تشغيل mp4 علي كاسيت السيارة العادي

**mahmouda** · 12-09-2007 05:36 PM

أولا كل عام وأنتم بخير بمناسبة شهر رمضان المبارك أعاده الله علينا و علي الأمة الاسلامية بالخير و اليمن والبركات وثانيا أنا عندي سؤال أنا عايز أشغل جهاز mp4 عن طريق الكاسيت العادي الموجود بالعربية
ياتري ده ممكن يتم ازاي و يتكلف قد ايه ؟ وايه هيا عيوبه ؟ وممكن أشتريه جهاز mp4 و شريط الكاسيت منين ؟

**fahd_628** · 12-09-2007 05:42 PM

بص حضرتك فية ادابتور كدة عبارة عن شريط كاسيت عادى جدا بس طالع منة سلك تقوم موصل السلك دة فى ال MP4 و حيشتغل و كلة تمام و الشريط دة فى حدود 20-30 جنية

و ممكن تشترية من اى محل اكسسوارات او راديو شاك بس طبعا راديو شاك حيكون غالى !

اما بالنسبة للMP4 فا فية اشكال و الوان و فية السونى و دة كلة مضروب بس شغال و لكن عمرة الأفتراضى بيختلف حسب كل واحد يعنى انا ليا واحد صاحبى عندة MP3 سونى قعد معاة شهرين و ودع و واحد تانى قعد معاة سنة و محصلوش حاجة

ملحوظة

ال MP3 دة الجهاز الى بيشغل اغانى بس و فية منة بشاشة عادية و ملونة
الMP4 دة الجهاز الى بيشغل اغانى و فيديو و ساعات صور و بيكون فية شاشة ملونة

و طبعا فية احجام من 128 ميجا لحااااااااد 80 جيجا ( ال Ipod )

**mahmouda** · 12-09-2007 06:45 PM

أنا كنت عايز أعرف عن أسعار ال mp4 بالنسبة للحجم و النوع وشكرا يا أخ فهد علي الرد

**محمد البحيري** · 12-09-2007 08:11 PM

الmp4 بيبدا من 165 سعه 1 جيجا ودي طبعا انوااااااااااااع واشكااااااااااااال والوااااااااااااااااان انزل اي مول كمبيوتر واتفرج هتقولي اشمعني مول كمبيوتر هقولك علشان بحس ان ضمانه حقيقي
بالنسبه للشريط بيبدا من 9 جنيه