الموضوع: شوية إستفسارات

يا جماعة على قد ما بحب العربية ديه و بفكر فعلن أغير عشان أجيبها, على قد منا كل لاما أدخل أقرأ المواضيع بتاعتكو أخاف منها, يعنى مثلن موضوع الحرارة فيه البيتكلم على تقلبل درجة الحرارة اليشتغل عليها الترموستات, و اليقول عاوز يزود مروحة (مش فاهم ازاى), و البيوصل سلك من المروحة على أرضى العربية (ده موضوع لسه قاريه هنا انبارح), ده غير التكييف الكتير بيشتكوا منو, معقول احنا بنتكلم على المانى, أنا جايب كيا سبكترا من سنة و اكتشفت ان البنت مطلعة عينها شوية من الشغل الاضريط أعمله فى العفشة, لكن الموتور (ربنا يخفظو يا رب) عمرو ماعمل حركة قلة ما شاء الله, الحرارة بقالى سنة شايفها مابتتزحزحش من مكانها فى النص, عمرى مازودت نقطة مياه رغم انهم تقريبا كانوا حطين مياه حانفية (ان شاء الله هغير لمياه حمراء زى ما الأخوة نصحوا هنا فى المنتدى), و أخيرا الموتور جاب ال 200 أكتر من مرة, و لما كان فايق كسر ال 200 و جابت 210, بس أقل الايمان 195 كل ده و أنا عندى علبة الشكمان ضايعة, ده غير طبعا التكييف زى الفول.
المهم مشكلتى الوحيدة فى الثبات, و ده المخلينى عايز أغير للألمانى و كنت بفكر فى اوكتافيا 2003 أو جولف 4, بس الفكترا زغللت عينى عشان بنفس السعر تقريبا ممكن أجيب ال 2000 cc , بس فعلن خفت منها جدا, و منين الاقى حالة نضيفة (طبعا أنا متابع سيارة الريس مختار ربنا يحفظها ان شاء الله, رغم ان اخر موضوع قريته كان طالب 87 تقريبا), ولا الواحد يبيع و يتجه على حاجة زر الالنترا (2004 - 2006) عربية أجمعت عليها الأراء و مشوفتش بنى ادم اشتكى منها لحد دلوقتى و مشكلتها الوحيدة فى رايى ان مفهاش ABS.

و معلش رغيت كتير شوية, بس قلت نفوق لوحوش الأوبل (بعد ماقعدت مدة مركز مع الاخوة فى الرينو و الفولكس)

أخوكم أحمد عبد الرحمن