لمبة الحرارة فى ال127 مش فاهملها .....

**i_Am_Legend** · 07-04-2009 11:06 PM

يا جماعة انا متشكر ليكم جداااااااااا.......ماحدش عبرنى .....ولا حد رد عليا .....عموما انا روحت للكهربائى وقالى ان اللمبة دى بتنور على حسب سخونة العربية بس بتنور شوية بشوية ولما العربية بتسخن قوى بتنور جامد.....بس انا مش مقتنع بالكلام دة لان فى ناس قالتلى اللمبة دى مش بتنور الا لما العربية بتسخن جامد وبتنور فجاءة مش شوية بشوية وياريت اللى معاه فيات اونو او بونتو ....يقولى ...لانهمم لمبة مش امبير حرارة.....

**newhansol** · 08-04-2009 01:27 AM

السلام عليكم ورحمة الله وبركاتة
اولا الاخ العزيز واضح ان مفيش حد هنا متخصص فى موضوع الكهربا بتاع العربيات بس انا هاقول لحضرتك على حاجة انا من واقع الخبرة الى اخدتها من الشغل فى العربية بايدى ومعرفة كيفية توصيل العدادات والكلام دة احب اقول لحضرتك حاجة مهمة قوى
شوف يا سيدى اولا حساس الحرارة الى الصانيعية بيقولو علية الساعة بتاعة الحرارة فكرتة البسيطة اية انة مصنوع من النحاس ولما بيسخن وبيرتفع درجة حرارتة بيدا الحساس دة فى توصيل التيار الكربى يعنى فى الاول وهوة بارد المقاومة بتاعتة بتبقى كبيرة ولما بيسخن المقاومة بتقل بالتدريج وبالتالى بتزيد مرور التيار الكهربى الى ان تصبح المقاومة صفر ويكون دة عند اعلى درجة حرارة والى عايزك تعرفة انك لما بتوصل الترملةبتاعة الحساس بجسم العربية بتنور اللمبة على الاخر لية لان كدة مفيش مقاومة خالص والتيار ماشى فى الديرة بتاعة اللمبة عادى جدا كانك موصل اللمبة مباشرة على طرفين البطارية طرف مدى كهربا والتانى واخد ارضى سليم الكلام
طيب انت بقى بتعمل الحركة بتاعة شيل الترملة وتحطها على جسم الماتور واللمبة بتنور يبقى العقل يقول ان اللمبة بتعمل نفس عمل الامبيربتاع الحرارة يعنى لما تسخن العربية قوى تنور جامج ولما تبقى باردة بتنور ضعيف مش كدة
ويعنى هوة لو كانت اللمبة دى المفروض انها تنور او متنورش كان الخواجة هايركبها لية على حساس حرارة مش كدة يبقى اللمبة عندك شغالة تمام يا ريس
وعلشان تريح دماغك من الشك والحرارة الزيادة الى الفيات بتعانى منها طول حياتها زى ال 128 عندى انك تركب امبير حرارة ودة امرة بسيط جدا والله انت لو عملتة بنفسك مش هايتعبك كتير لو انت فاضى اقولك تركبة ازاى مش صعب يعنى
وارجو انى اكون قدرت اوصلك المعلومة وانا تحت امرك فى اى حاجة انت تطلبها

**i_Am_Legend** · 08-04-2009 07:24 PM

المشاركة الأصلية كتبت بواسطة newhansol

السلام عليكم ورحمة الله وبركاتة
اولا الاخ العزيز واضح ان مفيش حد هنا متخصص فى موضوع الكهربا بتاع العربيات بس انا هاقول لحضرتك على حاجة انا من واقع الخبرة الى اخدتها من الشغل فى العربية بايدى ومعرفة كيفية توصيل العدادات والكلام دة احب اقول لحضرتك حاجة مهمة قوى
شوف يا سيدى اولا حساس الحرارة الى الصانيعية بيقولو علية الساعة بتاعة الحرارة فكرتة البسيطة اية انة مصنوع من النحاس ولما بيسخن وبيرتفع درجة حرارتة بيدا الحساس دة فى توصيل التيار الكربى يعنى فى الاول وهوة بارد المقاومة بتاعتة بتبقى كبيرة ولما بيسخن المقاومة بتقل بالتدريج وبالتالى بتزيد مرور التيار الكهربى الى ان تصبح المقاومة صفر ويكون دة عند اعلى درجة حرارة والى عايزك تعرفة انك لما بتوصل الترملةبتاعة الحساس بجسم العربية بتنور اللمبة على الاخر لية لان كدة مفيش مقاومة خالص والتيار ماشى فى الديرة بتاعة اللمبة عادى جدا كانك موصل اللمبة مباشرة على طرفين البطارية طرف مدى كهربا والتانى واخد ارضى سليم الكلام
طيب انت بقى بتعمل الحركة بتاعة شيل الترملة وتحطها على جسم الماتور واللمبة بتنور يبقى العقل يقول ان اللمبة بتعمل نفس عمل الامبيربتاع الحرارة يعنى لما تسخن العربية قوى تنور جامج ولما تبقى باردة بتنور ضعيف مش كدة
ويعنى هوة لو كانت اللمبة دى المفروض انها تنور او متنورش كان الخواجة هايركبها لية على حساس حرارة مش كدة يبقى اللمبة عندك شغالة تمام يا ريس
وعلشان تريح دماغك من الشك والحرارة الزيادة الى الفيات بتعانى منها طول حياتها زى ال 128 عندى انك تركب امبير حرارة ودة امرة بسيط جدا والله انت لو عملتة بنفسك مش هايتعبك كتير لو انت فاضى اقولك تركبة ازاى مش صعب يعنى
وارجو انى اكون قدرت اوصلك المعلومة وانا تحت امرك فى اى حاجة انت تطلبها

ياباشا الف شكر لاهتمامك ......انا فعلا لاحظت ان اللمبة بتنور على حسب سخونة العربية .......دة اللى انا لاحظتة وهى كدة عموما زى الفل .......ومش ماثرة قوى وانا بحسبها كأن عندى امبير حرارة بالظبط......اللمبة بتنور تدريجيا........ والله دى كدة احسن من الامبير......على الاقل لما هاتنور جامد هاتلفت انتباهك على طول......:k32: