الموضوع: زرجينة!!!!!!!!!!!!!!!!

المشاركة الأصلية كتبت بواسطة momomero

ياباشا العفو انتو أبو المفهوميه كلها أنا مقصدش حاجه وحشه والله أصل المعلومه دى مش هيعرفها غير أذا راح لحد بتاع زوايه

غالبا اللى بيعمل الزرجينة بيبقى مع بتاع الزوايا او هو نفسه الا اذا مكنش عنده حد يعمل الزرجيينة

يا جماعة براحة بس شوية وواحدة واحدة

عربية الراجل أظن إنها بولو

والبولو على عفشة متحركة مفيش حاجة اسمها زرجينة أصلاً تستخدم مع العربيات الي فيها عفشة متحركة

سواء الميكانيكي الي قال كده أو بتاع الزوايا فالاتنين مش فهمين وحيودوا الراجل في مشكلة كبيرة

يا عزيزي روح أي مركز من مراكز بريدجستون وهما حيقوموا بالواجب كله

وظبط الزوايا في بريدجستون وضمان مراجعة أسبوعين ب 25 جنيه مش مبلغ يعني

فرع تقاطع عباس العقاد مع مصطفى النحاس

الصنايعية هناك هم
محمد ومصطفى وتسأل عليهم بالاسم

وفرع عمارات العبور تحت الوسيط
وهناك صنايعي اسمه محمد حسني

المشاركة الأصلية كتبت بواسطة umoussa

يا جماعة براحة بس شوية وواحدة واحدة

عربية الراجل أظن إنها بولو

والبولو على عفشة متحركة مفيش حاجة اسمها زرجينة أصلاً تستخدم مع العربيات الي فيها عفشة متحركة

سواء الميكانيكي الي قال كده أو بتاع الزوايا فالاتنين مش فهمين وحيودوا الراجل في مشكلة كبيرة

يا عزيزي روح أي مركز من مراكز بريدجستون وهما حيقوموا بالواجب كله

وظبط الزوايا في بريدجستون وضمان مراجعة أسبوعين ب 25 جنيه مش مبلغ يعني

فرع تقاطع عباس العقاد مع مصطفى النحاس

الصنايعية هناك هم
محمد ومصطفى وتسأل عليهم بالاسم

وفرع عمارات العبور تحت الوسيط
وهناك صنايعي اسمه محمد حسني

شكراً يا باشمهندس أسامة
و ده نفس كلام أستاذ إيهاب و أستاذ هاشم بالظبط

بس مانصحش بمركز ظبط الزوايا اللى فى بنزينة كالتكس عباس العقاد ( توكيل بريدجيستون ) أنا إتعاملت معاهم بدون نتيجة كويسة و كمان مش واضحين فى التعامل و لو طلع شغلهم مش مظبوط بيفتو باى كلام اتبرير موقفهم.

عجيبة فعلاً

متأكد بريدجستون بريدجستون؟

أصل فيه مركز ظبط زوايا بتاع المحطة كمان

أصل أنا بتعامل مع الناس دي من زمان والمهندس نجاد شغال في الفرع ده والراجل بنفسه بيشرف على كل حاجة

وعمري مشتكيت منهم خالص سواء ترصيص أو زوايا

المشاركة الأصلية كتبت بواسطة umoussa

عجيبة فعلاً

متأكد بريدجستون بريدجستون؟

أصل فيه مركز ظبط زوايا بتاع المحطة كمان

أصل أنا بتعامل مع الناس دي من زمان والمهندس نجاد شغال في الفرع ده والراجل بنفسه بيشرف على كل حاجة

وعمري مشتكيت منهم خالص سواء ترصيص أو زوايا

و الله أنا جربتهم أنا و إثنين كمان من أعضاء المنتدى الكرام ملاك البيتلز و كانت المشكلة عندى إن العربية بتحدف يمين شوية بعد مارحتلهم بقت بتحدف كتير و لما كلمتهم قالولى العيب من المساعد و نفس الكلام حصل مع أحمد الحسينى و أحمد سالم و الحسينى عامل موضوع خاص بظبط الزوايا .
http://www.nilemotors.net/Nile/showthread.php?t=46433
و كمان موبايلى إتسرق قدام المركز بالظبط و أنا بكلم المهندس نجاد شريف
و ده رابط الموضوع عشان تتأكد من كلامى
http://www.nilemotors.net/Nile/showt...294#post566294

يا حج أحمد أنا مش بكدبك لا سمح الله

بس من الواضح ان تجربتك معاهم كانت سيئة جداً

شوف يا هندسة، أنا عادة لما بروح هناك بشغل جهاز ظبط الزوايا بنفسي علشان أنا عارف قياسات أبعاد العربية بتاعتي

