بتبوظ بتعمل بوش رأسي في العجل وكمان الاسكاترا عليها شغل كبير برضه لما تخف تعمل بوش وتحس بالمطبات في الدركسيون او تتقل الدركسيون ويصعب التوجيه لانها ترس علي عمود مشرشر وعلي فكره ليها صاموله رجلاش بتخف التوجيه او تتقله وهي عموما فيها بيضتين برضه بيتظبوطوا. لأن الاسكاترا لو مش مظبوطه تحس العجل والدركسيون كل منهم في حاله ويصعب التحكم في السياره والاسكاترا بتعتمد علي الشحم اللي فيها لانه لو جف هاتبدأ تبوظ وده في حاله الكاوتش بناعها اتقطع. بالنسبه لليايات اللي بيتحكم في العلو المساعدين بس المساعدين الجديده بتيقي ناشفه ولما تحمل العربيه مابتهبطشي جامد زي المساعدين القديمه بس العربيه بتريحك في المشي لما تكون محمله لانه زي ماقلت المساعدين الجديده ناشفه التعويم او الخبط في المطبات لو انت مركب علايات كتير
واخيرا اشكركم وارجوا ان اكون افدت متأسف للاطاله
شرحك اكثر من ممتاز بس لى تعليق بسيط لو سمحت لى الييايات هى الى تتحكم فى ارتفاع وانخفاض السياره والحموله يعنى لو حملت اى حموله هتلاقى العربيه هبططت لكن المساعد وضيفته امتصاص الصدمات يعنى ممكن اننا نشيل المساعد ونمشى بالعربيه بس هتلاقيهه بتتنطط انا كنت باسال حخرتك لانى لما بركب 3 اشخاص فى الكنبه الخلفيه العربيه بتشب لفدام وبتحك فى المطبات لكن لما بكون ماشى فاضى بتبقى تمام وراسيه وعلوها متساوى وده عيب يايات مش مساعدين
اللي بيخلي العربيه تدب العلايات الكتير او لو مساعد محجر الصنايعي بيقول المفضل في الخلف المساعدين الغاز
بالنسبه للسوست الايطالي كنت جايبها من سنه ب 200 جنيه من محل عندنا متخصص في الفيات هم مدموغ عليهم
Made In Italy والله اعلم ايطالي ولا ايه في الغش الموجود اليومين دول لكن افتكر الصنايعي قلي هات السوست اللي لونها رمادي وبلاش الاسمر علشان الرمادي ايطالي
بالنسبه للدركسيون شوف الاسكاترا وبارات الطرف بس ياتري التقل ده من فتره قريبه ولا ايه ظروفه
لسه انهارده كنت عند العفشجي كان بيغيرلي علايه مقطوعه
بس المشكله اما فك و كان سبب ان العلايه اتقطعت لتاني مره ان اليايات بتاعه بيجو و مقصوصه !!
