تعديل الفرامل الخلفية للانوس - تركيب سكاكين
بفضل من الله سبحانة و تعالى تم تعديل الفرامل الخلفية للانوس و استبدال نظام الطبلة بدسكات (سكاكين)
انا جبت جنبين كاملين مع كابلات فرامل اليد مع مواسير الباكم احتياطى... الموضوع طبعا جديد و مش عارف بالضبط انهى اجزاء ضرورية و انهى اجزاء مش لازم تتجاب
http://i83.photobucket.com/albums/j3...e/DSCF1344.jpg
الحاجو اللى كانت مخوفانى هى مسامير تركيب الجناب فى الدفرنيسة... لو طلعت مختلفة مكنش التعديل حينفع... او على الاقل مش حيبقى بالسهولة اللى انا عايزها
انا اخدت معايا اكس قديم بتاع لانوس عشان اقارن اماكن المسامير و الحمد لله طلعت مضبوطة تمام... الفرق الوحيد ان اللانوس بيركبلها صواميل لكن الجنبين دول بيركبلهم مسامير... مش فارقة حاجة
http://i83.photobucket.com/albums/j3...e/DSCF1353.jpg
بداءنا بتركيب الجناب و فك الكنابير لتنضبفها و تشحيم البلى و خلافة... طبعا من الركنة الطنابير بتصدى و تبقى زى ما انتم شوفتوا
http://i83.photobucket.com/albums/j3...e/DSCF1348.jpg
http://i83.photobucket.com/albums/j3...e/DSCF1350.jpg
مقاسات الاكس طلعت هى هى بالضبط زى اللانوس و كمان بلى العجل هو هو بالمللى
http://i83.photobucket.com/albums/j3...e/DSCF1366.jpg
مواسير الباكم الاصلية طلعت طويلة بما يكفى عشان توصل للكالبرات الجديدة... يعنى طقم المواسير اللى جبتة طلع ملوش لزمة... مش مشكلة
http://i83.photobucket.com/albums/j3...e/DSCF1373.jpg
كابل الهاند كان مقرف شويتين لان كابل اللانوس كان طويل زيادة و الكابل اللى جبتة مع الجنبين ميركبش على الهاند بتاعت اللانوس
كان قدامى اما اقصر كابل اللانوس او اعدل الكابل اللى جبتة... انا فضلت اعدل الكابل اللى جبتة عشان احافظ على الكابل الاصلى لو لاى سبب حبيت ارجع تانى للفابريكة
طبعا جبت طقم تيل فرامل جديد لان الطقم اللى كان مع الجنبين مات من زمان
http://i83.photobucket.com/albums/j3...e/DSCF1375.jpg
فى الاخر رجلشنا تيل الهاند و ركبنا التيل الجديد و اخدنا هوا من المساتر و بقينا جاهزين للتجربة
http://i83.photobucket.com/albums/j3...e/DSCF1362.jpg
http://i83.photobucket.com/albums/j3...e/DSCF1365.jpg
http://i83.photobucket.com/albums/j3...e/DSCF1363.jpg
الدواسة اتحسنت كتير... مبقتش تمشى 2 كيلو عشان تفرمل زى زمان... الحاجة المهمة ان العجل اللى ورا مبيقفش و دى النقطة اللى كنت خايف منها... لو العجل اللى ورا بقى يقفش مع الفرامل حيبقى اكنك بتشد الهاند مع كل فرملة و العربية ممكن اوى تلف منى
انا كنت متوقع الهاند تبقى ضعيفة مع التيل الصغير بتاع فرامل اليد بس لقيت الفرامل و الحمد لله حلوة و بتمسك جامد
MMamdouh