استفسار بسيط في قسم البيع والشراء

**FASTER** · 03-04-2009 05:07 AM

أنا ملاحظ في الفترة دي كثرة مشاركات الشكر والدعوات في مواضيع البيع والشراء زي ربنا يكرمك في البيع - بالتوفيق أنشاء الله وبصراحة الموضوع ده بقي ممل جدا لأن اللي بيفتح موضوع بيع وشراء عايز يسمع مشاركة في صلب الموضوع ومش عارف أيه الاستفادة من كثرة مشاركات الشكر والدعوات دي بس أعتقد أن الهدف منها ترقية العضوية بالأونطة

**AELASHRY** · 03-04-2009 05:37 AM

اسمحلي اختلف معاك ياريت ما تجمعش الناس كلها لان ممكن يكون في ناس بتسعى للترقية وخلاص فعلا لكن في ناس بتشارك بحسن نية يعني مجرد تشجيع لصاحب الموضوع فهي بتكون حسب النية و الله اعلم طبعا ....

**FASTER** · 03-04-2009 06:07 AM

سيدي الفاضل لو حضرتك متابع قسم البيع والشراء هاتلاحظ أن مشاركات الشكر والتوفيق دي متركزة في شخصين فقط بدون ذكر أسماءهم وفي أي أعلان بيع وشراء لدرجة أن كثير من الاعضاء بتقلدهم لترقية العضوية , وأنا من وجهة نظري أن لازم يكون في مضمون للمشاركة

**ابو سيف** · 03-04-2009 06:42 AM

المشاركة الأصلية كتبت بواسطة FASTER

سيدي الفاضل لو حضرتك متابع قسم البيع والشراء هاتلاحظ أن مشاركات الشكر والتوفيق دي متركزة في شخصين فقط بدون ذكر أسماءهم وفي أي أعلان بيع وشراء لدرجة أن كثير من الاعضاء بتقلدهم لترقية العضوية , وأنا من وجهة نظري أن لازم يكون في مضمون للمشاركة

متفق معاك تماما

**أشرف فتحى** · 03-04-2009 02:04 PM

المشاركة الأصلية كتبت بواسطة FASTER

سيدي الفاضل لو حضرتك متابع قسم البيع والشراء هاتلاحظ أن مشاركات الشكر والتوفيق دي متركزة في شخصين فقط بدون ذكر أسماءهم وفي أي أعلان بيع وشراء لدرجة أن كثير من الاعضاء بتقلدهم لترقية العضوية , وأنا من وجهة نظري أن لازم يكون في مضمون للمشاركة

فعلا الكلام ده سليم !
انا بعد كده مش هاشارك غير لو هشترى او عندى استفسار !
واضيف على كلام حضرتك
الناس اللى بتشارك مشاركات من نوع السعر ده كتيير قوى او العربيه دى صعبه البيع او اى تعليق من هذا النوع ده بيحبط البائع جدا فياريت اللى يشارك ميتدخلش غير لو هيشترى والافضل سعره يبعته على الخاص!
وبلاش تعليقات مستفزه

**NaviGator_13** · 03-04-2009 02:12 PM

على فكرة
مشاركات قسم البيع والشراء مبتتحسبش !!!
وانا عارف العضوين اللى بتتكلموا عليهم

**أشرف فتحى** · 03-04-2009 02:26 PM

المشاركة الأصلية كتبت بواسطة NaviGator_13

على فكرة
مشاركات قسم البيع والشراء مبتتحسبش !!!
وانا عارف العضوين اللى بتتكلموا عليهم

ههههههههههههههههههههههههه ه
يعنى يا عينى بعد التعب ده كله :k40:
عموما ربنا اعلم بالنوايا!

**ابو فرح** · 03-04-2009 08:52 PM

واكيد انا واحد منهم بس انا بشارك بالرد مش عشان ازيد مشاركات او ترقيه بس مجرد انى مريت على الموضوع ورديت
على العموم لو ده مضايق الاعضاء مش هرد تانى

وبعدين اللى بيقول عشان ترقيه والكلام ده يعنى الترقيه فى المنتدى هتفيدنى فى ايه انا بدخل المنتدى لانى حابب المنتدى وحابب انى استفيد حتى موضع بيع عربيتى انا هشيله من الامضاء
واسف انى ضايقتكو بمشاركتى

**AudiQ7** · 03-04-2009 09:08 PM

ايوا طبعاً موضوع مستفز .. انا كنت علقت علي الموضوع ده في موضوع اخر فتحه العضو terrible darsh ..
ردود الاحسان دي تضايق و بقت مستفزه جداُ .. اللي بيحط الاعلان بيتوقع ردود تخص الاعلان نفسه .. او علي الاقل استفاسارت عن الاعلان . او طلب بيانات ناقصه .. انما الناس مش بتطلب الاحسان علشان ندعيلهم :) دي ناس عارضه حاجه للبيع و بتتوقع ردود تكون في اطار الموضوع ذاته .

**ahmed_esmail** · 03-04-2009 09:13 PM

ههههههههههههه
موضوع يهلك من الضحك
اه والله مش عارف ايه لزمته
طيب احنا مجرد اعضاء مشاركاتك 10 زى ال 1000
بتحسسونى اننا حناخد فلوس
متفرقش يا جماعه
العضوين الاعزاء اللى بيكتبوا ربنا يحن فى بيعها
عاوز تكتب اديك بتشجعه بس ممكن تكتب حاجة تانيه تتناقش فى سعر العربيه او اى استفسار يمكن انه يفيد اى عضو حاسس انه ممكن يشترى
ولو مش بتكتب مفيش ضرر
ارجوا اكون ما ازعجتش حد ولا زعلت حد
وشكرا

الموضوع: استفسار بسيط في قسم البيع والشراء

LinkBack

أدوات الموضوع

عرض

-

-

-

-

-

-

المواضيع المتشابهه

آداب البيع والشراء

البنزين/البيع والشراء

أحكام البيع والشراء في الإسلام

الكلمات الدلالية لهذا الموضوع

المفضلات

المفضلات

ضوابط المشاركة