و الي مقصوص منها كتير ف مش مريحه العربيه و لو ركبت من غير علايات العربيه بتبقى في الارض
اتفقت معاه يشوفلهم بيعه و هجيب يايات جديده بدالهم
بس حكايه ايطالي دي قولتله عليها و قالي ممكن تلاقي بس بنسبه 50% بيبقى تركي و مكتوب عليه ايطالي
و قالي التركي كويس بردو و هيمشي معاك فتره حلوه
و الدركسيون انا مغير البارات من قريب و هو قالي هنفك العلبه و نشحمها و نركب طقم اصلاح
بس فيه جلبه الخراط بيركبها بيقولي دي احتمال الي تكون بايظه عندي
وقت اما افضى هبقى اروحه نفك الدركسيون نشوف حكايته ايه
الاخ essamenen المحترم شكرا جزيلا علي الاطراء والتعليق المفيد
ولكنني اقصد في الحقيقه ان المساعد له مدي لايمكن ان يتعداه وهو بذلك يتحكم في طول الياي بمعني لو عندنا مساعد قصير سيضم الياي الي نفس الطول ولكن الفرق بين الياي القديم ان صلابته قلت وكذلك طوله ف بالتالي عندما تحمل السياره في الخلف ستهبط اكثر من اللازم .فلما تركب يايات جديده تحس العكس لما يكون معاك حد ورا تلاقي العربيه كويسه وراسيه ولما تركب لوحدك تلاقيها ناشفه وتخبط وده لفتره معينه بعد كده بترتاح وفعلا اليايات كما حضرتك وضحت هي للتحميل والمساعد ينكمش سريعا عند الصدمه وبعدها بنفرد ببطء فيحدث الامتصاص للصدمه
ارجو الا اكون اخظأت دمت بخير
الماتور الي عندي 1600 كامه واحده
و دا صوره المقياس الي عندي
http://img171.imageshack.us/img171/3...1105301222.jpg
المسافه طلعت 20.2cm دا بالجزء الي بينزل في الماتور من البلستكه
الاخ العزيز سعد الدين تحيه طيبه والله يكون في عونك
بالنسبه للسوست ياريت تغيرهم فعلا لانه اولا العلايات متعبه حتي لو تركي وبتاعتها احسن ماتكون بتاعه عربيه تانيه
وبالنسبه للدركسيون شوف عامود الصليبه وشوف الاسكاترا لتكون قافشه من قلة الشحم هي دي الحاجات الاساسيه
وعموما لو حبيت تشتريهم فيه استيراد بسعر غير مكلف
واحد صحبى قاللى أنى أغير زيت الفتيس بس أنا سمعت قبل كدة أنه مايتغيرش و انه يتزود بس يا ترى أصدق مين و كمان ماهو مقاس الكاوتش المناسب للسيارة فيات 131 حيث اللى عندى 185/70/13
الاسعار دي كلها من الحاجات الي غيرتها في عربيتي ال 131 كامه واحده 1600cc
معظم الحاجات الي مركبها ايطالي او الماني لكن هل هي فعلا ايطالي او الماني ؟ اشك !!
الميكانيكا
فلتر بنزين 5
فلتر زيت 11
فلتر هوا 8
سير كاتينه 32
سير دينامو 8 عادي - 10 مشرشر
جوان تاكيهات 5
طقم شمبر 125
عمود كامات 160
طقم كستبان 90
طقم شمايز 300
جوانين وش سلندر 30
جوانين فرن الشكمان 6
جوان الكرتيره 8
اي طقم بوجيهات صيني 20
طقم بوجيهات دينسو ياباني 3 شمعه 55
طقم سلك بوجيهات 20
ابلاتين و كندنسر فرنسي 23
تيل فرامل امامي ايطالي 25
تيل فرامل خلفي امريكي 70
طرمبه ميه 90
سلك اكسلاتير 30
سلك دبرياج 25
طقم دبرياج استيراد 120
بليه دبرياج ايطالي 35
مروحه (الي بتركب ع الكرنك) ايطالي 20
الكهربا
مروحه شاهين 120
ملف دينامو 40
لمبه اشاره او مرشدير 1.5
لمبه 100\90 شوكه واحده 12
لمبه 200\260 نرفا الماني 3 شوكه 30
