خش اتفرج على اللادا 2107 الجديدة والمعدلة

**khaledspeedo** · 11-12-2008 01:37 PM

وعلى فكرة دى هتبقى اول عربية لادا انجيكشن تستحق يدفع فيها فلوس المحرك مناسب والعربية كمالياتها كتيرة وتقفيلها ممتاز واكيد هتعدى اللانوس و الفيرنا والافيو لانها افضل واكيد احسن من الصينى لانها محرك قوى وناعم وصاج متين كما هومعروف عن اللادا الروسى مش المصرى وبتنتمى لشركة عريقة مش زى الصينى حته من هنا على حته من هنا وتتقضى واكيد ثبات عالى جداً بس معتقدش انها هتنزل مصر لان التوكيل بيدور على موديلات يقدر يقفلها هنا للاسف فمعتقدش هينزلوها اساساً وانا بقول لو نزلت اكيد هاجبها.

**khaledspeedo** · 11-12-2008 01:54 PM

**khaledspeedo** · 11-12-2008 01:56 PM

**ahmed1981** · 12-12-2008 01:46 PM

شكراً على الصور
واضح إنها سيارة ممتازة
يا ترى هتوصل مصر ؟

**anwar** · 14-12-2008 09:11 AM

هذه السيارة اسمها لادا برايورا ولا تمت الى لادا 2107 بأي صلة هي مختلفة تماماً تماماً

**محمد جلال** · 17-12-2008 11:13 PM

للاسف يا بشمهندس معتقدش هتنزل لان التوكيل بيهتم اولا واخيراً بالمكسب والمكسب فقط لانه نزل عربية ارخص وتقفيل تعبان وسعر المفروض انه مناسب زى لادا 2107 للاسف بيقللو من قيمة اللادا كعربية وهاتكلم عن 2107 بعد ما كانت عربية قوية واقتصادية وحمالة اسية ادخلو عليها بعض التعديلات (باور - تكييف - سنتر)واكيد دى كماليات مطلوبة بس صاج اصبح خفيف جداً (ورقة) افقد سمعتها كدبابة ومننساش مشاكل التقفيل المصرى لانه بيعمل عربية مجرد انها خرجت من عنده متهمهوش فى حاجة وانا شايف انه مهتم بتوكيل ال byd اكثر تكنولوجيا مناسبة بسعر رخيص ومبيعاتها كويسة فعامل مع أصحابها احلى واجب ام اللادا فأدنى اولوياته العميل ولو رحت التوكيل عملت الصيانة او لأ متفرقش المهم المبيعات وعلى فكرة مبيعات اللادا قلت ودى حاجة اكيد كلنا شايفنها من 7 شهور كانت شغالة كويس بس توكيل تعبان جداً + تقفيل ردئ جداً = محدش بيشتريها قليل قوى حتى سائقى التاكسيات بقو يشترو دايو اوهيونداى او افيو او f3 طبعاً اعلى بكتير و2110 للاسف مش قدره تنافس لان محركها ضعيف وكماليات غير محسوسة افضل ما فيها الثبات فمعتقدش توكيل الامل بيهتم باسم لادا فى السوق اهى لقمة عيش وخلاص والشركة الام معندهاش مشكلة يبقى معتقدش هينزل بريورا ولا يحزنون الواحد بيدعى ربنا اى توكيل تقيل فى مصر ياخد توكيل لادا وينزل العربيات الاحدث ويبقى فى اكثر من خيار امام المستهلك بأكثر من شريحة سعرية مناسبة وربنا يهدى وشكراً

**abdo_eg** · 13-02-2009 10:24 PM

يا جماعة ...العربية وصلت مصر وانا شفتها فى توكيل الامل فى مصر الجديدة ورا الحرية مول ...وهى فعلا عربية رائعة جدا جدا جدا وكمان سعرها مفاجاة غير من انتم توقعتوا....64 الف جنيه زجاج كهرباء قدام وسنتر لوك وباور وكاسيت...يارب الامل يكمل المشوار ويجيب منها تانى