السلام عليكم يا ehabspc
عمرة مقبولة ولا تنسانا بالدعاء
أولا : تجهيز الشنط :
إذا كنت حتاخد أكل فلا تكثر من المعلبات لأنها تزيد من وزن الشنطة وحتكون تقيلة عليك ، وإن كان ولابد تاخد أكل فخد شوية معلبات قليلة تكفى يوم واحد بعد الوصول لأن كل حاجة موجودة هناك وأنظف وأجود والسعر متقارب .
لا تنسى تاخد فى الهاند باج بتاعتك شوية عصاير وبعض السناكس (بسكويت - كيك) لزوم السكة بس .
ثانيا : خذ معاك شفرة من اللى بتبقى عند الحلاقين وذلك لاستعمالها عقب الإنتهاء من العمرة لحلق شعرك زيرو حسب السنة وده طبعا أفضلا حتى لا تحتاج لاستعمال أدوات الحلاق هناك وهذا فيه خطورة صحية لا قدر الله .
ثالثا : خذ معاك بعض الأدوية الخاصة بالبرد وكمان أى نوع جيد من المضاد الحيوى فضلا عن أدويتك المعتاد عليها إن كنت تتناول أدوية لأى مرض لا قدر الله لأن هناك عرضة للعدوى أو البرد وده شىء عادى .
خذ معاك تليفونات المعارف بمصر لأنك ممكن تحتاج إليها هناك .
خد معاك شمسية قوية لأن الشمس ناااااااااااااااار هناك
أكيد سوف تحتاج إلى أشياء تانية فحضرتك كل ما تفتكر حاجة اكتبها فى قائمة لغاية يوم سفرك .
بالنسبة للمطاعم فحدث ولا حرج
كل أنواع المطاعم موجودة وبكثرة جدا من أول الفول والطعمية لغاية كنتاكى وتكا والبيك وبروست ...إلخ (الموضوع سهل جدا)
بالنسبة للهدايا فمكة والمدينة تعتبر كلها سوق هدايا كبير جدا ومتنوعة جدا وأسعار رخيصة وقابلة للفصال جدا بس نصيحة تحاول تشترى من المدينة المنورة لأن الشراء بها أسهل وأرخص ولا تنسى الفصال .
الهدايا مثل العطور (أشكال وألوان وأحجام) وتقدر تسأل البيعا هل النوع ده مضروب فيرد عليك المضروب بكذا والأصلى بكذا (شفت اللذاذة)
كمان فيه السبح والطواقى وسجاجيد الصلاة والمسواك ولا تنسى التمر من المدينة فيه هناك مول مخصص للتمور فقط حاول تزوره .
خلاصة الموضوع الأمر كله يسير وكل حاجة موجودة بس خللى بالك وعلم الفندق بتاعك كويس وأوعى تتوه
ربنا يتقبل وكل عام وأنتم بخير
ويمكن ربنا يكتب لنا نتقابل هناك (أنا مسافر يوم 11/4 إن شاء الله)
المفضلات