تحية لرجال المرور ( المحترمين )

**Ahmed Sharaf** · 02-04-2009 11:24 AM

انا حبيت احكيلكم موقف حصل معايا امبارح .
امبارح مشيت بسرعة من شغلى عند كوبرى الجلاء بالدقى بسرعة علشان الحق اروح هضبة الاهرام اخد بتى واوديها الدكتور فى المهندسين, وصبعا الطلايق كان واقف كلامعتاد قبل كوبر قصر النيل , رحت عامل يو ترن مخالف وصبعا اللى ورايا عمل زى, فجاة لقيت ادام العربية امين شرطة وورانا امين تانى وخدوا الرخص , عديت الشارع الناحية التانية ورحت للضابط ( ملازم أول) اول حاجة قالى انت عارف ان دة ممنوع, قلتلو حضرتك انا عارف وشرحتلوا انا مستعجل لية , راح بسرعة للمقدم اللى كان واقف وكلمة ورجعلى بسرعة وادانى الرخص وقالى الف سلامة على بنتك و ادى الرخص للشخص التانى وقالى دة علشانك مينفعش امشيك وآخد رخصة لوحدة , ووقف لى الشارع علشان اعرف اعدى لعربيتى الناحية التانية ومشيت.
انا فعلا بشكرة جداااا والنهاردة ان شاء الله بعد الشغل هعدى علية واشكرة تانى.
انا بس حبيت احكيلكو الموقف دة لان زى ما بنحكى عن السلبيات لازم نقول الأيجابيات ز

**tmz9111** · 02-04-2009 12:57 PM

يا سلام لو كلهم كده

**Imhotep** · 02-04-2009 01:03 PM

الحمد لله ان بعضهم مازال يقدر الظروف الانسانية.... اللهم اكثر من امثاله

**karimone** · 02-04-2009 01:03 PM

نقدر نعتبره اخر الرجال المحترمين...

قلما بنجد الامثله ديه من ظباط الشرطه... المشكله ان السلبيات الكتير اللي بنشوفها منهم بتغطي علي الايجابيات اللي بيعملوها...

ده مايمنعش ان حضرتك كنت غلطان و كان ممكن تقع مع واحد مابيرحمش و كان هيبقي في كلابوش و حاجات وحشه كتير...

ربنا يستر علينا و بلاش نمشي عكسي يا جماعه...

**badawy66** · 02-04-2009 01:18 PM

اهو دة واحد محترم عقبال الباقي ميبقو عندهم زمة وضمير وزوق ويبطلو تدبيح في خلق الله.

**robeir** · 02-04-2009 01:22 PM

المهم الف سلامه على بنت حضرتك و يا رب تكون حاجه بسيطه.

**sasatony** · 02-04-2009 01:49 PM

الف سلامة علي بنتك والحمدلله ان ربنا جعلك في طريقك ظابط محترم وبيقدر كده

**دينا أبوالعلا** · 02-04-2009 02:18 PM

اول حاجه بنتك عامله ايه دلوقتي؟؟؟؟؟والف سلامه عليها
وربنا يكتر من امثاله الناس اللي بتحس وبتقدر ظروف الناس

**Islam Amer** · 02-04-2009 02:22 PM

اولا الف سلامه علي بنت حضرتك
:k10::k10::k10::k10:

ثانيا تبقي انته أكيد في مصر

**want_better** · 02-04-2009 02:31 PM

السلام عليكم ورحمة الله وبركاته
ألف سلامة على بنت حضرتك
وهي عاملة إيه دلوقتي

وشكرا إن حضرتك نشرت الموضوع ده علشان يبقى عندنا أمل ان لسه في ناس كويسين :)