الموضوع: تيدا سيدان كامله اتوماتيك ولا مازاد 3الs ولا نيو سيراتو هاى لاين

شكرا محمد غازي على الرد السريع جدا
يا ترى هل من مشارك آخر يصف لنا اختبار متانه من مكان مختلف غير مقدمة السيارة ؟

المشاركة الأصلية كتبت بواسطة ghazy12

كلامك مش غلط.. بس مش صح 100%, و هقولك ليه..

انا لو عندي منتج اوروبي (أي منتج) و سعر المنتج ده 10يورو... ممكن اخد المنتج ده و الخامات المصنع منها المنتج (من بلدها) و اديها لمصنع في الصين و هقوله انا عايز منتج زي ده و بنفس الجوده و الخامات اهه... هيعملك المنتج ده هو هو (والله بدون مبالغة و أتحدى حد يفرق بينهم كشكل و كجوده) و هيكلفك 9.25 دولار = 7 يورو

يا ترى الفرق ده راح فين؟؟؟ العمالة

و عايز اقولك حاجة كمان ان 90% من الشركات العملاقة الألمانية و اليابانية و الفرنسية....... ليها اماكن تصنيع و انتاج غير بلادها و بتكون في الغالب (الصين و تركيا و الهند و كوريا و تايوان.....) عشان العمالة ارخص بكتيير و المنتج هو هو, و في شركات كبيرة بتبيع اسمها لمنتجات صينية و بياخدو نسبة (بس شرط ان الجوده تكون معقولة)!!!!...
تويوتا بتقفل في جنوب افريقيا!!! مسألتش ليه؟؟؟ عشان مصاريف العمالة, بس محدش اتكلم عليها مش عارف ليه مع ان العربية نزلت و كان فيها مشاكل و في الفتيس, يعني مش اي كلام!!!!

كلام برنامج توب جير مش صحيح و بيخرفو كتير على فكرة حتى في تقيماتهم للعربيات... ده واحد بيقولك الاودي أو البي ام 525 عربية المغرورين عشان كده احنا بنصنفها من العربيات الوحشة, مش كوول...!!!!!!!!!!! طيب ده كلام.
بس ده ميمنعش ان عندنا ترتيب حقيقي طبعا في مجال السيارات (حتى الان) و هو...
1- ألماني, أوروبي
2- ياباني
3- كوري
4- ماليزي
5- صيني

بس عندنا في مصر الاوروبي مش واخد حقه عشان مش مناسب قوي لظروف بلدنا... زي المرسيدس C180 , C200, ال180 ألماني بالكامل بس كل الناس بتشتكي من عفشتها (عشان مش مناسبة لظروف البلد), الـ200 عشان العفشة بتتطلب بمواصفات خاصة و العربية بتتجمع هنا فالناس كلها بتشكر فيها قوي و ده بسبب ان العفشة للخدمات الشاقة...

اسف على الاطالة بس حبيت أوضح وجهة النظر و طبعا وجهة نظرك تحترم تماما

باشا. أنا كان كلامي واضح. العمالة الصينية رخيصة. العمالة الجنوب أفريقية رخيصة. بس العمالة الكورية مش أرخص من العمالة الأوروبية.

و مش معنى ان رأيهم في توب جير مش عاجب حضرتك انهم غلط في كل حاجة. و بعدين احنا بنتكلم في وقائع مش آراء. لو العمالة الكورية غالية, يبقى ازاي العربيات الكورية رخيصة؟ ياريت حضرتك تقول لي.

باشا ،،،

معلوماتك قديمة ،،

الأراء بتاعت توب جير دي قديمة

غالبا هتلاقيها لحد 2003

دلوقتي الكلام اختلف تماما ،،

جيرمي كان في تقييم ليه للميجان بيقول في اخره انصحكم تجيبوا كيا سييد افضل منها

و كمثال ده مثلا كلامه علي الهيونداي I30

Either someone’s slipped something into my drink, or this is a Korean car you actually might want to buy

المشاركة الأصلية كتبت بواسطة Ahmed Anwer

باشا ،،،

معلوماتك قديمة ،،

الأراء بتاعت توب جير دي قديمة

غالبا هتلاقيها لحد 2003

دلوقتي الكلام اختلف تماما ،،

جيرمي كان في تقييم ليه للميجان بيقول في اخره انصحكم تجيبوا كيا سييد افضل منها

و كمثال ده مثلا كلامه علي الهيونداي I30

Either someone’s slipped something into my drink, or this is a Korean car you actually might want to buy

http://www.topgear.com/uk/hyundai/i30
هو برضه قال على الGetz كويسة و بمستوى العربيات الأوروبية, بس أضاف ان هي بجودة الأوروبي لأنها متسعرة زي الأوروبي. و ده بيأكد كلامي ان المكونات اللي الكوريين بيستعملوها في عربياتهم أردأ من اللي في الأوروبي أو الياباني. و اذا حصل انها بنفس جودتهم, فهيبقى الاتنين بتقريبا نفس السعر.

بالنسبة للميجان فهو كان مخنوق منها أساسا عشان صفارة حزام الأمان و الفرامل. و ده بره موضوعنا.

المشاركة الأصلية كتبت بواسطة TheInfernal

http://www.topgear.com/uk/hyundai/i30
هو برضه قال على الGetz كويسة و بمستوى العربيات الأوروبية, بس أضاف ان هي بجودة الأوروبي لأنها متسعرة زي الأوروبي. و ده بيأكد كلامي ان المكونات اللي الكوريين بيستعملوها في عربياتهم أردأ من اللي في الأوروبي أو الياباني. و اذا حصل انها بنفس جودتهم, فهيبقى الاتنين بتقريبا نفس السعر.

بالنسبة للميجان فهو كان مخنوق منها أساسا عشان صفارة حزام الأمان و الفرامل. و ده بره موضوعنا.

يعني المهم اتفقنا علي ان مش كل تقييمات جيرمي بالطريقة دي رغم تعصبه للاوربي عامة و تهزيقه عامة للاسيوي و اكيد طبعا الكوري اولي

عشام منلاقيش واحد تاني جايب تقييمه للفيرنا التلاته سلندر الديزل اللي معمول في اوائل الالفينات و يقولك بس جيرمي بيقول ايه هيا دي هيونداي
رغم ان حاليا في خانة الجودة في معظم السيارات الكورية لتوب جير بقوا يعلقوا انه مفيش داعي للقلق
بخصوص حكاية السعر

فيه شركة بتكون شاطرة في انها بتعمل تصميمات جميلة و جاذبة و فيه شركات بتكون شاطرة انها تعمل عوامل الأمان فيها عالية زي الشركات السويدية و فيه شركات بتكون مشهورة انها بتعمل عربيات ناعمة و مريحة ........ الخ

الشركات الكورية مشهورة انها بتعرف تخفض في التكلفة

مش عيب و لا حرام و محدهشي بيعرف ينافسها في كده باعتراف المنافسين نفسهم

زي ما قال رئيس تويوتا عمرنا مهنعرف ننافسهم في التكلفة

كون ان البراند نيم بتاعهم قليل ميقدروش يغلوا سعرهم ، عندهم اساليب ادارية معينة ، كوريا بلد مغلقة و فيها حماية او فيها فساد لصالح الشركات الكبري بيخفوا شوية حاجات في الصناعة ،، ايا كان

مش مشكلتنا احنا لينا المصلحة و ننحاز للي يوفرلنا ،،