الحمد لله اخيرا حجزت العربية والاستلام يوم الاحد القادم باذن الله

**mahmoudzaied** · 02-04-2009 03:31 PM

الف مبروك يا برنس
وربنا يباركلك فيها

بس انا مش قصدى حاجة
بس ب 98 الف دول تجيب النترا اتوماتيك
بجد انا لو مكانك كنت جبت النترا اوتو على طول من غير تفكيير
لو تعرف تبدل بجد جيب النترا اتوماتيك خليجى وانت الكسبان
صدقنى دى نصيحة
انا معاي لانسر بوما 1300 مانيول وبقولك اركب 1600 الفرق فى التوفير مش كبير والله والله
وخصوصا
انى اسمع ان الانسر ال 1300 الاتوماتيك ضعيف وخصوصا مع التكيف

يا باشا مبروك على العربية وربنا عربية محترمة وربنا يباركلك فيها
بس نصيحتى هات النترا اوتوماتيك

وانا اسف انى تدخلت

**Dr_MohSalah** · 03-04-2009 12:30 PM

الله يبارك في حضراتكوا جميعا والف شكرا على الكلمات الجميلة .

اخ محمود زايد .. الحمد لله على الانسر انا مش عايز افكر تانى بصراحة الواحد كان تايه واستقر خلاص على العربية دى وربنا يباركلى فيها وان شاء الله يجعلها قدم الخير عليه باذن الله..والانترا كويسه بردو بس زى ما قولتلك مشكلتها انها واطية والشوارع فى الشرقية هنا مش هتنفع معاها..

الاهم من كدة هل تعرف واحد كويس فى الزقازيق يا محمود يحطلى فرش جلد للعربية علشان احافظ على الصالون..ابقى شاكر جدا ليك ياباشا.. :)

**Oushy** · 03-04-2009 12:54 PM

د/ محمد صلاح ألف مبروك مقدما علي العربيه وربنا يباركلك فيها يارب

طبعا أنشاء الله ساعه الاستلام تبص علي حاجتك المثلث والشنطه بتاعه الاسعاف والطفايه الي بيبقوا جاين معاها و الاستبن والكوريك والعده والطاسات بتاعتها وكتالوج أزرق كبير وكتلوج أبيض صغير بتاع الضمان ومفتاحين ريموت ومعاهم رقم المفاتيح دي بالنسبه للحاجات الي بتيجي معاها وطبعا بقي الباقي تجرب الحاجات الي عايز تجربها ... وأول ماتتطلع من هناك تظبط ضغط الهوا بتاع الكاوتش عشان بيبقو عملينو عالي عشان التخزين وكده وتراعي التلين ماتعديش سرعه 100 ك/س وماتعديش 3000 Rpm لمده أول 1000 كيلو وماتشغلش التكيف رغم ان في ناس بتقول تشغيل التكيف عادي مش هيعمل حاجه بس لو قدرت ماتشغلوش أستحمل لاني من وجهه نظري ان العربيه في فتره التلين مابتكنش عايزه اي حمل عليها والتكيف حمل علي الموتور برضو ده رأي ....

**mahmoudzaied** · 03-04-2009 02:28 PM

المشاركة الأصلية كتبت بواسطة Dr_MohSalah

الله يبارك في حضراتكوا جميعا والف شكرا على الكلمات الجميلة .

اخ محمود زايد .. الحمد لله على الانسر انا مش عايز افكر تانى بصراحة الواحد كان تايه واستقر خلاص على العربية دى وربنا يباركلى فيها وان شاء الله يجعلها قدم الخير عليه باذن الله..والانترا كويسه بردو بس زى ما قولتلك مشكلتها انها واطية والشوارع فى الشرقية هنا مش هتنفع معاها..

الاهم من كدة هل تعرف واحد كويس فى الزقازيق يا محمود يحطلى فرش جلد للعربية علشان احافظ على الصالون..ابقى شاكر جدا ليك ياباشا.. :)

اه انا افتكرت حضرتك
وعلى فكرة المطبات فى الزقازيق جبال والشوارع وحشة جدا جدا وانا معهاك فى الحتة دى
وعموما اللانسر تحفة وربنا يباركلك فيها

بالنسبة لموضوع حد فى الزقازيق عشان الفرش الجلد
والله مش عارف بس هسألك ان شاء الله يوم الاحد وهرد عليك

**Islam Amer** · 03-04-2009 02:40 PM

الف مبروك عليك وربنا يبارك لك فيها ويديك خيرها ويبعد عنك شرها

**مهندس_حسام حسين** · 12-04-2009 07:38 PM

الف مبروك وإن شاء الله تكون استلمتها النهاردة
ويعطيك خيرها ويكفيك شرها.

**Dr_MohSalah** · 12-04-2009 10:40 PM

انا فعلا استلمتها يوم الاحد اللى فات ورخصتها وعلقت نمر..العربية فوق الممتازة الحمد لله وانا راضى عن اداءها جدا رغم انى لسه فى فترة التليين. ربنا يبارك فيها. وشكرا لكم جميعا على مباركتكم