7000 جنيه فى توكيل سكودا ليه؟

**som3aa** · 08-04-2009 03:14 AM

توكيل سكودا نزلوا اعلان فى الجرايد كاتبين ادفع 7000 جنيه على العربية الخليجى علشان يختمولك دفتر الضمان.

انا سالت فى الفرع بتاعهم قالوا ختم دفتر الضمان علشان العربية تخش الصيانة بس منغير ضمان عليها !!
الصراحة انا مش مصدق الكلام دا ؟ معقول 7000 جنيه علشان تخش الصيانة؟
و لا ال7000 جنيه علشان تاخد ضمان على العربية؟؟

**KHALED AYMAN** · 08-04-2009 03:23 AM

والله يا باشا ...
اعتقد ان الوكيل بيحاول يعوض مكسب العربيات الى اتباعت عن غير طريقه ...
بس انا عن نفسى مش بعمل الصيانه عنده ....
انا بعملها فى اسكندريه فى نور الدين شريف ...
معتمد و مش زحمه زى ارتوك ...
و فى القاهره عندك الوهدان ..
و الاقصى فى المعادى ...
كل دول مراكز بتعمل صيانه للخليجى ...
الوكيل اساسا بيناقض نفسه ...
اول ما الخليجى نزل ...
كان بيقول انها غير مطابقه للمواصفات ...
طيب هتعملها صيانه ليه و هى مش مطابقه للمواصفات ...
؟؟؟؟؟؟؟؟؟؟
ربنا يهديه ..

**mido_919** · 09-04-2009 01:54 PM

انا عربيتي الاسكودا خليجي برضه اساسا ارتوك اوتو في الاول ماكانش بيعمل صيانة للخليجي في الفرع بتاع الغمرة الي معاه خليجي زيي كده كان بيروح وهدان او كارتك مش عارف ليه بقي هو دلوقتي عايز يدفع الناس 7000 جنيه عشان يعملهم صيانة وهو مكانش بيعمل صيانة للخليجي اساسا انا حاسس ان ده نصب شويه

وبعدين في حاجة كمان العربيات الي التوكيل بيبيعها بيبقي فيها حاجة اسمها road rough package ودي حاجة مشهورة في اسكودا بيحطوها في العربيات الي نازلة مصر الي هو تصفيح تحت العربية وفي نفس الوقت العربية بتعلي شوية الخليجي بقي مفهوش الكلام ده يبقي معلش يعني كان المفروض يعني الوكيل يقول للناس الي معاه عربية خليجي ييجي يدفع ثمن التصفيح مثلا عشان العربية تبقي مواصفات مصرية وبالتالي يعملها صيانة انما هو بيقول ادفعوا 7000 جنيه واشمعنا 7000 جنيع بالتحديد انا مش فاهم

**KHALED AYMAN** · 09-04-2009 08:23 PM

هو اعتقد عايز يخوف الناس من الخليجى ...
تجار الخليجى ممكن يحرقو دمه و ينزلو السعر 7000 جنيه ..
يبقى الى ارتوك عمله زى قلته ..
و حتى لو منزلوش السعر ...
الناس هتجيب خليجى و تعمل صيانته فى اى مركز غير ارتوك ...