اقتباس المشاركة الأصلية كتبت بواسطة MTAK مشاهدة المشاركة
انا متشكر اوى ردك السريع ده
الظاهر ده سمة الناس بتوع اللينوكس
---
ما اتكلم عنه فى نقطه رقم ٣ هو ان العربى ظاهر و كل حاجه
بس عارف منظر الصفحه ككل حاد sharp
و فى الفلاش بتكتب بالشكل ده
" و ت ل ي بب ف ث"
حروف مفرده ليس لها معنى
و انا ضابط العربى على عربى مصر مش اردو يعنى
---
بصفتك لينكساوى خبير
انزل dvd اللى سيادتك قولت عليها و لا استنى التوزيعه اللى بعد كام يوم
---
كمان انا كنت بدأت اتعلم جافا
بس لقيت ناس بتشكر اوى فى البايثون و كمان مع اللينكس
"انا لا اريد ان ابقى مبرمج محترف
كل ما اريده هو تعلم لغه تنضف دماغى و تساعدنى فى عملى- يعنى برامج بسيطه مربوطه بداتا بيز--و لا اطيق سيرة vb-- اتخنقت منهم بعد ما قطعت شووت مش بطال معاهم"

اشكرك مرة اخرى
بالنسبة لل DVD أصبر لغاية ما 9.04 تنزل.
أنا ممكن انزل ال DVD عشانك (وبالمرة عشاني) ونتقابل واديها لحضرتك.

بالنسبة للخطوط، حضرتك أكيد كنت بتستخدم فيستا. الخطوط في فيستا blurred شوية. بالنسبي لي، الخطوط الحادة شكلها احلى بكتير واريح لعيني. ممكن حضرتك ترفع لنا screenshot عشان نشوف بنفسنا برضو. الحروف المنفصلة في الفلاش دي ملهاش حل تماماً.

بالنسبة للغات البرمجة، انا مليش فيها. بس فعلا الناس كلها بتشكر في البايثون.

ال bash مع شوية awk أو sed ممكن تعمل بيهم شغل جامد في معالجة النصوص.

ال python مع MySql عشان قواعد البيانات.

بالمناسبة، ايه أخبار الكودكس؟ نزلته؟ مش لازم تستخدم mplayer، أول ما تنزل win32codecs حتلاقي مشغل Totem بيشغل ال rm.