الموضوع: زرجينة!!!!!!!!!!!!!!!!

المشاركة الأصلية كتبت بواسطة umoussa

أخي هاشم، حشوف حاجة تنفعنا كلنا وابعتهالكم وربنا يديم الخير ما بيننا

الغريبة بقى أنا لاحظت حاجة غريبة وهي إن نص كلامك اتغير

من
""""*شكرا يااستاذ اسامه على توصياتك*
*بس زى ماقال اخونا وجزاك الله كل خير ولك منى كل تقدير واحتراماحمد حسن*
*احنا مش فى خبرتك فى التعامل مع بتوع ظبط الزوايا*
*ومش هنعرف نتعامل معاهم كده*
*حضرتك بتقول انك قريت عن ظبط الزوايا مواضيع*
*ياريت اذا كانت المواضيع دى موجوده عندك تفيدنا بيها *
*او من خبرتك تحكيلنا وتفيدنا علشان حتى لما نتعامل مع الصنايعيه*
*يحسو اننا فاهمين شويه ومايشتغلوناش*"""

وأصبح الكلام الموجود في الرسالة السابقة، يا ترى الإدارة شايفة إن فيه كلام غلط

ويريت حد يرد ليه الكلام تم تغييره

وشكراً للجميع على التعاون فيما بيننا

باشمهندس أسامة أخبارك إيه؟
هو حضرتك تقصد إن الأستاذ هاشم كان كاتب الكلام ده و بعدين إتغير للكلام اللى موجود فى مشاركته الأخيرة ؟ ولا أنا فهمت غلط ؟

شكراً

أبوحميد يا جميل

صباح الخير يا عزيزي

بالظبط كلام حضرتك صحيح 100%، أنا عامل في إعدادات التنبيه بتاعتي، التنبيه برسالة على البريد الإلكتروني بمجرد إرسال أي رد على المواضيع الي أنا مشارك فيها

وقرأت في البريد الإلكتروني بتاعي رسالة أخونا هاشم قلب الأسد وبعد لما دخلت أرد لقيت كلام تاني

فستغربت

المشاركة الأصلية كتبت بواسطة umoussa

أبوحميد يا جميل

صباح الخير يا عزيزي

بالظبط كلام حضرتك صحيح 100%، أنا عامل في إعدادات التنبيه بتاعتي، التنبيه برسالة على البريد الإلكتروني بمجرد إرسال أي رد على المواضيع الي أنا مشارك فيها

وقرأت في البريد الإلكتروني بتاعي رسالة أخونا هاشم قلب الأسد وبعد لما دخلت أرد لقيت كلام تاني

فستغربت

صباح الفل و الأنوار يا باشمهندس أسامة
أنا بردو مظبط نفس الإعدادات لكن ماشوفتش إلا الكلام اللى كاتبه هاشم فى آخر مشاركه له و ده مش تشكيك فى كلام حضرتك لكن مستغرب لأن كل كلام هاشم اللى حضرتك كاتبه كويس جداً و مهذب و مافيهوش حاجة تستدعى التغيير أو الحذف.
و ياريت الأستاذ هاشم يشاركنا برأيه فى النقطة دى لأنها مهمة جداً

اسامه باشا
صباح الورد والانوار
كلام حضرتك سليم ومظبوط انا فعلا كتبت الرد اللى وصلك على الخاص فى الاول بس زى مانت شوفت لقيت حصل لخبطه فى الكلام مش عارف ازاى لقيت السطر اللى تحت طلع فوق بس طبعا كان جالك على الخاص وانا هنا عملت عليه تعديل بالمضمون
واسف اذا كان حصل لبس فى الموضوع بالنسبه ليك

هاشم قلب الأسد

أنا الحمد لله مبفهمش حاجة من أي حد غلط

واضح إنه تم تعديل الموضوع من قبل الإدارة لسبب غير معلوم

وعلى العموم موضوع الزوايا جاهز وتحت أمر حضرتك وعزيزي أحمد حسن دا غير طبعاً إخواني الأعزاء في المنتدى

متنسونيش في الدعاء بقى

استاذ اسامه
انا شوفت الموضوع بتاعك وبصراحه اكثر من رائع ربنا يباركلك
وجزاك الله كل خير

دي أقل حاجة أقدر أقدمها لإخواني الأعزاء

المشاركة الأصلية كتبت بواسطة umoussa

يا هندسة أنت كمان وجميع الأخوة الكرام ليكم جميعاً تقدير خاص عندي وبجد بكون سعيد جداً بالتفاعل والتعاون المثمر فيما بيننا والتوجيه والنصح والتحذير لأننا في الآخر أخوة والهدف واحد

بخصوص موضوع الزوايا
أن خبرتي في البيتلز زي خبرتي في تحضير طبق كشك صعيدي

وبصراحة انت أهل الخبرة وبحب جداً اتابع تعليقاتكم وكلامكم الرائع

على الرغم من إني من الناس الي بتوصي ببريدجستون بس يمكن فعلاً زي منتا بتقول هما معندهمش خبرة كافية بالعربية

وعلى فكرة هما برضو معندهمش خبرة بالعربية بتاعتي ولا حاجة، زي ما انت شايف انا الي بقولهم اعملوا كذا وكذا لأني عارف لو سبتهم حخرج من عندهم على أقل تقدير أسوء من الأول.

زمان كنت بظبط الزوايا عن واحد في المكار اسمه رابسو

كنت بصراحة ميييييييييح ومعرفش أي حاجة
لقيته ركب أجهزة على العجل وشغل كمبيوتر قولت الراجل دا أكيد فاهم

وبعد مرور فترة اكتشفت انه فاهم جداً فبطلت اتعامل معاه علشان خفت لحسن يعديني بمفهوميته.

الراجل كل الي كان بيعمله في العربية يركب الحساسات على العجل وبعدين يدخل على الكمبيوتر يدوس كام إنتر وبعدين ينزل تحت العربية بعصاية مقشة يقيس المسافة بين العجلتين من الأول للآخر زي بعض ولا لأ وبعدين يروح قافل العجل الأمامي

وبكده العربية صوت الصرخة في العجل يختفي بس خد عندك بقى مراجيح يا هندسة

تدوس فرامل جامدة ال Abs يشتغل تلاقي العربية راحت شمال

وانت سايق تلاقي العربية تسرح لوحدها

بعد كده ربنا كرمني بقى بالقراءة في ظبط الزوايا واكتشفت فرع بريدجستون بتاع شرم الشيخ ومن شرم الشيخ سألتهم على فرع القاهرة وصفولي الفرع ده

ومن ساعتها وانا بتعامل معاهم
ولما بروح شرم الشيخ لازم أعدي على عمرو هناك اكشف على الزوايا

معلش طولت عليك،

قوم بينا بقى نصلي الفجر

تقبل الله منا ومنكم إن شاء سبحانه

هوة عمل المقشة دى معاك برضه؟؟
أصله عملها معايا من 10 أيام لما كاربويز قالولى مافيش غيره هايظبط العربية
و من ساعتها و الدنيا بمبى
ربنا يسهل و أفضى يوم أروح لبريدجستون
أنا أخر مرة رحت لأشرفكو فى الحى السابع و منتهى الضياع
لقيت العامل بيظبط على عربية هيونداى أكسنت (و انا عربيتى ميتسوبيشى لانسر) رحت شاخط فيه
قالى طيب لما تيجى الكلمة على لانسر قوللى (طلع مايعرفش إنجليزى)
المهم فضلت معاهم لغاية ما بقت أحسن شوية من رابسو, بس مش أحسن حاجة.