ايه الفرق بين الكبالن والكارونا؟؟؟

**hamedo0** · 07-04-2009 03:18 PM

المشاركة الأصلية كتبت بواسطة roky

ياباشمهندز حميدو كلامك زين
و الحقيقة انا سعيد جدا ان عرفت معلومة جديدة
بس معلهش لو فيها تقالة توضح شوية ايه هو الـ "دفرانس" ده.

و فرصة سعيدة جدا جداً

يا باشا انا ولا بشمهندس ولا بتاع انا راجل بحب العربيات وبس
بنسبه للدفرانسيه الهو الكورنه بلاكسات بتعتها كله حته واحده بوص علي كورنه الشاهين كده هو ده الدفرانسيه . :k4:

**roky** · 07-04-2009 04:41 PM

المشاركة الأصلية كتبت بواسطة hamedo0

يا باشا انا ولا بشمهندس ولا بتاع انا راجل بحب العربيات وبس
بنسبه للدفرانسيه الهو الكورنه بلاكسات بتعتها كله حته واحده بوص علي كورنه الشاهين كده هو ده الدفرانسيه . :k4:

فهتمك يا عسل .. الدفرانسيه اللي هو الـ differential بس بالفرنساوي ... هههه

**zeka127** · 11-04-2009 03:19 AM

طيب فيه حد يقدر يشرح الموضوع ده لو فيه كوبلن خلفى مثلا فى البى ام ازاى الحركه بتتنقل من الفتيس الى هو قدام للكبالن ورا من غير وجود كارونا ؟؟؟؟؟

**hamedo0** · 11-04-2009 03:26 AM

المشاركة الأصلية كتبت بواسطة zeka127

طيب فيه حد يقدر يشرح الموضوع ده لو فيه كوبلن خلفى مثلا فى البى ام ازاى الحركه بتتنقل من الفتيس الى هو قدام للكبالن ورا من غير وجود كارونا ؟؟؟؟؟

حضرتك الحركه بتتنقل من الفتيس عن طريق عمود الكردان الي الكورونه فيه كورونه في الخلف خارج منها الكبالن للاسف انا مش عندى صور للشرح ياريت لو حد يكون عنده الصور

**abo_hosni** · 11-04-2009 08:28 AM

أكيد في كورونة امال الحركة هتتنقل باللاسلكي :)

و آدي كوبلن مخلوع و مدلدل

و دي كورونة E36 واضح فيها مدخل عمود الكردان و مخرجين للكبالن

بس يا hamedo0 كل الدفع الخلفي له دفرانسيه (والتروس داخل الكورونة) عشان يسمح باختلاف سرعة دوران كل عجلة عن التانية و توزيع العزم على الجهتين زي مثلاً في الملفات لو ملف يمين تكون سرعة العجلة اليمين أسرع من الشمال و العكس. ده بالنسبة للعجل الخلفي لأن طبعاً العجلتين الأماميتين في الملفات سرعتهم زي بعض

**Sameh** · 11-04-2009 10:44 AM

المشاركة الأصلية كتبت بواسطة abo_hosni

أكيد في كورونة امال الحركة هتتنقل باللاسلكي :)

بس يا hamedo0 كل الدفع الخلفي له دفرانسيه (والتروس داخل الكورونة) عشان يسمح باختلاف سرعة دوران كل عجلة عن التانية و توزيع العزم على الجهتين زي مثلاً في الملفات لو ملف يمين تكون سرعة العجلة اليمين أسرع من الشمال و العكس. ده بالنسبة للعجل الخلفي لأن طبعاً العجلتين الأماميتين في الملفات سرعتهم زي بعض

توضيح صغير ، لو الملف يمين هيكون دوران العجلة الشمال هو الأسرع مش اليمين عشان بيعمل دايرة أوسع ،محيط دايرة أكبر يعنى ، ونفس الشئ بالنسبة للعجلتين الأماميتين مش بيلفوا بسرعة واحدة وبيخضعوا لنفس مبدأ محيط دائرة الدوران ، العجلة اللى للخارج لازم تلف أسرع من العجلة اللى لداخل الملف ، أما غير كدة أشكرك على باقى كلامك

**elm3lem_youssef** · 11-04-2009 11:45 AM

المشاركة الأصلية كتبت بواسطة roky

علي حسب عملي المحدود

مفيش حاجة أسمها كبالن خلفي لآن العجل الخلفي ثابت و مابيحودش، فمش محتاج لكبالن.
الكوبلن هو وصلة ... بتسمح للعجل أنه يحود بحرية .. و نفس الوقت يكون متوصل بالماتور

