علبة الدريكسيون

**zozobozo** · 08-04-2009 02:04 AM

انا عندى اوبل فيكترا 2001 1600 سىسى من فترة زيت الباور نقص قوى وزودته ونقص تانى روحت كشفت على العربيةعند منصور اللى فى الطيران قالولى فى منصور ان ده عيب علبة دريكسيون ولازم تتغير؟؟؟؟ بس انا ملاحظ ان تسريب الزيت من تحت تنك زيت الباور مباشرة يعنى لما زودت الزيت نقص على طول وبينزل من تحت التنك على طول قبل ما يوصل لعلبة الدريكسيون فهل من الممكن ان يدلنى احد على مركز صيانة ثقة اكشف على تسريب الزيت و يكون قريب من مصر الجديدة او مدينة نصر لانى فعلا محتار جدا؟؟؟؟

**ahmedtoma** · 08-04-2009 09:56 AM

فى واحد اسمة صابر الميكانيكى فاتح خلف محطة موبيل الطيران دة كويس وممكن يقولك اية العيب بالظبط

**zizo50001** · 09-04-2009 11:55 PM

عند اى ميكانيكى هيعرف على طول
بص انت خلى حد يلف الدريكسيون وانت بص على علبة الدريكسيون وشوف بتنقط من انهى ناحية شمال ولا يمين لو بتنقط يبقى الاسكترا باظت

**samirayad** · 10-04-2009 02:55 PM

بس انا ملاحظ ان تسريب الزيت من تحت تنك زيت الباور مباشرة يعنى لما زودت الزيت نقص على طول وبينزل من تحت التنك على طول قبل ما يوصل لعلبة الدريكسيون

*** طالما الزيت بينزل من تحت التنك كده .....طيب ماتشوف حضرتك الخرطوم اللى راكب على التنك من تحت ......يمكن يكون القفيز محلول ......أو الخرطوم مقطوع من عند مكان تركيبه على التنك.....أو فيه شرخ مثلا فى التنك .....

_ والصراحه أنا مش عارف برضه أنت تقصد المنطقه اللى تحت مستوى التنك على الأرض مثلا ....ولا أسفل التنك نفسه )........لأنها حتفرق برضه فى الحاله دى.......وياريت تحدد مكان التسريب بالضبط ...............