عايز اسأل على السرعات العالية بالنسبة للموتور ال 1300 للبوما

**mahmoudzaied** · 08-04-2009 01:23 AM

انا عايز اسأل على حاجة يا جماعة
بنسبة للبوما ال 1300
لو انا مسافر فى اى حتة
ايه الاضرار اللى على الموتور ال 1300 سى سى
لما امشى على سرعة 160 مثلا لمدة طويلة ومتواصلة يعنى لمدة 10 دقايق او 15 دقيقة متواصلة؟

علما بأن سرعة 160......... Rpm 4500

وايه برضو الاضرار اللى على الموتور برضو لما ابقى ماشى على 160 فترة طويلة ومتواصلة او متقطعة ( وانا مشغل التكيف على 2 او 3)؟

يا ريت يا جماعة تفيدونى بجد
لانى مش عايز احمل على الموتور جامد عشان اعرف وابقى على نور

**husseinthemaster** · 08-04-2009 04:24 PM

انا في رايي مفيش اضرار طالما rbmمش عالي ووصل المنطقة الحمرا وبالنسبة للتكيف مش هتفرق 2او3او4 لان دية سرعة المروحة مش التكييف لان التكييف كدة كدة شغال 1 زي 4 بس التكييف علي السرعات العالية مش بيعمل تاثير علي الموتور زي في وسط البلد

**mahmoudzaied** · 08-04-2009 07:42 PM

المشاركة الأصلية كتبت بواسطة husseinthemaster

انا في رايي مفيش اضرار طالما rbmمش عالي ووصل المنطقة الحمرا وبالنسبة للتكيف مش هتفرق 2او3او4 لان دية سرعة المروحة مش التكييف لان التكييف كدة كدة شغال 1 زي 4 بس التكييف علي السرعات العالية مش بيعمل تاثير علي الموتور زي في وسط البلد

الف شكر ياباشا
ومستنى رأى بقية الاعضاء برضو

**abo samra** · 08-04-2009 08:40 PM

المشكله ياباشا مش فى الموتور المشكله فى استهلاكه للوقود فى السرعات دى بالنسبه لموتور 1300 بيقى عالى جدا جدا جدا
لان ال 1300 مش مصمم للجرى على سرعات عاليه
ولكن بالنسبه للموتور اعتقد 160 مش هتبقى ضرر على موتور يابانى محترم خصوصا انك بتبقى 4500 لفه

**husseinthemaster** · 08-04-2009 08:56 PM

اي خدمة يا باشا

**casper1500** · 08-04-2009 11:38 PM

مفيش ضرر يا باشا طول ما انت مش بتوصل للـ RedZone في الار بي ام ..
بس بردة متفهمنيش ان واحد بيحاول العربية متعديش 4 ار بي ام (سواء في السرعة او الحرق على النقلة لو هي مانيوال) زي واحد الطبيعي بتاعة انه بينقل على 5 و 6 و بيمشي عليهم كتير ...
الفرق بيبان مع العمر بتاع العربية - الاول موتوره بيعيش كتير و التانى موتوره بيفوت بسرعة .
فخليها على الله و امشي بالمعقول و خلاص اخرك خليه 4.5 كويس متزودش عن كدة و متطولش اوى على ار بي ام عالي .. و النقل خليه من 3 لـ 4.5 لو عايز تدوس

دة غير ان كل ما الموتور يبقى من شركة كويسة و كل ما يبقى سعته اللترية كبيرة كل ما يعيش اكتر .

**mohamedway** · 09-04-2009 03:37 PM

ولا أى مشكله و متشغلش بالك و خد كل اللى انت عاوزه من العربيه و مش هيحصل حاجه خالص.

**mahmoudzaied** · 09-04-2009 07:52 PM

الف شكر للرجالة
وكل اللى رد عليا

بس انا اللى مخلينى قلقان انو موتور 1300 يعنى مش عالى وميستحملش الضغط عليه

اه موتور يابانى وشركة محترمة والكريستالة والمكواه يشهدو (مواتير 1300 برضو)

بس الواحد يعمل زى ما الرسول عليه الصلاة والسلام لما قال (اعقلها وتوكل)

انا قلت اسأل الناس واشوف رأيها وايه الاضرار اللى على الموتور
وربنا يبارك لكل واحد فى عربيتو

**Ramytoyota** · 13-04-2009 08:48 PM

اكيد ال 160 كتير وخصوصا ان انت بتعملها كتير مش مرة وخلاص
وبعدين ممكن تسبب اى حادثة لا قدر الله لان التحكم فى العربية على سرعة عالية بيبقى صعب
و ربنا يسترها معاك