التيدا بطيئة جدا مع التكييف

**tata12001** · 08-04-2009 02:13 PM

المشاركة الأصلية كتبت بواسطة for_ever

شباب, مش عارف انتو شباب و للا لأ :))))))
عايزين نتعرف علي بعض (انا عندي 29 سنة بتاع كومبيوتر--مهندس برمجيات)..... ما علينا
حجزت معاد مع التوكيل يوم الحد ان شاء الله
هيا العربية عاملة 77 الف كيلو 1600 سي سي
المهندس اللي كلمني قال ان ممكن نفحصهالك في الصيانة الدورية بتاعة ال 70 الف و دي هتتكلف 542 ريال اجور بس ده غير قطع الغيار (مش عارف غالي و للا رخيص ؟؟؟)
المهم قولتلو طيب انا عايز افحصها كومبيوتر و مهندس يطلع معايا يشوف المشاكل
قاللي الفحص بتاع ال 70 الف غير شامل فحص الكومبيوتر
يعني فحص الكومبيوتر لوحده هيتكلف 300 ريال (غالي جداااا) و فحص المهندس لوحده 150 ريال
مش عارف ايه الاسعار العجيبة دي !!!
ايه رايكم ؟

بصراحة أنا حاسس إن اسعارهم غالية بس د يمكن رجع لكفائتهم.
بالنسبة لتغير البوجيهات فهي بتتغير عند ١٠٠٬٠٠٠ وبالنسبة لا فلتر البنزين فمن كلام الرجل بتاع قطع الغير إلي في التوكيل فمفيش فلتر بنزين للعربية دي أو للصني من أول ٢٠٠٧ ، العربية نفسها مفيهاش فلتر بنزين. وأرجو انك تتأكد من المعلومة دي من التوكيل إلي عندك

**for_ever** · 08-04-2009 02:38 PM

معقولة مفيش فلتر للبنزين ؟
ده كده الموتور بتبهدل عشان الواحد ما يضمنش البنزين اللي بيحطه
و كان في كلام كتير للاخوة هنا في المنتدي عن ان محطات كتيرة بتغش البنزين او البنزين بيبقي مليان شوائب .......

ان شاء الله هتأكد من المعلومة دي ضروري
شكرا جزيلا

**ahmad--ezzat** · 08-04-2009 05:43 PM

76 اللف كيلو؟
فى سنتين
اعتقد كتير؟

**fahd_628** · 09-04-2009 06:36 PM

على فكرة اى عربية بتبطأ مع التكييف و بتحس انها مخنوقة

دة عااااااااااادى و الى يقول غير كدة مع احترامى يبقى مش بيحس بالعربية

**for_ever** · 11-04-2009 09:28 AM

المشاركة الأصلية كتبت بواسطة Ahmed20_08nubira

76 اللف كيلو؟
فى سنتين
اعتقد كتير؟

لا مش كتبير عشان هنا المسافات كبيرة و الناس بتجري, يعني ممكن تجيب ال 120 كم\س ما بين اشارة لاشارة :)

المشاركة الأصلية كتبت بواسطة fahd_628

على فكرة اى عربية بتبطأ مع التكييف و بتحس انها مخنوقة

دة عااااااااااادى و الى يقول غير كدة مع احترامى يبقى مش بيحس بالعربية

فعلا اي عريبة بتبقي بطيئة مع التكييف بس مش مخنوقة اوي كده
علي فكرة انا كان معايا فولكس بورا موديل 2000 و هقولك علي حاجة مش هتصدقها, العربية ادائها كان بيتحسن لما كنت بشغل التكييف :) ايه رأيك بقي ؟

