رجع فرحان من الشغل لقي زحمة عند باب العمارة اللي ساكن فيها و لقي عربيات بوليس و عربيات
أسعاف و كوردون أمن مركزي ، ضباط و عساكر في كل مكان ، قلق فرحان و جه يدخل العمارة
العسكري اللي عالباب و قفه و قاله : علي فين يا أستاذ ، ممنوع .... قلق فرحان أكتر و راح يدور
علي حد من السكان ، يفهموه اللي حصل .... لقي أودامه جاره زعلان اللي في الشقة اللي جنبه
قاعد علي الرصيف و أيديه الأتنين علي خدوده المكلبظين و في حالة أنهيار شديد و بيعيط .......أهء
فرحان : خير يا زعلان .... أيه اللي حصل .... قاعد كده ليه ؟؟؟؟؟
زعلان : فرحان ، ألحقني يا فرحان ..... كئيبة مراتي أتخطفت ، السفاح خطفها
فرحان : يا بختك .... يا بختك يا زعلان و هي ديه حاجة تزعل برضه ؟
زعلان : ده خطف معاها كمان سعيدة مراتك
فرحان : الحمد لله ، أستجبت لدعائي يا رب ، ألف حمد و شكر ليك يا رب
زعلان : مش ديه المشكلة يا فرحان ، أتخطفوا عادي يعني ، المشكلة أنه .......ء
فرحان : أنه أيه يا زعلان ... قلقتني مش العيال بخير و الحمد لله
زعلان : أيوه يا فرحان ، أهم بيلعبوا مع ولادي هناك ... عسكر و حرامية
فرحان : طيب أومال فيه أيه ، أيه اللي مزعلك كده ؟
زعلان : ده السفاح طالب فدية خمسين ألف جنيه
فرحان : و ماله ، فداهم يا زعلان ، كلها عشر شهور و أقبض المكافئة السنوية و ندفع الفدية
زعلان : أنا قولت له أستني علينا بتاع ست شهور كده ، رفض و قاللي أودامكوا خمستاشر يوم بس
فرحان : هو انت ممعاكش المبلغ ده يا زعلان ؟؟؟؟
زعلان : معايا ، بس أشتريت بيه شهادات أستثمار ، معقوله يعني أروح أفكها ... مش مستاهلة
فرحان : و أنا كمان موجود معايا المبلغ ، الحمد لله ، بس كنت رايح بكرة أشتري عربية جديدة
زعلان : خلاص بقي ، و أحنا هنعملوهم أيه .... الخيرة فيما أختاره الله
فرحان : ليك حق ، ربا ضارة نافعة .... يالا ماحدش بياخد غير نصيبه ... بس أنا برده عاوز
أعرف أنت منهار كده و بتعيط ليه ؟؟؟
زعلان : منهار يا سيدي لأنهم أتخطفوا الساعة أتناشر الظهر
فرحان : يعني لو أتخطفوا أربعة العصر ما كنتش هتعيط و تنهار ؟
زعلان : طبعا مش هنهار ، لأنهم هيكونوا جهزوا الغدا .... نتغدي أزاي أحنا دلوقي
فرحان : خلاص ، هات ولادك و تعالوا كلنا نروح نتغدا في النادي ، أهو ننظف معدتنا من طبيخهم
و راح فرحان هو و زعلان يقضوا بقيت اليوم في النادي و يفسحوا العيال شوية و لما رجعوا بالليل
متأخر لقي فرحان مفاجأة في أننظاره ، أول ما فتح فرحان باب الشقة لقي سعيدة موجودة في الصالة
و قاعدة علي الكرسي و أيديها مربوطة بحبل غسيل و علي بؤها شريط بلاستر عرييييييييض
فرحان : يووووووه ... أنتي رجعتي يا سعيدة !!!!!! يعني ماتخطفتيش أهوه و لا غيره ؟؟؟؟؟