الكاستر
والكامبر
والتو

وبصراحة شديدة مبسبهمش يعملوا أي أفكار في دمغاهم، على سبيل المثال ممكن تروح عند واحد بتاع زوايا يقولك أنا مش حظبط زاوية الكامبر بالظبط علشان لما انت تركب العربية الزاوية تلم لوحدها وده طبعاً على أساس انه لما بيظبط العربية بيكون محدش جواهاز

أنا بخليهم بصراحة يظبوطوا الزوايا زي مانا عايز وزي ما فولكس قالت في دليل الصيانة ويمكن علشان كده انا مستريح هناك

وبجد أنا لا أقصد مطلقاً أي تشكيك في كلامك

المشاركة الأصلية كتبت بواسطة umoussa

يا حج أحمد أنا مش بكدبك لا سمح الله

بس من الواضح ان تجربتك معاهم كانت سيئة جداً

شوف يا هندسة، أنا عادة لما بروح هناك بشغل جهاز ظبط الزوايا بنفسي علشان أنا عارف قياسات أبعاد العربية بتاعتي

الكاستر
والكامبر
والتو

وبصراحة شديدة مبسبهمش يعملوا أي أفكار في دمغاهم، على سبيل المثال ممكن تروح عند واحد بتاع زوايا يقولك أنا مش حظبط زاوية الكامبر بالظبط علشان لما انت تركب العربية الزاوية تلم لوحدها وده طبعاً على أساس انه لما بيظبط العربية بيكون محدش جواهاز

أنا بخليهم بصراحة يظبوطوا الزوايا زي مانا عايز وزي ما فولكس قالت في دليل الصيانة ويمكن علشان كده انا مستريح هناك

وبجد أنا لا أقصد مطلقاً أي تشكيك في كلامك

أنا فاهم قصد كلامك يا باشمهندس أسامة لأنك راجل محترم وليك تقدير خاص عندى و كلنا إخوات فى المنتدى الجميل ده و لا يمكن نزعل من بعض طبعاً لا قدر الله
بس للأسف انا ماعنديش الخبرة الكافية لظبط الزوايا بنفسى أو التوجية حتى و بعتمد على النتائج فقط .
و إحنا إتعاملنا معاهم بناءاً على شكر و توصية بعض الأعضاء الكرام اللى تعاملوا معهم , و أعتقد إن خبرتهم فى البيتلز قليلة لأنها بتحتاج صنايعى خبره و فاهم فى البيتلز.

و شكراً على ردك الجميل و أخلاقك العالية و حسن التعاون و المساعدة
جزاك الله خيراً

يا هندسة أنت كمان وجميع الأخوة الكرام ليكم جميعاً تقدير خاص عندي وبجد بكون سعيد جداً بالتفاعل والتعاون المثمر فيما بيننا والتوجيه والنصح والتحذير لأننا في الآخر أخوة والهدف واحد

بخصوص موضوع الزوايا
أن خبرتي في البيتلز زي خبرتي في تحضير طبق كشك صعيدي

وبصراحة انت أهل الخبرة وبحب جداً اتابع تعليقاتكم وكلامكم الرائع

على الرغم من إني من الناس الي بتوصي ببريدجستون بس يمكن فعلاً زي منتا بتقول هما معندهمش خبرة كافية بالعربية

وعلى فكرة هما برضو معندهمش خبرة بالعربية بتاعتي ولا حاجة، زي ما انت شايف انا الي بقولهم اعملوا كذا وكذا لأني عارف لو سبتهم حخرج من عندهم على أقل تقدير أسوء من الأول.

زمان كنت بظبط الزوايا عن واحد في المكار اسمه رابسو

كنت بصراحة ميييييييييح ومعرفش أي حاجة
لقيته ركب أجهزة على العجل وشغل كمبيوتر قولت الراجل دا أكيد فاهم

وبعد مرور فترة اكتشفت انه فاهم جداً فبطلت اتعامل معاه علشان خفت لحسن يعديني بمفهوميته.

الراجل كل الي كان بيعمله في العربية يركب الحساسات على العجل وبعدين يدخل على الكمبيوتر يدوس كام إنتر وبعدين ينزل تحت العربية بعصاية مقشة يقيس المسافة بين العجلتين من الأول للآخر زي بعض ولا لأ وبعدين يروح قافل العجل الأمامي

وبكده العربية صوت الصرخة في العجل يختفي بس خد عندك بقى مراجيح يا هندسة

تدوس فرامل جامدة ال Abs يشتغل تلاقي العربية راحت شمال

وانت سايق تلاقي العربية تسرح لوحدها

بعد كده ربنا كرمني بقى بالقراءة في ظبط الزوايا واكتشفت فرع بريدجستون بتاع شرم الشيخ ومن شرم الشيخ سألتهم على فرع القاهرة وصفولي الفرع ده

ومن ساعتها وانا بتعامل معاهم
ولما بروح شرم الشيخ لازم أعدي على عمرو هناك اكشف على الزوايا

معلش طولت عليك،

قوم بينا بقى نصلي الفجر

تقبل الله منا ومنكم إن شاء سبحانه