ولاعه 15
فيوز 0.25
العفشه
طقم بارات 65
طقم حشو للميزان 12
علايه مرسيدس 5
علايه بيجو 4
السمكره
سلاح امامي يمين او شمال 40
فرده شاسيه يمين او شمال 25
طقم كرتيرات مصري 70
رفرف استثماري 120
طقم الدبرياج معقول
بس مش دايما بيبقى كويس
يعني دلوقتي قعد معايا 6 شهور و ابتدى تظهر مشاكله
الطقم الجديد تقريبا ب 350 جنيه بس انا ساعه ما كنت بشتري كنت بدور علي نوع اسمه Value و مالقيتوش
[frame="9 10"]
اعزائى و اخوتى اسرة الرابطة الكر ام
اعتزر عن عدم االتواجد المستمر فى الفترة الاخير بسبب ظروف العمل و بعض المشاكل الجسمانية ((اسئلكم الدعاء))
بالنسبة للاسعار فى القائمة فعماااااااااااااار يا حببتى 131 و يا فرق اسعارك و صيانتك عن الجلنت فى الغربة
الكلام المزكور لتنفيزة فى الجلانت التكلفة لاتقل عن 5000 ريال يعنى تقريبا بفرق بسيط عن ثمن العربية حاليا
[/frame]
[frame="9 10"]
زيت الفتيس و زيت الكارونة بيتغيرم حسب نوع الزيت بحد ادنى 10.000كم
يعنى ممكن يتغير على اكتر من كدة
انا عارف ان الكل متمسك بزيت الفبريكة بس انتا عايز اية من زيت بقالة اكتر من 20 سنة ؟؟؟؟؟
وكمان عدى عداد 100.000كم؟؟؟؟؟
بس خلى بالك من رقم الزيت
يفضل وضع زيت خفيف فى الفتيس و زيت تقيل فى الكارونة
للاسف انا مش فاكر رقم الزيت بالظبط
ارجوا اكمال المعلومة من السادة الاعضاء
بالنسبة لمقاس العجل
مقاس العجل الاصلى 165/70/13بس احسن مقاس لثبات 131 هوة 185/70/13عن تجربة شخصية و ان كان يعيبة ثقل الدريكسيون شوية
[/frame]
باشمهندس حسام
ربنا يعينك ع الغربه و الجالانت
اما اخد الاجازه هبقى اكتب تفاصيل العمره و الشغل الي عملته في العربيه بالصور ان شاء الله
و لو فيه اسعار تاني هنزلها في الرابطه
يا رجال
عندي سؤال
الكراسي الأمامية في ال 131 مش مريحاني بالمرة
وقاعد أفكر أفبركلهم كراسي محترمة من عربيات تانية
فكرت في كراسي التمبرا أو كراسي الفرنا واللانوس والنوبيرا
مش عارف الصح إيه
ومحدش يقوللي كراسي الشاهين عشان كراسي الشاهين مش كويسة برضه
ياريت تفيدوني في هذا الموضوع
وسؤال جانبي
ما هو سعر كبوت ال 131 إستيراد ؟؟
-
ابن عمي جاب كراسي تويوتا كورولا و كنبه نيسان صني
الكراسي كويسه و بتطلع و تنزل و تقريبا ب 600 جنيه
بس كراسي ال 131 حلوه بالذات موديلات التمانينات الي بيبقى الكنبه فيها مساند راس بس اما تبقى سليمه
حد جرب يركب كراسي التمبرا في ال 131 ؟؟؟؟؟
*
[frame="9 10"]م / احمد
شكرا على مرورك الكريم بالرابطة
بالنسبة لسؤال سيادتكم
فى الغالب سست الكرسى عند سيادتكم مكسورة ودة بيسبب تعب ليك وانتا بتستعمل الكرسى
انتا محتاج تروح لسروجى سيارات كويس بيفك الكرسى خالص و بيجيبة على الحديد و يبتدى يعالج السست المتكس رة و يركب جديد بعد كدة بيعيد تنجيد الكرسى مع الوضع فى الاعتبار اضافة الفيبر الى الاسفنج و دة بيدى نعومة و ملمس طرى للكرسى ((نفس فكرة تنجيد الصالونات و الانتريهات )):16:
لو بامر الله نفزت الكلام دة عند حد فاهعم مش حتحتاج تغير الكرسى
اى كرسى عبارة عن شاسية حديد و سست
