المشاركة الأصلية كتبت بواسطة saadelden
اهلا بيك في رابطه الاسطوره 131
بالنسبه لل 131 ف هي عربيه اعتماديه اقتصاديه ناعمه و مريحه في السواقه, كل الميكانيكيه حافظينها
ليها مميزات كتير لكن المشكله الوحيده عندك انك تلاقي عربيه حالتها كويسه و صاحبها كان مهتم بيها
طبعا كاوسع ف هي اكيد اوسع من الاونو بكتير
و الراحه ف لو العفشه مظبوطه و مش ملعوب فيها هاتكون ناعمه و مش هاتحس بالطريق خالص
الدركسيون بردو خفيف بالنسبه لانه دركسيون عادي مش باور
الكماليات الي هاتلاقيها :ازاز كهربا - سنتر لوك - ازاز فاميه خلفي - تكيف في بعض الحالات
الفكره في انك تشتري موديل حديث موديل تمانينيات عشان تبقى العربيه مش ماشيه كتير قدر الامكان و فيها اوبشنز اكتر و شكل احسن
البرومه ليها اماكن بتبقى منتشر فيها في اي عربيه موديلها قبل التسعينيات لان الصاج مش متعالج ضد الصدا
لكن العزل بيكون عن طريق دهان العربيه من تحت ببوتامين و دا بيعزل العربيه كويس مع الاهتمام بتفضل العربيه كويسه
المواتير بتبتدي من 1300cc كامه واحده و دا 65 حصان و الي اعلى منه 1600cc كامه واحده و دا 85 حصان تقريبا
و الاعلى 1300 اتنين كامه و فيه 1600 اتنين كامه و فيه 2000 اتنين كامه و 1400 كامه واحده
الي هايريحك 1600 كامه واحده مع فتيس 5 غيارات
ماتور قوي مع فتيس 5 غيارات هايديك عزم كويس و في السفر هايديك سرعات كويسه
التكيف ممكن تركبه لو عربيتك مجهزه ليه و يفضل ان الماتور مايقلش عن 1600cc عشان يتحمل التكيف
و التكيف الياباني بتاع شركه سندان ممتاز و تبريده قوي و احسن من الايطالي بتاعها
العدادات بتختلف من تابلوه للتاني
فيه موديل نازل فيه نفس التابلوه بتاع الشاهين
اعتقد انا كدا رديت علي معظم النقط
و لو فيه اي استفسار اسال براحتك
المفضلات