الموضوع: ارجوكم المساعده..سيفيك 2008 ام إلنترا 2009

المشاركة الأصلية كتبت بواسطة Hosam_Optrawy

السيراتو الجديده
كل الكماليات وفتحة سقف ب 120
هتركب عربيه زيرو وشكل جديد لسه نازل وموتور قوى وكماليات ومزايا كتير

+1111111111111

حرام عليك بقه.... انت بتاخد الكلام مني و تقولو ولا ايه؟؟
شكلنا هنطلع اخوات في الاخر :))

المشاركة الأصلية كتبت بواسطة mohammedsamirabdeen

ما تدفعش ليه في الكيا المبلغ ده !!!! شوف الفرق ما بين توكيل كيا و غبور افندي اللي مخيط الناس في الصيانة الدورية و بيسرقهم علني يا راجل ده انا اعرف واحد دفع في صيانة جيتز 2008 ل 5000 كم 390 جنيه كشف وتغيير زيت وتربيط عفشة!!!!!!!!!!!! و الألنترا كده برده وكمان شوف ثقل الصاج و قوته و متانته في الكيا ازاي؟؟؟؟؟وكمان شوف الاتزان و الثبات للكيا احسن بكثيير يا راجل .....
ادفع و انت مغمض

تمام الكلام ده و رأيك 100 100 مظبوووط يا ابو حميد... :k47:

المشاركة الأصلية كتبت بواسطة samcar

النترا يا راجل حرام عليك دى عربيه مكسحه هنا فى الخليج بيدوها للشغالين يجيبوا بيها الخضار

وكمان وكيلها غبور - تغووووررررررررررررررررررر رر

هي عندنا عربية محترمة و مشكلتها ان وكيلها هو غبور....

المشاركة الأصلية كتبت بواسطة Hosam_Optrawy

انا اقولك اسباب عدم انتشار كيا ايه
اولا كان فى مشكله من سنتين تلاته على الوكيل بتاعها فى مصر
واتوقف انتاجها فتره طويله وده طبعا وقعها جامد
وبعدين من حوالى سنه اتحلت مشكله الوكيل ودلوقتى من احسن التوكيلات فى مصر
انا دايما بشوف ان الكيا احسن فى مصر عشان الوكيل
الهيونداى منتشره من سنين وعمر ما وقف انتاجها وده سبب ان اعادة البيع بتاعها سهله وخسارتها قليله
لكن لوبعد كام سنه الله اعلم ممكن كيا تبقى نفس الانتشار واعادة البيع
لكن دايما ثقافة الشعب انه مش عايز يخسر فى عربيته لما يبيعها يقوم يجرى على الهيونداى
الكيا سيراتو الجديده انا شايفها اعلى واحسن من حاجات كتير
اولا الشكل الجامد ده مش موجود فى عربيات ارخص منها ولا حتى اغلى منها
ثانيا الكماليات المتنوعه اللى تناسب كل واحد واحتياجاته
اى نعم السعر زياده شويه لكن مش مبالغ فيه اوى مقارنة بباقى العربيات
ولو جيت تقارن مابين السيراتو Sx اللى بفتحة سقف ب 120
والهوندا سيتى مثلا اللى ب 128
هتلاقى ان المفروض السيتى تبقى ارخص

كلام مظبوووووط 1000000% و ده فعلا السبب ان كان وليد توفيق هو اللي واخد توكيل كيا و مكنش فاهم حاجة و وقع و وقع سووق العربية معاه.. يس اتفرج المهندس محمد نصير (العبقري) عمل ايه من اول سنة خد فيها التوكيل... نظافة و احترام و التزام و امكانيات و سعر ممتاااااز

المشاركة الأصلية كتبت بواسطة Shikaz

اصل المبلغ ده فى كيا اظن فى مستعما سيفيك احسن

بس اسمك راكب مستعمل (متعرفش اللي كان راكب قبلك ده كان بيعمل بيها و فيها ايه!!!!) مفيش افضل من الزيرو حتى لو فلوسك متجش غير عربية صغيرة زيرو (احسن و اريح من المستعمل 10000 مره)
وجهات نظر....