**mashaly** · 11-04-2009 10:22 AM

ألف مبروك ربنا يبارك لك فيها
اكيد البورا كانت 1800
عشان كدا حسيت بأن التيدا بتتأثر بالتكييف
اتأكد من الكهرباء بتاعت العربية كويس وإذا كانت تماما يبقى زي ماقالوا الاخوة أكيد الماتور فيه مشكلة
بالنسبة للتوكيل حاسس انه غالي فعلا حاول تشوف حد يكون ليه معرفة في اي توكيل
عندك عشان يظبطلك الاسعار
بس بصراحة انا متعاملتش مع توكيل نيسان اتعاملت مع تويوتا في جدة وكانت اسعارهم معقولة جدا
وربنا يسهلك وتتحل المشكلة إن شاء الله

**for_ever** · 11-04-2009 12:53 PM

المشاركة الأصلية كتبت بواسطة mashaly

ألف مبروك ربنا يبارك لك فيها
اكيد البورا كانت 1800
عشان كدا حسيت بأن التيدا بتتأثر بالتكييف
اتأكد من الكهرباء بتاعت العربية كويس وإذا كانت تماما يبقى زي ماقالوا الاخوة أكيد الماتور فيه مشكلة
بالنسبة للتوكيل حاسس انه غالي فعلا حاول تشوف حد يكون ليه معرفة في اي توكيل
عندك عشان يظبطلك الاسعار
بس بصراحة انا متعاملتش مع توكيل نيسان اتعاملت مع تويوتا في جدة وكانت اسعارهم معقولة جدا
وربنا يسهلك وتتحل المشكلة إن شاء الله

شكرا علي ردك
البورا كانت 2000 سي سي
مش عارف حاسس ان الراجل الميكانيكي بوظلي حاجة في الجير ربنا يستر
علي العموم هروح بكرة ان شاء الله التوكيل و اشوف
اسعارهم غالية جدا معرفش ليه... لما نشوف ......
دعواتكم و شكرا علي دعمكم

**for_ever** · 15-04-2009 10:20 AM

السلام عليكم
شكرا يا جماعة جدا علي اهتمامكم
انا استلمت العربية امبارح بس من التوكيل
اللي حصل اني روحت يوم الحد زي ما كنت حاجز
روحت الاستقبال كان في حوالي 3 مهندسين استقبال
لسوء الحظ طلع اني الحجز بتاعي مع واحد مش متعاون خالص
معرفش جنسيته ايه بصراحة يمني او سعودي ... المهم قالي بتشتكي من ايه
قولتله لما بشغل التكييف العربية بتبقي مخنوقة جدا و بتقطع قاللي كده يبقي لازم فحص كومبيوتر ب 300 ريال

قولتله طيب انا علي سرعة 30-40 كم\ساعة بحس برجرجة في العربية قاللي يبقي كده لازم فحص كامل للسيارة و ده لوحده 600 ريال غير فحص الكومبيوتر

طلع معايا شاف السيارة من برة عشان يستلمها. عاين البودي من بره كده بدون مبالاة و كتبلي ورقة دخول و خلاص .......
انا بصراحة اضايقت جدا من المعاملة الناشفة دي. المفروض حد معايا يطلع يجرب العربية و افهمه مشاكلها. ما ينفعش كده كلام و خلاص. قاللي محدش فاضي يطلع معاك احنا عندنا quality control هيعملو كل حاجة