سعيدة : أيييييييه أييييييييه أييييييييه
فهم فرحان ، انها مش عارفة تتكلم علشان البلاستر اللي علي بؤها و لما راح يشيلهولها لقي جنبها
علي الترابيزة ظرف كبير و جنبه جواب ، سابها تأوء و فتح الجواب يقراه لقي مكتوب فيه : أنا
السفاح ... أنا رجعت لك مراتك و مش عاوز فدية و لا حاجة ... و ربنا يكون في عونك يا أستاذ
أنا جبت لك معايا مبلغ خمسين ألف جنيه ، أرجوك تقبالهم مني و ربنا يصبرك و يعينك علي ما
بلاك ،،،،، أنا خلاااااااااص ، توبت الي الله و بطلت قتل و خطف .... أنت المنتقم الجبار يا رب
أنت المنتقم الجبار ، يمهل و لا يهمل ، حسبي الله و نعم الوكيل .... حسبي الله و نعم الوكيل
زعل فرحان شويتين ، لكن قدر الله و ما شاء فعل .... المهم راح فك البلاستر من علي بؤ سعيدة
فرحان : و الله يا سعيدة حظك حلو ، السفاح تاب و رجع لضميره
سعيدة : و هو أنت فاكره تاب كده لوحده ، ده أنا و كئيبة اللي توبناه
فرحان : بارك الله فيكم ، طبعا فهمتوه غلطته و وعظتوه ؟؟
سعيدة : و عظناه أيه يا فرحان ، أحنا نكدنا عليه عيشته فزهق مننا و قام مرجعنا
فرحان : ياااااااه ، أحكيلي كده ، عملتوا أيه ؟؟؟
سعيدة : أبدا ، أحنا أتفقنا أن كل واحدة مننا تتخيل أن السفاح ده يبقي جوزها ، و عملنا معاه
زي ما بنعمل معاكوا بالظبط ، يقولنا : أجيبلكوا تاكلوا ... ننكد عليه الأكل ، أجيبلكوا
تشربوا ... ننكد عليه الشرب ، قال : داخل أوضتي أرتاح شوية ... نكدنا عليه النومة
و قلقنا راحته و كفرنا له عن سيئاته ، و قرفناه في عيشته شوية كده لغاية ما قعد يصرخ
و يقول : حقي براقبتي ..... حقي براقبتي و قام مرجعنا بسرعة .......... ء
بس تصدق يا حبيبي قال كلمة غريبة قوي ما فهمناهش لا أنا و لا كئيبة
فرحان : خير ، قال أيه يا حبيبتي ؟؟؟؟
سعيدة : قال ، قال أيه ... ربنا يكون في عون رجالتكوا ، تفتكر يقصد أيه من الكلمة ديه ، أوعي
يكون قصده حاجة كده و لا كده ؟؟؟؟
فرحان : لا يا حبيبتي ، ده بس كان بيدعيلكوا
سعيدة : أاااااه ، بحسب .... كنت رحت طينت عيشته ، أه و الله ... ليه ، هو أنا هفية ؟
و ما قولتليش ، عملت أيه أنت و العيال لما عرفت اني أتخطفت ؟
فرحان : أبدا يا حبيبتي ، روحنا أتغدينا في النادي
سعيدة : و كل ده قاعد في النادي ؟ أوعي تكون رحت كده و لا كده و لا تكون عنيك زاغت
علي أي ست غيري ؟ ده أنا كنت شربت من دمك
فرحان : هو انا اقدر يا حبيبتي ، انا من يوم ما اتجوزتك توبت عن صنف الحريم خااااااالص
سعيدة : طيب ، لما أدخل أنام بقي لحسن دماغي وجعتني مــ الواد السفاح ده .. يلا تصبح علي خير
و دخلت سعيدة تناااااااااام ، حقيقي نوم الظالم عبادة
ملطووووووووووووووووووش من الفيس بوك
لو عجبتكم الطش لكم الباقى
المفضلات