انا ركبت جوانين لوش السلندر

**helmy537** · 07-04-2009 10:13 PM

الجوان كان ضرب منى ولقيت المياه نازله من الشكمان واحط مياه والاقى المياه مش عارف بتروح فين ببص تحت العربيه الاقى المياه بتسيل من ورا
ببص لقيتها طالعه من الشكمان وكنت على الطريق بره البلد سحبتها لحد الميكانيكى وكنا بالليل بيتها عنده والصبح فكينا لقينا جوانين راكبين قلتله يبقى زى مالقيت جوانين هنركب جوانين والحمد لله ماشيه تمام والمياه اتظبطتت ماعدتش بتنقص خالص الحمد لله والحراره بقت تمام والسحب فل:k4::k4::k4::k4::k4::k4:

**rabbat5** · 08-04-2009 02:04 AM

يا ليت لو حد يعرفنا أسباب مشكلة ضرب_تلف_ الجوان و لو باختصار.

**Atef Saleh** · 08-04-2009 10:59 AM

السبب الرئيسى بيكون زياده الحراره .

**EGMIDO** · 09-04-2009 12:46 PM

مبروك عليك
عاوزين نعرف العربية عندك عاملة كام كيلو متر
والحرارة دلوقتى بتوصل لكام من غير ومع التكيف
وكلفك كام وعملتة فين وازاى السحب فرق

**samirayad** · 10-04-2009 09:46 PM

المشاركة الأصلية كتبت بواسطة rabbat5

يا ليت لو حد يعرفنا أسباب مشكلة ضرب_تلف_ الجوان و لو باختصار.

فعلا السبب الرئيسى لتلف جوان رأس السلندر هو أرتفاع حراره المكنه زياده عن اللازم.........دا غير أن فى بعض الأحيان بيبوظ الجوان بسبب لما بيخف رباط الرأس مع البلوك شويه ويحصل تسريب خفيف للميه لغرف الحريق.......وممكن أعادة الرباط ماتجبش النتيجه المطلوبه ويلزم تغيير الجوان مره أخرى (لأنه ببساطه بينشف من الحراره ورباطه مره تانيه مابيقطعش كويس .....على الرغم من أنه سليم ....لأنه بيكون نشف )

**helmy537** · 13-04-2009 08:38 AM

الاول كان فيه تسريب للمياه عالطول وبعد ماضرب وغيرت وركبت جوانين المياه بقت تقعد فى العربيه بالشهر وممكن مازودهاش كوبايه مياه كنت الاول لازم احط على الاقل لترين مياه فى العربيه لكن الوقتى المياه بقت تمام والحراره الحمد لله لسه عاوز اظبط زوايا واغير علبه الشكمان علشان فيها خرم وده بيزود استهلاك البنزين والعربيه عامله 128000 الف كيلو وربنا يحفظها بقى لما نبقى نغير فى المستقبل