اضايقت زيادة. المهم صادفت مهندس استقبال مصري جدع حكيتله علي المعاملة الجافة بتاعة المهندس التاني. قاللي حقك يا بيه حد يطلع معاك و يجرب العربية تعالي نشتكي لمدير الصيانة بنفسه
قولتله انا بصراحة مش عايز اعمل مشاكل لحد. قاللي طيب استناني دقيقة و انا هتصرف
جه فعلا بعد دقيقية و معاه فني فليبيني محترم و قاله اطلع معاه و جرب كل حاجة في العربية و وصاه عليا
بصراحة الفني الفلبيني طلع محترم جدا و قعد جنبي و انا سايق و سمع كل مشاكلي بالتفصيل الممل مش بس كده بعدها راح سايق هو العربية و مشي بينا اكتر من 30 كيلو عشان يجربها علي كل السرعات و الظروف (الناس الفلبينين دول بصراحة محترمين جدا و بيحبو شغلهم جدا حتي لو كان زبال- و الله هو ده اللي حسيته من تعاملي مع اكتر من واحد فلبيني شعب طيب و هادي و صغنن كده :)) )
المهم رجعنا تاني التوكيل و المهندس الاولاني قاللي هتستلمها يوم الثلاثاء قولتله كتير جدا ده فحص كومبيوتر بس ده هيوصل فيشة و خلاص قاللي الدنيا عندنا هنا زحمة و ده اقرب معاد
قولتله امري لله
و فعلا روحت امبارح استلمتها
طلعت مشكلة برمجة و الحمد لله العربية ظبطت تمام بس موضوع الرجرجة ده قاللي دي مشكلة كاوتشات في كاوتش بايظ و عايز يتغير. طبعا انا قولت مشكلة كاوتش سهلة هبقي اشوفها عند اي حد بره عشان التوكيل غالي موووووووت
بس برده حاسس ان العربية سحبها مش قوي ساعات كده بتتقل او بتقطع خفيف جدا (اعتقد ده لاني لازم اغير بوجيهات و فلتر هوا لان ده معاد صيانة ال 70 الف) بعد شوية بقي لما انسي المصاريف اللي انا دفعتها :(((

علي فكرة سألت علي موضوع فلتر البنزين المهندس قالي هو في فلتر بنزين بس راكب علي طرمبة البنزين و مقياس البنزين فا ما ينفعش يتغير لوحده لازم تغير الطرمبة كلها مع الفلتر و المقياس و دول غاليين اوي

البوجيه الواحد ب 52 ريال
و فلتر الهواء ب 92 ريال
مش عارف العربية دي اسعار قطع غيارها غالية اوي كده ليه :(
البورا الالماني فلتر الهواء الاصلي بتاعها كان ب 56 ريال :( فين ايامك يا بورا :))))
يللا الحمد لله علي كل حال و شكرا لاهتمامكم

**tata12001** · 15-04-2009 12:49 PM

أولاً الحمد لله انك وديتها التوكيل ، ومعلش في حظك مع المهندس الغير متعاون دة ، بس الحمد لله انك أبلت واحد تاني متعاون.
وبالنسبة لسعر قطع غيرها فمتنساش انها من التوكيل وإن العربية موديل ٢٠٠٦ مش ٢٠٠٠ ذي البورا. ومتنساش بردو إن مشاء الله قطع غيرها معمرة، يعني البوجيهات بتقعد ١٠٠٬٠٠٠ وبالنسبة لا فلتر الهوى فدا غلباً عادي ذي أي عربية ٣٠٬٠٠٠ أو ٤٠٬٠٠٠. وإن شاء الله تبئة العربية تمام

**for_ever** · 15-04-2009 02:29 PM

المشاركة الأصلية كتبت بواسطة tata12001

أولاً الحمد لله انك وديتها التوكيل ، ومعلش في حظك مع المهندس الغير متعاون دة ، بس الحمد لله انك أبلت واحد تاني متعاون.
وبالنسبة لسعر قطع غيرها فمتنساش انها من التوكيل وإن العربية موديل ٢٠٠٦ مش ٢٠٠٠ ذي البورا. ومتنساش بردو إن مشاء الله قطع غيرها معمرة، يعني البوجيهات بتقعد ١٠٠٬٠٠٠ وبالنسبة لا فلتر الهوى فدا غلباً عادي ذي أي عربية ٣٠٬٠٠٠ أو ٤٠٬٠٠٠. وإن شاء الله تبئة العربية تمام

شكرا يا باشا علي ذوقك و اهتمامك يشرفني اني اتعرف بحضرتك يا ريت تبعلي علي الخاص .....

آه نسيت اقول نصيحة مهمة بالنسبة لموضوع فلتر البنزين
المهندس اللي هناك قال طالما ان فلتر البنزين ما بيتغيرش لازم تحافظ دائما ان التنك يبقي ربعه مليان عشان لو في شوائب و للا حاجة