المشاركة الأصلية كتبت بواسطة Shikaz

السيراتو من بره شكلها تحفه بس انا ما زلت بقول إن الهيونداى تتباع اسرع مستعمله ولا انا غلطان ؟

لأ يا باشا... الري سيل بتاع النيو سيراتو هيكوون أعلى.. دي اتحجزت لـ 3شهور قدام في يوميييييين!!!!

و السيراتو القديمه بردو بتتباع بسرعة بس الناس مش فاهمة ان كل حاجة و ليها زبونها... و هي ركوبة و كل واحد و دماغه

السيفيك طبعا جامده جدااا بس تكون جديدة و أعلى فئة عشان تستمتع بالعربية صح...
و الأختيار واضح زي الشمس, نيو سيراتو في حدود امكانياتك و فيها كووووووووووووووول حاجة بجد..... هتستمتع بالعربية و مش هتحتاج تعمل فيها اي حاجة (سينسورز تلاقي, جنوط 17 تلاقي, تكييف تتش تلاقي, فتحة سقف كهربه تلاقي, كمبيوتر سيارة تلاقي, طارة مالتي و شكل سبور تلاقي, ABS,EBD,TCS,ESC تلاقي) ايه تاني بقى..

عموما هي وجهات نظر و كل الاراء تحترم طبعا..

والله يا بااشا انت فكرتنى بحالى انا زيك بالظبط فى موضوع السيفيك و الانترا و شويه الكورولا لدلوقتى النيوسيراتو
الحيره دى بتخلينى ساعات ما نامش بس مش وحشه عشان بعد كده لما تركب عربيه ما تندمش عليها
فهقول لحضرتك الى انا طلعت بيه
السيفيك اجمد عربيه فى مصر بس واطيه و كل الناس قالت انها بتحك فتخيل تبقى راكب عربيه ب 150 الف و فاضيه كماليات كمان وتحك منك هتبقى عامل ساعتها ازاى ؟؟؟ و غير كده وكده قطع غيارها ناررررررررر والتوكيل مفترى
فانا بحلم بيها اه لكن اشتريها لا
لو معاك ال 150 توكل على الله وهات كورولا حلوه اوى و عربيه جديده وشكلها مش هيتغير الا بعد 5 سنين و توكيل محترم و بيع محترم والعربيه و كمالياتها عاليه اوى
نيجى بقى لرينج ال 110 الى هو الانترا خليجى فيها فتحه سقف وجنوط وفرش جلد انا سمعت فيها 106 بس مافيش فيها طاره مالتى ولا تكييف تاتش ..موضوع الانترا 125 اول مره اسمعه منك ؟ وكمان موضوع انه شكلها هيتغير !
السيراتو = الانترا ونفس المصنع و موضوع الصاج و الاعتماديه كله كلام هكص امبارح كنت مع دكتوره يعنى سواقتها خفيفه خالص معاها كيا ريو بتلعن فيها والعربيه واقعه خالص
فرق السعر هو فرق كماليات فى السيراتو
انا بصراحه مش حابب شكلها وخصوصا من قدام ومش هقتنع بيها غير لما اشوفها على الطبيعه
مشكلتى انى عايز اجيب حاجه زيرو بس بجد بعد حيره طويله اوى اوى انسب حل يا تجيب الكورولا الى ب 150 وعمرك ما هتندم او تجيب حاجه كورى اه شكل و مش عارف ايه بس هتندم وهتحس انك اتسرعت
او تجيب حاجه مستعمله زى كورولا 97 فى حدود 50 الف بحاله كويسه و فى رايى ده انسب حل فى البلد دى بعد النصب الفظيع الى شفته فى عالم الزيرو
انت صاحب القرار وعلى حسب استخدامك للعربيه
واستخير ربنا و توكل على الله
وربنا معاك يا باشا

لو عاجباك الهوندا يبقى توكل على الله
لو عاوز اختيارات تانيه فيه الأمبريزا طبعا