المهم التنجيد و تفصيل الكرسى و نوع السفنج و الحشو و شكلة وكمان ممكن تضيف سندات للراسو تلحمهم
اتمنى اكون افدتك
امر اخير
نحب نتعرف على سيادتكم اكتر بانضمامك الى اسرة الرابطة
ستمارة التعارف و الانضمامن موجودة فى المشاركة رقم واحد فى اول صافحة بالراطة
فى انتظار انضمامك
شكرا على مرور سياتكم[/frame]
الحمد لله خلصت الامتحانات انهارده
احتمال اعمل شغل السمكره الي ف العربيه و اخلصه ف يومين كدا و اراجع ع العفشه تاني
السمكره الي فيها ف الجنب الشمال بس سواء بارومه او الخبطه الي قدام
و العفشه هكشف علي علبه الدركيسون اشوف محتاجه ايه و اظبطه و اغير اليايات الخلفيه
الرخصه هتتجدد المفروض ف شهر 7 ف محتاج اظبط الخبطات الي فيها عشان تدخل الفحص
ألف شكر يا جماعة
وألف شكر يا بشمهندس حسام
الحقيقة أنا الكراسي عندي متنجدة قريب لكن أنا عايز أغيرها بنوع أكثر راحة
لذلك فكرت في كراسي التمبرا يمكن متحتاجش تغيير قواعد الكرسي
ـــــــــــــــــــــــــ ـــــــــــــــــــــــ
وهناك أمر آخر
العربية عندي بتاكل زيت بطريقة فظيعة
يعني ممكن مشوار خمسين كيلو تحتاج تزويد 2 كيلو زيت
الغريب إن الشكمان مفيهوش دخان ملون
لكن الواضح إن خرطوم الفايظ بيطلع نافورة دخان كأن الموتور محروق وبيبخر البلد
والغريب إني لو قرصت جامد
خرطوم الفايظ بيطلع زيت يرميه يغرق الموتور من الخارج
مش عارف العربية عايزة عمرة ولا إيه ؟؟؟؟؟؟؟؟؟؟؟؟
غالباً عمرة إلا لو عندكم رأي آخر تقولولي عليه
طيب
لو إفترضنا إن العربية محتاجة عمرة
العربية طبعاً 131 موديل 1984 وموتورها ال 1600 الكامة الواحدة بتاعها
تفتكروا العمرة تكلفني كام ؟؟؟؟؟؟؟؟
ولا يفضل أجيب ماتور إستيراد أفضل
فكرت أجيب موتور إستيراد دوجان 1600 مثلاً
أو موتور تمبرا وأركبه على الفتيس عندي
ولا موتورها إستيراد أفضل ؟
ولا الأحسن عمرة
أنا سامع إن عمرة ال 131 مكلفة وفيها تغيير شمايز وخلافه
ما رأيكم
ولو حد سبق له تجربة يفيدنا
أفادكم الله
-
ياااااااااااااا رجااااااااااااااااااالة الراااااااااااااااااااااا ااااابطة
ردواااااااااااااااااااااا ااااااااااااااااااا علينااااااااااااااااااااا ااااااااا
-
شوف الميكانيكي هيقولك ايه
انا كنت كاتب تفاصيل الي دفعته في نص عمره
فلتر بنزين 5
فلتر زيت 11
فلتر هوا 8
سير كاتينه 32
سير دينامو 8 عادي - 10 مشرشر
جوان تاكيهات 5
طقم شمبر 125
عمود كامات 160
طقم كستبان 90
طقم شمايز 300
جوانين وش سلندر 30
جوانين فرن الشكمان 6
جوان الكرتيره 8
اي طقم بوجيهات صيني 20
طقم بوجيهات دينسو ياباني 3 شمعه 55
طقم سلك بوجيهات 20
ابلاتين و كندنسر فرنسي 23
تيل فرامل امامي ايطالي 25
تيل فرامل خلفي امريكي 70
طرمبه ميه 90
سلك اكسلاتير 30
سلك دبرياج 25
طقم دبرياج استيراد 120
بليه دبرياج ايطالي 35
مروحه (الي بتركب ع الكرنك) ايطالي 20
دي اسعار الحاجات الي غيرتها في العربيه
شوف انت هتغير ايه و احسب بقى
بس خلي بالك لو الحكايه دخلت في عمره كامله و تغير كرنك بلاش احسن و هات ماتور استيراد بورقه
