مسمار الجنط

**belal rashed** · 06-04-2009 09:37 PM

يا جماعه انا عندى حاجه غريبه أوى
أولا أنا عربيتى لانوس2006
القلاووظ اللى فى الصره الخلفيه شمال فيه واحد فيهم فوت.
مره ورا التانيه بصيت لقيت المسمار وقع خالص إمبارح... تماديت فى الإهمال ومشيت بالعربيه شويه لاقيت العربيه بتطلع من الثبات بمرجحه وكأن تحت الفرده طوبه,بس بعد كده بتمشى عادى جدا. وبعد مشوارين كده لاقيت التلات مسامير الباقيين محتاجين يتربطو فربط عليهم تانى.
انا كنت متوقع إن العربيه هتطلع متزنه بعد كده لاكن للأسف برضه بتطلع بنفس المرجيحه وكمان المسامير اللى راكبه بعد مشوار بتكون سخنه أوى وليها ريحه.
اسف إنى طولت عليكو ا وأرجو إنى أكون عرفت أوصف الحاله صح.

**samirayad** · 06-04-2009 10:18 PM

انا كنت متوقع إن العربيه هتطلع متزنه بعد كده لاكن للأسف برضه بتطلع بنفس المرجيحه وكمان المسامير اللى راكبه بعد مشوار بتكون سخنه أوى وليها ريحه.
اسف إنى طولت عليكو ا وأرجو إنى أكون عرفت أوصف الحاله صح.

ياريت تكشف على فرامل الفرده دى .....لأنها تقريبا من وصفك قافشه........وبرضه شوف موضوع الجاويط (المسمار) الناقص ده......( ولو بتاع عفشه كويس ......حيقوم بالموضوع كله )

**belal rashed** · 07-04-2009 10:24 AM

أعتقد إنها فعلا الفرامل لأن أنا عملت بيها إمبارح باليل مشوار كتجربه لاقيت مكان المسمار المخلوع ده سخن ويكاد يكون بيطلع دخان.

**lord23** · 07-04-2009 10:48 AM

اولا بالنسبة لموضوع سخونة الجنط لازم تروح لحد بتاع فرامل عشان يشوف الفرامل قافشة ليه
وعلي فكرة هوا ده اللي بيعمل خشونة وانت بتتحرك من الثبات

اما موضوع المسمار اللي فوت فقدامك حل من الاتنين (ممكن بتاع الفرامل يعملهالك بالمرة)
يا تفك الطنبورة وتخرطها وتستخدم مسمار اكبر
ياتغير الطنبورة كلها وانا بفضل الحل ده

**belal rashed** · 07-04-2009 03:43 PM

يعنى أفهم من كده إن ما فيش أى علاقه بين السخونه والمسمار المفقود؟؟؟
وهل يا ترى لو مشيت بيها شويه كمان فيه أضرار ولا لأ؟؟؟؟

**samirayad** · 07-04-2009 04:00 PM

يعنى أفهم من كده إن ما فيش أى علاقه بين السخونه والمسمار المفقود؟؟؟

لو الفرامل قافشه ( وده أنا متوقعه )......حيكون طبعا فيه علاقه بين السخونه والأحمال على مسامير رباط الفرده ( لأن مفيش أنتظام فى حركة الفرده دى مع زملائها ....سواء مع الحركه أو التوقف ....وبيحصل عليها ردود فعل مش طبيعيه (بتبقى واقفه والعربيه ماشيه .....طبعا التشبيه حسب حالة القفشه بتاعة الفرامل )

وهل يا ترى لو مشيت بيها شويه كمان فيه أضرار ولا لأ؟؟؟؟

لا أنصحك بترك الموضوع ....ولازم تتطمن وتعالجه فى أسرع وقت................

**belal rashed** · 07-04-2009 06:58 PM

ألف شكر يا باشمهندس سمير ويا أستاذ لورد
إن شاء الله هروح أعملها إنهارده بالليل... مع إنى ما بحبش أعمل حاجه هنا فى شرم.

**belal rashed** · 08-04-2009 01:20 AM

الحمد لله يا جماعه أنا خلاص عملت الفرامل,بس بصراحه زى ما قولتلكوا قبل كده :ما أنصحشى أى حد إنه يعمل حاجه هنا فى شرم الشيخ أبدا ,يا جماعه الصنايعيه هنا كفتاجيه عالأخر.
زياده على إن كللللللللللللللل قطع الغيار هنا صينى فأنا عملتها كده مؤقتا لحد لما أنزل المحله وأخلى الصنايعى بتاعى يشوفها ويعملها تانى بضمير.
أنا حقيقى شاكر جدا لكل من شارك فى هذا الموضوع.

**samirayad** · 08-04-2009 01:47 AM

ألف مبروك وتصل الى الغربيه بألف سلامه.........وأنا غرباوى زيك برضه

**lord23** · 08-04-2009 11:38 AM

الحمد لله علي سلامة العربية
وترجع بالسلامة ان شاء الله

الموضوع: مسمار الجنط

LinkBack

أدوات الموضوع

عرض

مسمار الجنط - انشر الموضوع فى :

-

-

-

-

-

-

المواضيع المتشابهه

ماهو مقاس الجنط الاصلى والكاوتش للاوبترا وماهو الجنط والكاوتس الاسبور المناسب ؟؟

مناقشة..السول الجنط 16 أسرع من الجنط ال18..السيراتو معانا بردو

مطلوب الجنط 17 الفراني او الكوب للبدل مع الجنط 17 الفضي (5جنوط)

هل ينفع نغير جنوط اللانوس من 4 مسمار الى 5 مسمار

مسمار الجنط

الكلمات الدلالية لهذا الموضوع

المفضلات

المفضلات

ضوابط المشاركة