مشكلتى فى اللوجان -- الحقونى

**hobby10** · 07-04-2009 12:39 AM

السلام عليكم

انا ياجماعة الحمد لله استلمت عربيتى اللوجان الرومانى بقالى اسبوع بس ومشيت بيها 200 كيلو والحمد لله عجبانى جدا .... المهم النهاردة الصبح روحت بيها الشغل وكانت طبيعية جدا وبعد الظهر نزلت بحاول افتح الباب بالسنتر من الريموت مفتحش , فتحت الباب بالمفتاح عادى وحاولت ادور العربية برضه مفيش اى رد فعل ولا حتى نور الكونتاكت ولا حتى الكلاكس شغال (اكن لعبة وشلت البطارية منها ؟؟؟؟) فتحت الكبوت كان الماتور بارد طبعا والبطارية كانت كل توصيلاتها بالنظر كده سليمة (لما قفلتها الصبح كانت كل الانوار مطفية وطبعا فيها بنزين عادى) ........ بصراحة معرفتش اتصرف ازاى قفلتها وسيبتها مكانها وروحت كلمت 16202 قالولى اتصل الصبح وحيبعتولى المهندس ان شاء الله ..... انا بصراحة مستغربة من الحالة دى ومش فاهمة ونفسى حد يفسرلى الحالة الغريبة دى ويقولى ايه الوضع مع المهندس اللى حيجى ده بالنسبة للضمان يعنى وتكلفة الحكاية دى كلها ( وهل لو حدفع حاجة ازاى يعنى العربية تحتاج اى حاجة بعد 200 كيلو بس بالشكل ده !!!! ) ..... ياريت حد يرد عليا ياجماعة وجزاكم الله خير.

**SeiffoZ** · 07-04-2009 12:42 AM

المشاركة الأصلية كتبت بواسطة hobby10

السلام عليكم

انا ياجماعة الحمد لله استلمت عربيتى اللوجان الرومانى بقالى اسبوع بس ومشيت بيها 200 كيلو والحمد لله عجبانى جدا .... المهم النهاردة الصبح روحت بيها الشغل وكانت طبيعية جدا وبعد الظهر نزلت بحاول افتح الباب بالسنتر من الريموت مفتحش , فتحت الباب بالمفتاح عادى وحاولت ادور العربية برضه مفيش اى رد فعل ولا حتى نور الكونتاكت ولا حتى الكلاكس شغال (اكن لعبة وشلت البطارية منها ؟؟؟؟) فتحت الكبوت كان الماتور بارد طبعا والبطارية كانت كل توصيلاتها بالنظر كده سليمة (لما قفلتها الصبح كانت كل الانوار مطفية وطبعا فيها بنزين عادى) ........ بصراحة معرفتش اتصرف ازاى قفلتها وسيبتها مكانها وروحت كلمت 16202 قالولى اتصل الصبح وحيبعتولى المهندس ان شاء الله ..... انا بصراحة مستغربة من الحالة دى ومش فاهمة ونفسى حد يفسرلى الحالة الغريبة دى ويقولى ايه الوضع مع المهندس اللى حيجى ده بالنسبة للضمان يعنى وتكلفة الحكاية دى كلها ( وهل لو حدفع حاجة ازاى يعنى العربية تحتاج اى حاجة بعد 200 كيلو بس بالشكل ده !!!! ) ..... ياريت حد يرد عليا ياجماعة وجزاكم الله خير.

مشكلة مشابهة حصلت معايا ... بس أنا مش معايا لوجان ..
و إللى فهمته بعد ما صلحت العربية إن طالما العربية مش مستجيبة ولا أى حاجة و لا حتى نص حاجة يبقى بطارية ..
و الله أعلم .. أنا بتكلم من تجربة حصلت

**hobby10** · 07-04-2009 12:44 AM

شكرا على الرد بجد ... بس الحل كان ايه يعنى البطارية اتغيرت ولا ايه ... وعندك فكرة لما المهندس يجى ايه التكلفة اللى ممكن ادفعها لانى اول مرة اتحط فى الموقف ده... شكرا

**Ahmed Selim** · 07-04-2009 12:49 AM

السلام عليكم

حضرتك متقلقيش إن شاء الله هتطلع حاجة بسيطة
حصلت معايا قبل كده عشان قبل تسليم العزبية او أثناء الشحن بيبقو فاصلين البطارية و ساعات لما بيوصلوها تانى بيبقى التوصيل مش مظبوط 100% و لو خدتى مطب او حاجة هزت البطارية فى فيوز بيفصل عشان ميحصلش ماس لا قدر الله
الراجل جه غير الفيوز فى 5 دقايق و مشى و مفيش تكلفة نهائى

**SeiffoZ** · 07-04-2009 12:58 AM

المشاركة الأصلية كتبت بواسطة Ahmed A.Maksoud

السلام عليكم

حضرتك متقلقيش إن شاء الله هتطلع حاجة بسيطة
حصلت معايا قبل كده عشان قبل تسليم العزبية او أثناء الشحن بيبقو فاصلين البطارية و ساعات لما بيوصلوها تانى بيبقى التوصيل مش مظبوط 100% و لو خدتى مطب او حاجة هزت البطارية فى فيوز بيفصل عشان ميحصلش ماس لا قدر الله
الراجل جه غير الفيوز فى 5 دقايق و مشى و مفيش تكلفة نهائى

و رأيى حضرتك بردوا وارد جدا ..
الخلاصة هى كهربة العربية إللى فيها مشكلة

**hobby10** · 07-04-2009 01:37 AM

متشكرة ليكم بجد ياجماعة على الرد السريع وعلى الافادة وان شاء الله ربنا يستر وتطلع بسيطة

**sawsn** · 07-04-2009 02:14 AM

يا ريت تقولينا على تجربتك مع اللوجان الرومانى---وتدينا انطباعك اول باول عنها--ويا ترى اشترتيها بكام--انا كنت هشتريها زيك بس قالو لى اسعار قطع غيرها غاليه جدا--يا ترى تاكدتى من اسعار قطع الغيار------الف الف مليون مبروووك --وتكون دخلتها عليكى وش السعد والهنا --مبرووك--

07-04-2009 02:19 AM

المشاركة الأصلية كتبت بواسطة sawsn

يا ريت تقولينا على تجربتك مع اللوجان الرومانى---وتدينا انطباعك اول باول عنها--ويا ترى اشترتيها بكام--انا كنت هشتريها زيك بس قالو لى اسعار قطع غيرها غاليه جدا--يا ترى تاكدتى من اسعار قطع الغيار------الف الف مليون مبروووك --وتكون دخلتها عليكى وش السعد والهنا --مبرووك--

برجاء مراجعة موضوع (كل ما تريد معرفته عن اللوجان)