الموضوع: (( رابطة الاسطورة فيات 131 ))

السلام عليكم ورحمه الله وبركاته
ازيكم يا جماعه
معرفش اقول ليكم ايه بس الايام دى بتعرض لهجوم شديد علشان ابيع عربيتى هيا العربية حالتها العامه كويسة اللى فيها عاوزه مساعدين قدام و طقم شنبر و مروحه ردياتير و قدام شوية عاوزه طقم كاوتش وفيها زنه كارونه من زمان وماشية عاديه اهلى كلهم بيقولوا لى ان العربية كده فتحت بقها وانى ااخلص منها بسرعه وعاملين بيقنعوا فيا العربية مش هاينه عليا انى افرط فيها لان ليها معايا زكريات حلوه لانها عربية ابويا فى الاصل واول عربية احس بيها واتعود عليها
ساعدونى على العيوب اللى فيها دى معناه انها بدئت تفتح بقها ولا الحاجات دى عاديه تحصل فى اى عربية
كلهم بيقولوا ان العربية دى شاخت و كبرت خلاص و خسارة الفلوس اللى هتدفعها فيها لانها مش هتزودها وكمان كل يوم قيمه العربية بتقل وبيقنعوا فيا انى ابيعها واحط ثمنها مقدم لعربية جديده و اقسط الباقى وانا مش مقتنع بفكره الاستغناء عنها ( بس انا مش المالك الوحيد ليها فى معايا اخواتى) خصوصا ان دى عربية المانى وامكانياتى الحاليه مش هتجيب الا عربية بتوكيل مصرى او متجمعه فى مصر فمش هكون مطمن ليها زى دى وكمان العربية دى عرفت خباياها و حاسس انى السبب فى الحاله اللى وصلت عليه بسبب انى كنت بجرى بيها ع الصنايعية على طول ولان مش كنت بثق فى كلامهم فكانت الشغلانه الواحده بعملها عند اكتر من صنايعى بمعنى واحد يصلح وواحد تانى يعييد على شغل الاولانى فالعربية اتبهدلت منى وانا كنت السبب
حاسس ان الذنب ذنبى انى هنت العربية دى مع ان سواقتى مفيهاش عنف فهل العيوب اللى فيها فعلا لو اتصلحت هتبقى زى المسكنات او زى المحاليل اللى بنعلقها للمريض الميؤوس من شفائه وفى الاخر النتيجه معروفة
وكمان الكلام اللى منتشر الايام دى عن فكره احلال الملاكى بيضغط عليا كتير عاوز رايكم لان محتار ومش مستريح

لو سمحتو لدي عربيه فيات 131 وبشهدا اليومين دول ايه الاضافات اللي ممكن اعملها فيه . هي 1400 سي سي بدون تكييف مثلا . هل ممكن اركبها تكييف . تنجيد الفرش . هو الفرش الاصلي سليم تماما . بس لو حبيت اغير واعمله جلد طبيعي ايه الاشكال اللي ممكن اختارها . جنوط اختار مقاس ايه اللي فيها اصلا مقاس 14 انش . هل بيتباع فوانس خلفيه غير الاصليه بتاعتها والاماميه برضه . العدادات بتاعتها هل فيه منها جديد او حديث او بشكل مميز . عصا الفتيس . ..برضه فيه حاجه مهمه .. العوازل الحراريه زي الصوف الزجاجي او ما شابه هل يمكن اضافته وفي اي الاماكن .. اي السماعات افضل كنوود ولا بايونير وjbl ....الاضائه الداخليه .. موكيت الارض.. بصراحه هو كل اللي فيها اصلا سليم بس انا عايز اغيره .. يا ريت لو تساعدوني وتفيدوني بصراحه انا شوفت هنا ف المنتدى توضيبات كتير بس ماشوفتش للفيات فهل ممكن تساعدوني ...هاحاول احطلكم صوره شبيه تماما لسيارتي

michohat السياره كده فعلا فتحت بقها . بس لو اتصلحت بترجع زي الاول وتعيش معاك خمس عشر عاما بدون اي اوجاع لو حافظت عليه . لاحظ ان قطع غيرها متوره ورخصيه جدا بالمقارنه ب السيارات الاخرى دايو وتويوتا ونيسان وهوندا المسمار فيهم يعمل عمره للفيات . ال 131 عربيه تقيله وماتخفش وانت راكبها ابدا مش بتعوم و بتحس ب امان شديد وانت راكبها غير الجديد كله ردئ . عربيتك او انت صلحتها كويس ها تتكلف حوالي تسع او عشر الاف من سمكره وعمره ودهان وكهربا . كأنك اشتريت عربيه جديده ب عشره الاف جنيه وتقعد معاك 15 سنه بس وبعد كده تبيعها زي ما انت عايز يبقى انت ركبتها واستهلكتها ب ال 10 الاف جنيه وجابتهوملك ف الاخر . الله اعلم الاسعار بكره هاتكون ايه

loaa من فضلك املا الاستماره ديه و ضيف اعضاء اللرابطه كاصدقاء كتقليد رسمي في الرابطه
تحياتي ليك
1- اسم العضو /
2- مهنة العضو /
3- سن العضو /
4- مكان اقامة العضو /
5- سنة صنع السيارة 131 (ان وجد ) عدد السيسي
6- صورة للسيارة
7- سبب امتلاك سيارة 131 (ان وجد )
8- هل توجد سيارت اخرى (ان وجد )
9- الحالة العامة للسيارة فيات 131 ( ان وجد )

المشاركة الأصلية كتبت بواسطة hosamsamsoon

[frame="9 10"]
وحشنى جدا جدا يا اهل الرابطة
انا رجعت تانى:y_hi_3[1]:

عقبالكم جميعا
عن قريب حنزل صور و فديو الاجازة
[/frame]

الف حمدلله على السلامة يا باشا وعقبالنا يا رب