تكييف بيجو 405 ومشاكل التوكيل - أرجو الإفادة

**semsem67** · 05-04-2009 06:07 PM

فوجئت أن الكمبريسور لا يعمل وكأنه مش واصل له كهرباء رغم أن الزرار منور ولكن ليس له صوت ولا أحس بثقل عندما أشغلة وطبعا لا يوجد برودة - ذهبت لتوكيل مدينة نصر فقاموا بتوصيل الكمبريسور بسلك من البطارية مباشرة فاشتغل على طول ولكن قالوا لي أن العيب ليس في الكهرباء وانما لأنه مفيهوش فريون فسألته : طيب وهو لما يكون مفهوش فريون ميشتغلش وكأنه مش واصل له كهرباء ؟ فقال أيوة وده لحماية الكمبرسور وطلبوا 275 جنية لشحن الفريون فقلت لهم : المفروض نشوف التسريب فين الأول ، فقالوا لازم نشحن فريون الأول عشان نشوف التسريب !! فقلت يعني ممكن أدفع 275 جنيه شحن وبكرة ألاقيه اتسرب تاني و آجي أدفع تاني ؟؟؟!! الصراحة حسيت إنه تهريج -لو حد عنده خبرة ينصحني وهل فعلا الكمبريسور بيحس إنه مفيش فريون يبطل يشتغل لوحدة ويقطع الكهرباء عن نفسه زي ما قالوا واللا إية؟؟ أرجو الإفادة مع الشكر

**kareem_Ashmawy** · 05-04-2009 06:50 PM

حضرتك روح للأسطى زكريا
و ده اكبر كهربائى فى توكيل وجيه اباظة غمرة
و له ورشة خاصة على الرغم من انه لسه شغال فى التوكيل
أنا مش بخلى حد يمد ايده فى كهرباء العربية الا الراجل ده
و هو فعلا خبرة و فاهم كويس اوى و دوغرى مش بتاع نصب و لا يعمل شغل على الزبون و ده من خلال تعاملى معاه كذا مرة
بس هو غالى شوية بس بتاخد منه شغل مضبوط
يعنى شحنت عنده فريون السنة اللى فاتت ب170 ج
هو قريب جدا من التوكيل الرئيسى فى غمرة
بس فى حته صعبة شوية فى الوصول ليه ده رقم تليفونه
0101571493
و لو انت عارف مكان التوكيل بتاع غمرة قولى و انا اوصفلك بالضبط توصل للاسطى زكريا
او كلمه و هو يقولك توصل ازاى

**Mahmoud_405** · 05-04-2009 07:26 PM

انا حصل معايا كده بس شحن التكيف هواء عادي علشان يشوف التسريب وبعدين لقيت تسريب في المسوره الراسيه.
عمات كبس للمسوره في التوكيل(مودرن سرفيس) ب 75 جنيه بعد كده تم الشحن ب 250 جنيه
انما اشحن ب 250 فيريون وبعدين اشوف التسؤيب لا طبعا ده تهريج وسرقه علني
والكلام ده في مودرن سرفيس علي طريق السندباد
وشوف الاسطي ذكريا ذي ما كريم بيقول

**Nour_Peugeot** · 06-04-2009 06:39 AM

الاسطي زكريا ده معرفه خاصه جدا جدا و و عيز ترحلوه هو موجود في الزاويه الحمراء

و هو المركبلي التكييف في العربيه عندي و كهربه العربي كلها هو العاملها

بس عيز ترحله رحله بدري الساعه 4 عصرا مثلا و هو مكانه صعب يتوسف بصراحه

بس انت لو في الزاويه الحمارء بتاخد شارع منشيه الجمل حتي اخره و متطلعش الكوبري و خش يمين في شمال في شمال لغايت ما حضرتك تلاقيق ماشي بجوار طريق السكه الحديد

افضل مكمل لعايه ما تلاقي مسجد صغير لونه ابيض الشاره المقابل لي المسجد هو الموجوده في و لوسالت اي حد في الاسطي زكريا بتاع البيجو الف مين يدلك

و متخفش اغلب الاوقات هتلاقيه عشان هو كده كده ورشته في العماره الساكن فيها

و رينا يوفقك

**semsem67** · 11-04-2009 05:24 PM

أشكر الجميع على النصائح الغالية والحمد لله أنا عرفت العيب فين وهو في أحد المواسير اللي هي عبارة عن كاوتش مكبوس عليه ألومينيوم وحلها إما أن تتغير بأخرى غير أصلية وتتلحم فيها أو شراء شجرة مواسير تكييف كاملة وثمنها يعدي 1200 جنيه . حد عنده خبرة أو مر بالتجربة دي ؟؟