الجديد في النيو اكسنت 2009

**Shikaz** · 08-04-2009 12:18 AM

المشاركة الأصلية كتبت بواسطة NaviGator_13

علشان شكلها وحش (رأى شخصى )

انا رأيي بسبب إسمها التسويقى

**m_zizo620** · 08-04-2009 10:50 AM

بس انا شايف ان العربية دي شكلها مش وحش بس ممكن تكون محتاجة تكون جسم العربية مفرود اكتر من كدة و ان هي كانت مش منتشرة لان سعرها كان يعتبر غالي نسبيا لانها كانت مانيوال حوالي 83 الف وبكدة سعرها بيقرب من عربيات في فئة اعلى منها لكن انا اعتقد انها بدات تنتشر بعد التخفيضات الجديدة و العروض الي عملتها هيونداي

**m_zizo620** · 08-04-2009 11:05 AM

سوال كمان يا جماعة لو سمحتو هو النيو اكسنت 2009 فيها موشر حرارة و لا لمبة بس ياريت حد من الي جاب العربية هو الي يقولنا عشان يكون الكلام اكيد

**ghazy12** · 08-04-2009 11:44 AM

المشاركة الأصلية كتبت بواسطة ezzatfox

مميزاتها كالاتى :
1- موتور 112 حصان تكنولوجيا الجيل الثالث cvvt و دة بيدى احسن اداء و اقل استهلاك للوقود .
سحبها ( التسارع ) اكتر من ممتاز
2-تقفيل كورى بالكامل و جودتة عالية جدا من حيث الخامات او الجودة .
3- ثبات جيد جدا .
4- عفشة رياضية بتدى ثبات و خدمة شاقة .
5- كماليات جيدة ( 4 زجاج كهرباء - سنتر - انذار - باور - تكييف - لمبة قراءة للمقاعد الامامية بخلاف لمبة الصالون - يتم اغلاق النور تدريجيا بعد غلق الابواب - جراب للنظارة - مساحات و ادراج تخزين كتير اوى - حامل اكواب امامى و خلفى - مصدر كهرباء اضافى بخلاف الولاعة - عداد رحلات - كاسيت mp3 و معاة وصلة usp لتشغيل الفلاش ميمورى مباشرة - عجلة القيادة قابلة للتعديل - سخان للزجاج الخلفى )
6 - تكييف ممتاز و نقى جدا و لا يؤثر على سحب السيارة .
7- الشنطة واسعة .
8- سعرها قليل بالنسبة لمميزاتها .
9- اعتمادية عالية جدا .
10- اعادة بيع جيدة .
العيوب:
عدم وجود مؤشر حرارة و الاعتماد على لمبة للتحذير ، صحيح انا عمرى ما شفتها نورت حتى فى اقسى ظروف التشغيل بس بردوا العداد بيعرف الواحد الحرارة واصلة لفين .

الخلاصة العربية دى - زيرو مشاكل - بمشية الله

+1111

العربية دي انا بحترمها جداا... بجد ممتازة

**moudy88** · 08-04-2009 06:33 PM

المشاركة الأصلية كتبت بواسطة Shikaz

العربيه ده فعلا سعرها اقل من إمكانياتها
بس سؤالى ليه ما إنتشرتش إنتشار جبار ؟

بسبب سعر الفيرنا اللي بيقل عنها حوالي 10 الاف جنيه وعلشان كده الناس بيسترخصو ويشتروا الفيرنا

**firstknight216** · 09-04-2009 03:18 PM

المشاركة الأصلية كتبت بواسطة NaviGator_13

علشان شكلها وحش (رأى شخصى )

هاهاهاهاهاهاهاهاهاهاهاها

تصدق فعلا ده العيب الوحيد اللي في العربية
شكلها وحش فعلا جدا جدا لما تقارنها بالياريس او الريو طبع هي احلى من الافيو

**GMakram** · 09-04-2009 09:57 PM

المشاركة الأصلية كتبت بواسطة ezzatfox

بالاضافة الى تعديل الباور ليصبح هيدروليك بدلا من الباور الكهرباء فى الموديلات القديمة .

ممكن اعرف ايه الفرق بين الاتنين وانهى احسن؟

**MRBEBO** · 09-04-2009 11:10 PM

انتوا بتتكلموا بجد يا جماعة

النيو اكسينت شكلها وحش

دي احلى حاجة فيها شكلها

**ezzatfox** · 10-04-2009 12:40 AM

المشاركة الأصلية كتبت بواسطة GMakram

ممكن اعرف ايه الفرق بين الاتنين وانهى احسن؟

الباور الكهرباء مش محتاج زيت باور و الكلام دة بيشتغل مع كهربة العربية زى الكاسيت و التكييف بدون ما تدور العربية ، و ميزتة انة انعم من الهيدروليك و لكن عيبة انة على السرعات العالية بيبقى خفيف اوى و دة unsafe و سمعت انة كان عامل مشاكل فى الموديلات القديمة - عشان كدة اتعدل و خلوة هيدروليك .

**abdulrhmngalaa** · 10-04-2009 07:53 PM

assalamu 3allykom game3an
el3arabeya de 3agbany gedan we bafakar feeha bas 3awez a3raf howa elsaloon bta3ha daya2 walla wase3,le2ny taweel we mo3zam tooly fe nosy elfo2any dahry ya3ny we lazem tkoon elsaloon moree7