المشاركة الأصلية كتبت بواسطة sab3aawy
صددقنى ولا انا كمان داخلة فى دماغى حكاية التفتيح دى
بس القاعدة العامة بالنسبة للمواتير انها لازم تشتغل على كل السرعات
يعنى مش صحى ابدا ان الموتور نفضل مشغلينه طول الوقت تحت 3000 RPM ونفتكر اننا كدة بنحافظ عليه
الموتور لازم يشتغل شوية تحت ال 3000 وشوية بين ال3000 وال4000 ولحظات قليلة فوق ال4000 علشان يفضل بصحته
افضل مساحة تشغيل للمحرك هى بين ال2500 وال3500 بس برضه لازم بين كل فترة والتانية تديله فرصه كدة يطلع ثوانى لحد 5000
لكن النصيحة الهامة للحفاظ على المحرك: ماتحرقش فى السحب
إجرى زى ما انت عايز انشالللا 180 بس بشرط انك مش لازم تجيب ال180 دول فى 30 ثانية، لا سيب العربية تاخد راحتها فى السحب علشان عمر المحرك يطول معاك
او بلغة رومانسية شوية، عيش قصة حب مع محرك سيارتك، كلمه واسمعله ، كلمه بدواسة البنزين وعصا الفتيس واسمع نغمه صوته بودنك، خد وادى معاه، لما تحس انه بيديلك خد منه، لما تحس انه مزامزاء ماتقرصش عليه، زودله وتابع صوته مع الزيادة وماتخليهوش يجعر منك