هل أضحى بالأكسيل من أجل الفيات أونو

**ahmedstaff** · 07-04-2009 02:36 PM

السلام عليكم ورحمة الله وبركاته
أعضاء المنتدى الكرام ، لدى سيارة أكسيل 1500 كامله مانيوال ممتازة ومشاويرى بها قليلة ، رأيت سيارتين فيات أونو فى معرض حالتهما شاذه جدا ، وأعجبنى أن استهلالكهما للبنزين جميل جدا (600 كيلو متر فى الصفيحة) :
السيارة الأولى فيات أنو موديل 1992 فبريكا بره وجوه بها كاوتش جديد وجنوط سبور جديد وكاسيت سى دى والغريب أنها 1300 سى سى والأغرب أنها أتوماتيك (الجير بوكس أتوماتك) ماشية 75 ألف كيلو متر فقط وسعرها 34.500 جنيه مصرى .
السيارة الثانية فيات أونو 1000 سى سى ، والجير بوكس مانيوال ، فبريكا بره وجوه ماشية حوالى 90 كيلو متر فقط
أحتارت كثيرا هل فعلا أبيع الأكسيل ملكى وأحضر تلك السيارة الموفرة علما بأنه لا يوجد بها كماليات ، بي استهلاك البنزين موفر جدا والحاله شاذه جدا ، وانا أزود سيارتى الأكسيل بنزين 90 ومشاويرى حوالى 200 - 300 كيلو فقط فى الأسبوع . أنا أحترت فعلا ؟ ما رأيكم يا سادة ؟ وشكرا على نصائحكم مقدما ...

**FASTER** · 07-04-2009 03:30 PM

بص كل واحد بيجيب الحاجة المناسبة لأحتياجاته بس في حاجة غلط في كلام حضرتك أن الأكسيل أستحاااااااااالةتعمل 600كم في الصفيحة وأتحداك راجع معلوماتك كويس عن الأونو, بس أنا عن نفسي أفضل الأكسيل طبعا ويا راجل ده كفاية التكييف في الحر ده وبعدين سعر الأونو مبالغ فيه جدا وموديلها تحت أوي

**FASTER** · 07-04-2009 03:33 PM

سوري قصدي الاونو استحالة تعمل 600كم في الصفيحة

**sherif Anton** · 07-04-2009 07:19 PM

انا كان معايا اونو مو 2000 (كنت شاريها زيرو) وكانت بتعمل 320 كم / للصفيحة في المشاوير الطوالي (طريق سفر) وجوه البلد كانت بتعمل 280 كم / للصفيحة ... لكن عمرها ما وصلت ل 600 كم ابدا واللي يقولك غير كده يبقى بيخدعك ... الأونو سيارة رائعة جدا وصيانتها سهلة ... بس بعد ما غيرت وركبت عربية فيها تكييف اكتشفت ان كان ناقصني كتيييييييييير

**ahmedstaff** · 07-04-2009 09:27 PM

السلام عليكم ورحمة الله وبركاته
جزى الله خيرا كل من شارك بالرد (الأخ الفاضل Faster والأخ الفاضل/ شريف
وفي انتظار ردود باقي الأعضاء

ولكن من الممكن أن أركب تكييف للأونو 1300 فى المستقبل ؟ أيه رأيكم