و السبب انهم زمان كانت العربيات كلها دفع خلفي لآنهم ماكانوش لسه اخترعو الكبالن فالعجل القداماني مستحيل يححود و يلف في نفس الوقت. فكانت الكارونه هي وسيلة نقل الحركة من الموتور (قدام) الي العجل الخلفي (ورا)

و مع ذلك الكرونه برضك لسه ليها مزايا غير موجودة في الكبالن .. و تستخدم برضك في النقل التقيل و خلافه

الكرونه

الكوبلن

توصيل الكوبلن بالعجل يسمح بالحودان و اللف بحرية

باشا معلش إسمحلى أرد عليك فى نقطه
أنا عندى فى العربيه كبالن خلفيه (BMW) بس مش عارف فى باقى العربيات اللى فيها كورونه بيبقى فيها كبالن ولا لأ

**abo_hosni** · 11-04-2009 06:02 PM

المشاركة الأصلية كتبت بواسطة Sameh

توضيح صغير ، لو الملف يمين هيكون دوران العجلة الشمال هو الأسرع مش اليمين عشان بيعمل دايرة أوسع ،محيط دايرة أكبر يعنى ، ونفس الشئ بالنسبة للعجلتين الأماميتين مش بيلفوا بسرعة واحدة وبيخضعوا لنفس مبدأ محيط دائرة الدوران ، العجلة اللى للخارج لازم تلف أسرع من العجلة اللى لداخل الملف ، أما غير كدة أشكرك على باقى كلامك

أيوة أنا غلطت بالنسبة للعجل الأمامي شكراً على التصحيح. العجلة الي للخارج أسرع من الداخل في الأمام و الخلف. كبرت في دماغي و جربت حالاً على عربية بريموت (دفع خلفي + دفرنسيه ) بعد وضع علامات على الكاوتش

في حتة كده اللي تحتها خط في مشاركتك ممكن حضرتك اتلخبطت فيها سهواً لأن كلامي عن العجل الخلفي كان صح

الخلاصة: العجلة الأمامية الخارجية هي الأسرع من الكل و الخلفية الداخلية هي الأبطأ في الكل

**Sameh** · 11-04-2009 09:32 PM

فكرة حلوة :)

**MMamdouh** · 12-04-2009 03:57 PM

الموضوع دة فى الاخر اختلاط مسميات

جرى العرف ان اى عربية جر خلفى يتقال عليها "على كورونا" و بالتالى اصبحت اى عربية جر امامى "على كبالن"

و لان المسميات دى ظهرت من زمان و ساعتها كان معظم العربيات الجر الخلفى بتستعمل دفرنسية عبارة عن كورونا و اعمدة دفع فى قطعة واحدة بالتالى كان دايما التعليق الخلفى للعربيات دى بيبقى غير مستقل (يعنى لو عجلة من العجل اللى ورا دخل فى مطب فان تحرك العجلة دى حياثر على وضع العجلة التانية)

مع تطور التكنولوجيا و زيادة سرعة العربيات اصبح من الضرورى تحسين اداء نظام التعليق لرفع مستوى ثبات العربية... و عليه كان لازم فصل ارتباط العجلات الخلفية عن بعضها و دة حصل عن طريق استخدام كبالن لتوصيل الحركة من الكورونا الى العجلات

و هنا يتضح ان الكورونا مش هى اللى فى الصورة السابقة ولكن الكورونا هى مجموعة التروس الفرقية اللى بتقسم الحركة اللى جاية من الفتيس الى العجلات الخلفية مع السماح باختلاف سرعة دوران العجلات... و دى صورة مجموعة التروس المذكورة:

اذا اللى بيفرق اذا كانت العربية فيها كبالن ورا ولا لا هو وضع الكورونا... اذا كانت الكورونا متثبتة فى شاسية السيارة يبقى العربية فيها تعليق مستقل و بالتالى وصل الحركة من الكورونا الى العجل بيبقى من خلال كبالن...

و ان كانت الكورونا و اعمدة النص راكبة ف مجوعة واحدة بتمثل جزء من العفشة الخلفية يبقى العربية مفيهاش كبالن و تعليقها الخلفى غير مستقل

و على فكرة... مجموعة التروس دى موجودة برضة فى العربيات الجر الامامى يعنى حتى الامامى فيه كورونا

MMamdouh

الموضوع: ايه الفرق بين الكبالن والكارونا؟؟؟

LinkBack

أدوات الموضوع

عرض

-

-

-

-

-

المواضيع المتشابهه

الكبالن

زيت الكبالن

الكبالن

الكبالن !!

الكبالن ؟

الكلمات الدلالية لهذا الموضوع

المفضلات

المفضلات

ضوابط المشاركة