الموضوع: رجعت للتوكيل اكشف على الاصوات الغريبة الصادرة من طابلوه السيريون!!

المشاركة الأصلية كتبت بواسطة Eng_aly

مبروك يا باشا وفعلا انت عندك حق المهندسين فعلا هناك ناس زى الفل وذوق ويحسسوك انهم بيعملوا العربية كأنها بتعتهم ...

الله يبارك فى حضرتك

المشاركة الأصلية كتبت بواسطة معاذ الشرباصى

الحمد لله ان حضرتك خلصت معظم الحاجات اللى كنت رايح علشانها

حضرتك بتوصف بالظبط الاصوات اللى بعانى منها

صوت تزييق التابلوه, و صوت السماعة الشمال (مع انى مش مركب انذار) و صوت الخبط



حضرتك وصفك ده هو بالظبط العيب اللى عندى بخصوص علبة الدركسيون

انا الصوت سمعته تانى يوم بعد اما اشتريت العربية, يعنى فى اول 100كم

على العموم, لو الصوت كأنه حديد بيخبط فى بعضه يبقى هو فعلا الصوت و كده حضرتك هتحاج تغيير العلبة بالكامل زينا.

اما بخصوص المهندسين, فهما فعلا بيحاولوا بشتى الطرق ان محدش يمشى زعلان, و انهم يعملوا كل حاجة لك ... بس نصيحة ابقى جرب المعاملة مع مهندس ماجد, هو احسن مهندس هناك و اكتر واحد خبرة فيهم.

الف شكر د.معاذ وبالنسبة لى فصوت الصاجة اللى كان طالع من السماعة الشمال هم فسروه انه سوء تربيط لكونترول الانذار اللى ركب وبالفعل الصوت راح الان بعد تربيطه بأفيز اضافى .
( على فكرة هم بوظوا اللمبة الحمراء الصغيرة اللى بتنور وتطفى لما تقفل العربية وتمشى وطبعا محتاج ارجعلهم تانى يشوفوا حكايتها .)

المتبقى عندى الان :

اولا :صوت التزييق بتاع الطابلوه وده ملوش حل عندهم .
ثانيا: صوت النقر اللى بيطلع من تحت الدريكسيون وهو ليس صوت حديد بيخبط ولكن هو صوت نقر كأنك بتخبط بصباعك على الفبر البلاستيك المحيط بالدريكسيون .
ده بالظبط المتبقى عندى ومتابعه يوميا عشان احاول اوصل لمصدره .