التكييف مش بيشتغل

**abouzaid555** · 14-04-2009 12:25 AM

استاذ سمير انا اسف جدا على التاخير و انا صورت لحضرتك غطاء علبة الفيوزات و علبة الفيوزات من الداخل وياريت حضرتك تقوللى ايه الاماكن الفاضية دى كلها وهل ياترى لازم يكون فيها كتاوت او فيوزات ولا دى زيادات على راى الخواجة المصرى بتاعنا و ياترى كل دول بتوع ايه بالظبط معلش انا اسف حاتعب حضرتك معايا بس اكيد الاماكن الفاضية دى كلها لازم يكون فيها حاجة و بتاعت حاجات مهمة

**samirayad** · 14-04-2009 12:43 AM

رسم الفيوزات موجود قدام حضرتك على الغطاء .....وفيوز الكلاتش أحمر وقيمته 10 أمبير.....أول واحد أحمر من فوق شمال (تقريبا فوقه 2 خضر )....وبيناظر بيانه على الغطاء اللى مكتوب عليه 10 أمبير comp

_ الحاجات التانيه دى ملناش دعوه بيها ( ممكن بتاعة أزابة الثلج وحاجات تانيه ).....وممكن حضرتك تطلع على معانى الفيوزات فوق فى المواضيع المهمه ( كلنا أشتركنا فى التعرف عليها من قبل ).....وأهم حاجه دلوقتى ربنا يكرم فى موضوع التكييف عندك

**abouzaid555** · 14-04-2009 12:49 AM

اولا شكر خاص جدا لحضرتك على سرعة الرد و الاستجابة و ياريت حضرتك تفيدنى الاماكن الفاضية دى كلها مالهاش لازمة ولا ايه فى علبة الفيوزات

شكرا جزيلا لحضرتك

**samirayad** · 14-04-2009 01:00 AM

أنا لاحظت أن كتاوت أزابة الثلج مش موجود وطبعا مالوش لزمه عندنا...........وكذلك كتاوت مكن الزجاج الكهرباء ( وكده يبق أنت الزجاج عندك يدوى ).......والصراحه فيه بعض البيانات مش شايفها ( أصل محسوبك عجوز شويه....وحكم السن بقه ههههههههه )

**samirayad** · 14-04-2009 01:03 AM

المشاركة الأصلية كتبت بواسطة abouzaid555

شكرا جزيلا لحضرتك

ياباشا تحت أمرك.......حاول تطلعه الفيوز ده .....وشوفه برضه يمكن ملخلخ فى مكانه ويكون سليم .......والحل تحط شعره سلك رفيعه على كل رجل وركبه تانى.......ولو تالف يبقى خير وبركه (غيره بواحد سليم )

**abouzaid555** · 14-04-2009 01:03 AM

ياباشا ربنا يديك الصحة و طول العمر و اسف على الازعاج

**samirayad** · 14-04-2009 01:05 AM

المشاركة الأصلية كتبت بواسطة abouzaid555

ياباشا ربنا يديك الصحة و طول العمر و اسف على الازعاج

ربنا يخليك .....ويخليلنا الناس الزوق اللى زى سعاتك

**MMamdouh** · 14-04-2009 11:56 AM

مش شرط كل مكان فى علبة الفيوزات يبقى راكب علية كتاوت او فيوز

علبة الفيوزات بتتعمل ستاندر لكل العربيات و بالتالى لازم تستوعب كل الكماليات اللى ممكن تنزل فى العربية... وجود كتاوت او فيوز من عدمة يعتمد على الكماليات اللى نازلة فى العربية بالتالى طبيعى تلاقى مثلا كتاوت و فيوزات الفوج و مذيب الثلج و الزجاج الكهرباء مش موجودة لو عربيتك مفيهاش الكماليات دى

MMamdouh

**abouzaid555** · 15-04-2009 12:42 AM

فعلا العربية عندى نص كماليات و شكرا جزيلا استاذ محمد ممدوح
بصراحة لما حضرتك بترد عليا بحس بالامان ربنا يخليك لينا و ما يحرمناش منك ابدا

**MMamdouh** · 15-04-2009 11:40 AM

ربنا يخليك يا باشا

MMamdouh

الموضوع: التكييف مش بيشتغل

LinkBack

أدوات الموضوع

عرض

-

-

-

-

-

-

المواضيع المتشابهه

جيتا ٢٠٠٨ التكييف بيشتغل لوحده !!

التكييف بيشتغل بسرعة ويفصل بسرعة

التكييف مش بيشتغل حلو الا اما ادوس بنزين جامد

فى حد بيشتغل فى ال ups هنا للمساعدة

العربيه بتبطل لما التكييف بيشتغل..ياترى ايه السبب؟

الكلمات الدلالية لهذا الموضوع

المفضلات

المفضلات

ضوابط المشاركة