الى اصدقائى السيريوناويين استلمت العربية وارجو النصيحة

**hhhmmmzzzz** · 06-04-2009 11:58 PM

السلام عليكم علي جميع اصدقائى الحمد لله استلمت السيريون2009من اسبوع وعملت بيها500ك وده بفضل نصايحكم ومشورتكة فتحية خاصة لكل من شارك بالراى واسداء النصيحة وتحية عامة لكل السيريوناوية واتمنى نتقابل علي خير ان شاء الله فى الاول العربية لحد دلوقتى ممتازة بس مش عارف اقيمها زيكو انا جربت ال128 وكان عندى اسكودا2000 وهم عربيات ناشفة واللى يركب بعديهم اليابانى مايقدرش يقول حاجة انا تقريبا قرات اغلب المواضيع فى المنتدى وكانت شيقة جدا بس ان شاء الله سوف اوافيكم لاحقا باخبارى اول باول.
بس ممكن اعرف ايه اللي هيجرى فى صيانة ال1000ك وامتى احجز الميعاد من دالوقت ولا بعدين وبعدين موضوع الزيت اللى بيحطوه زيادة ده اعمل فيه ايه هو ومية الحنفية بتاعة دورة التبريد هل اخذ مياه معى افضل ونصايحكو اقابل مين واعمل ايه يعنى حد يدينى تصور من اللى بيحصل والمفروض ميحصلش بصفتكم اهل خبرة لعل وعسي افيد بعض الناس بالمستقبل ويتم التواصل دائما واتمنى بانشاء رابطة لينا وتكون قوية فى مواجهه الاشياء غير الصحيحة بالتوكيل لعل وعسي ننفع انفسنا ومن بعدنا من ملاك سيريون اللى مايعرفوش المنتدى الجميل ده لاننا نعتبر واجهة للشركة من دعاية واعلان فيجب الاهتمام براينا واخذه موضع الجد. والله الموفق واشوفكم علي خير دائما:k32:

**SeMo_SiRiOnY** · 07-04-2009 04:13 AM

اولا الف مبروك علي العربية
ربنا يديك خيرها ويكفيك شرها وشر سواها

ممكن اعرف ايه اللي هيجرى فى صيانة ال1000ك

مجرد تعارف + معلومات عن العربية + استلام بطاقة الضمان + تشييك عام علي العربية

وامتى احجز الميعاد من دالوقت ولا بعدين

في اي وقت لان حضرتك مش شرط تروح علي ال 1000 بالظبط ممكن 1500 او اكتر
او متروحش خالص لحد صيانة ال 5000 احجز وهما هيدوك ميعاد روح فية بس خليها قريب من ال 1500 علشان تكون عديدت فترة التليين وجربت الجري بالعربية

وبعدين موضوع الزيت

موضوع الزيت في فحص ال 5000 مش دلوقت وان شاء الله يكون اتحل
وكذلك المية
في فترة التللين حاول متعديش ال 90 بالعربية
ارجو ان اكون قد افدت

**akarem** · 07-04-2009 12:11 PM

مبارك عليك يا باشا
ربنا يعطيك خيرها ويكفيك شرها
العربية ماشاء الله فعلا جميلة
صيانه الالف مجانا وبيراجعوا على العربية
ممكن تحجز قبلها بيومين
وانت ماشى متعديش ال 90
وكمان متخليش ال Rpm يعدى ال 3000
ومبارك مرة تانية
وقولنا اخبارك اول باول

**madoo** · 07-04-2009 08:06 PM

اولا مبارك عليك العربيه يا مان ويكفيك شرها ويعيطيك خيرها يارب

هى عربيه زى الفل

اولا انا هاقولك اللى انا اعرفه عن صيانه الالف واللى هما عاملوه معايا لما كنت رايح اعمل صيانه عربيتى الجديده (ماتيريا2009 بردة اوتوماتك)

اولا انا حجزت لما العربيه كانت عامله حوالى 1200 كم واديونى ميعاد بعدها بحوالى 5 ايام حجزت السبت ورحت الخميس وبكده كانت العربيه عامله حوالى 1700كم (عامه فى صيانه الالف مش بيطاولوا فى الحجز لانها اصلا مش مهمه ومش بتاخد وقت هناك حوالى ساعه بس ) اديونى ميعاد ساعه 9 وربع صباحا والمفروض انك بتروح قبلها بربع ساعه بتاخد رخصه العربيه وتدخل الاستقبال بتقابل حد من المهندسين اللى هناك بتتعرفوا ويعرف منك ايه اخبار العربيه معاك وشوف ايه اللى مش عاجبك فيها وقوله عليه وهو هيدونه فى الفايل بتاع العربيه

المهم انهم بيعملوا اتشيك على العربيه كلها وتربيط عفشه وكشف على جميع سوائل العربيه وبينضف الموتور ويمسحه بماده كدة زى الفوم لان ماينفعش يتغسل علشان الكمبيوتر وكدة (انا كده فى الماتيريا بس مش عارف ايه النظام فى السيريون)
وبتطلع حضرتك تستنى العربيه فى الدور التانى وبتبقى شايف عربيتك من القزاز (اه على فكرة انا روحت فرع العبور )

والناس هناك معاملتهم زى الفل .

وفى الاخر يارب اكون قدرت افيدك
ومبروك كمان مره