الموضوع: اخيرا اول تقييم مبدائى عن الروم ستر المانويال

المشاركة الأصلية كتبت بواسطة semihuman

لا مانستش بس المشكله المشاغل كتير :)

السلام عليكم
ايه احبار الرومستر مع جضرتك .... يا ترى جبتها ولا لسه؟؟
انا مقدم على شرأءها بس بقارن بينها وبين الالانترا اللي ب 93 الف المانيوال .. او النيو سيراتو ب 95 الف
يا ريت تقولي شوية حاجات عنها بما انك جربتها مع زميلك
1- سحبتها .. هل مقاربة للعربيات الكوري زي الالانترا ولا اتقل كتير منها ؟؟؟
2-العزل بتاعها ... انا متوقع انه يكون افضل من العزل في الالانترا ... بس جايز اكون غلطان ؟؟
3- الثبات على السرعات العالية ؟؟؟ مش شرط في المنحنيات يعني ..
4- التكييف بتاعها كويس ولا الالانترا افضل منه
5- هل هي فعلا ناشفة قوي ؟؟
6- الخامات الداخلية .. هل هي قريبة من الالانترا في الجودة ولا ايه الاخبار؟؟
7- الكرسي الخلفي الوسطاني انا حاسس انه صغير اوي مقارنة بالاتنين اللي في الجوانب .. هل ممكن يضايق اللي يقعد عليه؟؟

في النهاية من الاخر كده رايك كده الالنترا ولا السيراتو ولا الرومستر .. خاصة ان الرومستر ارخصهم وفيهairbag and abs ا
يا رب مكنش تقلت عليك .. ويا ريت ترد عليا في اقرب وقت ممكن .. وجزاك الله كل خير

بص يا سيدي اولا انا هجيبها علي رمضان باذن الله عشان عايز اجيبها كاش
اما بخصوص مقارنتها بالالنترا و النيو سيراتو
بصراحه عندك حق لان فعلا هما دول احسن عربيات في السعر ده
من وجهه نظري النترا هي النيو سيراتو فرق الشكل و حبه حاجات بسيطه
طبعا ميزه الالنترا عن الاسكودا السحب بس فرق لايذكر تقريب

1- سحبتها .. هل مقاربة للعربيات الكوري زي الالانترا ولا اتقل كتير منها ؟؟؟
الاسكودا بتاخد من صفر لميه في 11 ثانيه
الالنترا بتاخدها تقريبا في 10.6 ثانيه
السيراتو في 12ثانيه (عشان تقيله قوي)
علي فكره انا سوقت اليراتو تيب ترونك و استغربت جدا لاني لقيت نعومه الماتور زي الاسكودا مع العلم ان الاسكودا مش ناعمه زي الياباني و مش خشنه قوي اقدر اقول معقوله
2-العزل بتاعها ... انا متوقع انه يكون افضل من العزل في الالانترا ... بس جايز اكون غلطان ؟؟
بص من ناحيه العزل انا شايف ان عزلها حلو قوي زيها زي الالنترا

3- الثبات على السرعات العالية ؟؟؟ مش شرط في المنحنيات يعني ..
بص هي الروم ستر ثايته خصوصا الاوتوماتيك
مش هقدر اديك مثال بس انا متاكد انها علي السرعات العاليه في طريق مستقيم ثابته جدا
4- التكييف بتاعها كويس ولا الالانترا افضل من
الالنترا تكيفها افضل (انا مجربتش) بس ده منطقى لان ماتورها اقوي من الاسكودا
بس انا جربت تكيف الاسكودا مش هتحتاج اكتر من كده
5- هل هي فعلا ناشفة قوي ؟؟
لا مش ناشفه قوي زيها زي النيو سيراتو بجد حتي صوت ماتور النيو سيراتو قريب جدا من الاسكودا انا استغربت لما سوقتها
6- الخامات الداخلية .. هل هي قريبة من الالانترا في الجودة ولا ايه الاخبار؟؟
الخامات الداخليه انا بامانه شايف ان الاسكودا افضلهم لكن السيراتو اجملهم بس بردو انا بحب الاسكودا اكتر من جوه خصوصا انها وساعاااااااااا
7- الكرسي الخلفي الوسطاني انا حاسس انه صغير اوي مقارنة بالاتنين اللي في الجوانب .. هل ممكن يضايق اللي يقعد عليه؟؟
بص هو الوسطاني صغير فعلا بس مش قوي هو معمول عشان لو عندك طفل سنه اقل من 16 سنه بس عادي صدقني
في النهاية من الاخر كده رايك كده الالنترا ولا السيراتو ولا الرومستر .. خاصة ان الرومستر ارخصهم وفيهairbag and abs ا
يا رب مكنش تقلت عليك .. ويا ريت ترد عليا في اقرب وقت ممكن .. وجزاك الله كل خير

بص ياسيدي رايي في النهايه هقولك عليه مع انه راي غريب
انا نفسيا بحب شكل الروستر اكتر من الالنترا و السيراتو من جوا و من بره تخيل؟؟
فنفسيا بحب الرومستر +خد عندك تمن الABSلوحده حوالي 5 الاف جنيه يعني الرومستر ارخص من الالنترا 11 الف تقريبا بعد طرح تمن ال ABSغير ان الاسكودا متصفحه تحت الماتور و كمان امتن بمراحل و تديك ايحاء انها اوسع من الالنترا و ابعادها من بره اقل من الالنترا

عشان نلخص
راي الرومستر الافضل
بس فيها عيبين سعر اعاده البيع و قطع الغيار عشان قي التوكيل بس

الانترا تانى احسن عربيه
عايز شياكه او شد او سحب وثبات هات النترا بس عيبها انها ضعيفه و كل الناس جبوها ملهاش زهوه

السيراتو حلوه بس انا شايف انها اغلاهم
[/QUOTE]

المشاركة الأصلية كتبت بواسطة أبومريم

السكودا كبس الموتور بتاعها 1:10.5 ودا معناه انها مش هتشتغل كويس مع بنزين 92

يا ريت توضحلنا اكتر لأن انا مش فاهم
هل ده استنتاج من حضرتك ولا دي معلومة اكيدة ؟؟

انا صحبي بيحط 92 عادي جدا
وعايز راي دكتور اجيبت و هو بيفكر في ايه و عايزه يروح يشوف الروستر كمان و يقولي رايه

ان شاء الله هاروح اشوفها وهقولك رأيي قريبا
بس يا ريت تشوف زميلك لو جرب يحط فيها 95 هل اداءها اتحسن ولا مفيش فرق؟؟

وعاوزين نعرف استهلاك البنزين كام لتر لكل 100 كم داخل البلد..؟؟

انا متاكد انه مش هيجرب 95 ههههه
اما الاستهلاك يا سيدي
بص 50لتر جوا البلد وزحمه و بطئ جدا عملو 500كيلو
50لترا علي الطرق المفتوحه عملو 700كيلو