الموضوع: اسوأ صنايعيه للبيتلز

المشاركة الأصلية كتبت بواسطة ahmed2y

السلام عاليكم يا استاذ احمد حمد الله على سلاممتك وكويس انك بخير ولو تحب اى خدمات انا تحت امرك وبالنسبة للعفشة انصحك بخالد رباب عم خالد متتاز وغير كدة امين وجدع قوىواحنا بنتعامل معاة يمكن من 15 سنة من اول ما الحج قال يا فولكس ومش من النوع اللى بيعمل شغل على حد وهيجبلك من الاخر فى العفشة ولو حصل ورحتلو قولو الى قالى عاليك احمد الدغيدى بس ولا اكتر ولا اقل وهو من غير حاجة راجل محترم قوى وابقى قولنا الاخبار اية

و عليكم السلام و رحمة الله و بركاته
إزيك يا بو حميد و الله يسلمك و يسلمنا جميعاً , و الله يبارك فيه إحنا إخوات طبعاً.
فعلاً أنا سمعت عن خالد رباب اللى فى صفط اللبن و إن شاء الله بفكر أروحله بس ناس كتير بيقولو غالى جداً , و أنا ناوى أروحله عشان أظبط العربية من ورا و قدام لأن فيه ميكانيكى إسمه مجدى فى المقطم رفعلى العربية من ورا شمال و قالى هيه على ميزان و هاتترفع لوحدها من اليمين ( كفتجى يعنى و كمان بيفتى ).
و لو تكرمت عنوانه و تليفونه عشان أقدر أوصله لما أحب أروحله
و شكراً

المشاركة الأصلية كتبت بواسطة ahit

السلام عليكم و رحمة الله و بركاته

بصراحة أنا متابع الموضوع من الأول لكن كنت مستنى ألاقى وقت عشان هاتكلم كتير شوية فى الموضوع ده , و إن شاء الله هارد على غالبية المشاركات فى الموضوع ده .

و بشكر هاشم حبيبى على المواضيع المميزة دى و المفيدة لينا كلنا , و بطلب من هاشم إنه يطلب من الإدارة إنهم يعدلو إسم الموضوع إلى :

( أسوأ صنايعية للفولكس بيتلز )

عشان نتكلم على الصنايعية كلهم مش الميكانيكية بس ( كهربائى - سروجى - سمكرى - و هكذا )

و بصورة عامة فعلاً مفيش ميكانيكى ممتاز فى كل حاجة فى البيتلز . و لكن ممكن تلاقى ميكانيكى ممتاز فى العمره و مش كويس فى التاكيهات ( طبعاً حاجة غريبة ) و ممكن تلاقى ميكانيكى كويس فى تركيب و ظبط سرفيس الكهرباء و مش كويس فى ظبط الماتور او العفشة و هكذا.
و كذلك الحال بالنسبة للسروجى , ممكن تلاقى سروجى ممتاز فى تظبيط الكراسى و مش كويس فى فرش الأرضية أو البييبان أو كويس فى الفرش الداخلى و ممتاز جداً فيه لكن مش كويس فى تظبيط الكراسى.
و أيضاً الكهربائى ممكن يكون ممتاز فى ضفيرة العربية و مش كويس فى المارش أو الدينامو و هكذا.

و فعلاً كلام ahmed2y سليم 100%

طبعا ياباشا ماقدرش اخالفك فى الرأى
فعلا انا بطلب من الاداره تغيير اسم الموضوع الى ( اسوءصنايعيه للبيتلز)

رابعا ودى للاستاذ هاشم مخصوص وطبعا بقى الاعضاء الاعزاء وهى عن عنوان مديح هو فى شارع سنان فى الزيتون من ناحية شارع جسر السويس ووالوصفة بتاعتة هى كالاتى

شارع جسر السويس فى الاتجاة الى جاى من حديقة بدر الى مصر الجديدة يعنى بالظبط كدة بعد نازلة كوبرى التجنيد هتفضل ماشى على طول مش كتير بعد الكوبرى على اليمين وانت ماشى هتلاقى بنزينة اظن التعاون مش فاكر بالظبط جنبها على طول هتلاقى مكانيكى جولف ادخل الشارع الى بعد بتاع الجولف على طول امشى شوية بتاع 60 او 70 متر هتلاقى على الشمال الورشة على ناصية وطبعا او ما تلاقى عربيات فلوكس كتير تعرف انك توهت والحمد لله ههههههههههههه
شكلهم بيبقى حلو وهما واقفين منطورين على الجنبين هتحس ان فى بينك وبين الفلوكسات اولفة جامدة وربنا يوفئك الجميع
واسف على الاطالة سمحونى ويا رب مكنش ضيف تقيل وانا فى خدمة اى حد محتاج اى استفسار وان شاء الله انا هكتب كل حاجة حصلت معايا عشان الكل يستفيد ومتعبش ويبقى ضحية الصنايعية الاستغلاليين[/quote]
الف شكر يابو حميد والوصفه سهله جدا
وان شاء الله هبقى اروحله واجرب التعامل معاه

حسينى باشا
معلش ربنا يعوض عليك
انا لياصديق كان عمل تيل الفرامل عند عزب اللى خلف حديقة بدر فى جسر السويس
وهو بيشكر فيه وافتكر ان الاربع فرد اتكلفو 100جنيه

لا ياباشا هو وداه لحد عمله وهو اللى ركبه بس