شكراً يا أستاذ سعد
وهل الميكانيكي حل الموتور من العربية
ولا عمل النص عمرة بدون إخراج الموتور من العربية ؟؟؟؟؟؟؟؟
-
[frame="9 10"]السلام عليكم و رحمة الله
فى البداية لا شكر على واجب و اتمنى من الله عز و جل تقبل صالح الاعمال فى ميزان حسنات المسلمين
ثانيا
انا فى انتظار تشرفنا بانضمامك فى عضوية الاسرة و استمارة الانضمام و التعريف موجودة فى اول مشاركة فى الرابطة
ثالثا
انا كان عندى نفس موتورك 1600 واحد كامة بغطاء الومونيا
موتور من احسن و اقوى و انعم مواتير 131
وقد قمت بعمل عمرة لة
العمرة لو اتعملت صح و تم تليين الموتور بهدوء و لمدة كافية بتعيش مدة طويلة جدا جدا بتصل الى اكثر من 150 الف كم
ودة الى حصل معايا
بس العمرة مكلفة لو حريص تجيب كل القطع اصلى و يفضل الامانى و الايطالى و دة الى بيخلى تكلفة العمرة عالية بس بتعيش
ولا انصحك نهائيا بالقطع التركى او الصينى
احسن توقيت لعمل العمرة بيكون فى الشتاء خاصة فى مرحلة التليين
انتا ممكن حاليا تحط مانع دخنة فى الموتور و تستعمل زيت التعاون او شل التقيل ودة حيقلل من الدخنة لحد متظبط حالك فى العمرة
و طبعا محتاج تغير طقم الكهرباء و يكون من نوع محترم
و بردة فى الاخر الكشف على الموتور ممكن يكون محتاج طقم شمبر بس
يعنى نصف عمرة
و فى كل الاحوال الموتور بيبان لما ينفتح
كفانا الله شر العمرة
[/frame]
[frame="9 10"]لو الاصلاح فى نصف الموتور العلوى لا يحتاج الى اخراج الموتور لانة بيكون بيصلح فى الصبابات
لالكن لو بيصلح فى نصف الموتور الاسفل او الموتور بالكامل لازم الموتور يطلع برة
و فى كل الاحوال خروج الموتور من السيارة لا يحاج اكثر من 15 الى 20 دقيقة من اثنين صنيعية فاهمين
والله الموفق[/frame]
أنا قصدي إن في عربيات زي ال 128
لو محتاجة طقم شنبر
لا نحتاج لإخراج الموتور من العربية
مجرد يتفك وش السلندر من فوق
ويتفك الكرتير من تحت
ويتم فك البساتم
وتغيير الشنابر ثم التركيب
بدون الحاجة لإخراج الموتور من العربية
فهل ال 131 فيها هذه الميزة
أم أن القنطرة السفلية ستمنع هذه الميزة ؟؟؟؟؟
-
لو طقم شمبر بس هيغيره و الماتور في مكانه
لكن لو دخل في خرط شمايز او الكرنك او عمود الكامات يبقى هيفك الماتور
ناوي أفك التابلوه عشان أظبط شوية في الكهربا وإحتمال أركب تكييف
حد عنده تجربة في فك التابلوه ؟؟
-
حد يعرف الدركسيون دا ممكن الاقيه ولا لا ؟
http://img101.imageshack.us/img101/5...1312ndseri.jpg
و لو مش موجود ممكن الاقي الدركسيون الي قبله ؟؟
انا عايز دركسيون بالدراعات فقط
و فيه بردو الصالون دا نفسي اجيبه
http://img694.imageshack.us/img694/7352/3bdd2ffb.jpg
انا لو لقيته بحاله نضيفه هجيبه و بيع الي عندي
بصراحه شكله فخم و جميل جدا
[frame="9 10"]والله عند حق
ودة بيكون فى 131 المستورد مش التجميع المحلى
فى الغالب بيكون ايطالى
الدريكسيون حيكون موجود فى الغالب مع القطمة كامل
لاكن الفرش و الكراسى حتلف شوية علية
ممكن فى وكالة البلح و فى عزبة شلبى او توصى علية مستورد:Ka_che1[1]:
بالتوفيق[/frame]