مين أحسن واحد بتاع شكمانات في المنصورة ؟

**Abdo_Eldesokey** · 08-04-2009 05:05 PM

من فترة علبتين الشكمان عندي في الـ 128 ودعوا وكان فيه بارومة كتير فغيرتهم ...

ركبت العلبتين بتوع مصانع الاسكندرية

ومن ساعتها صوت العربية عالي جدا ً وفيه النعرة بتاعة الـ 128 المعروفة - صوت تخبيط معدني في الشكمان - ، والسحب قل كتيييييييييير

الي مدايقني إن الشكمان القديم كان كويس جدا ً وصوت العربية كان حلو والسحب كان حلو

طبعا ً كل ما اسأل حد من بتوع الشكمان يقعد يشتغلني ويقلي هركبلك العلبة دي ويطلعلي علبة زي الي راكبة ويقلي دي أحسن حاجة في السوق

فتنصحوني بإيه في الموضوع ده ؟؟؟ أركب ديفل ولا إيه ؟؟

مع العلم إني أحب صوت العربية يكون واطي ومع الشد الصوت يبقى سبور ، أو مش لازم اسبور المهم النعرة بتاعة الـ 128 دي تختفي

**Maged_Samy** · 10-04-2009 07:46 PM

حاول تجيب استعمال او ابو اليزيد
ولو شكمانك لسه جديد وعايز تحل المشكلة دى روح لبتاع الشكمانات وقوله عايز فلتر بتاع 131 وده عبارة عن علبة صغيرة بداخلها ماسور مخرمة و اسفنج زجاجى ودى تقؤيباً ب 50 جنيه بتركيبها ، هيقطع حتة من ماسورتك ويركبها ولو قالك مينفعش روح لواحد غبره ، عشان الموضوع ده حصل معايا ودلوقتى صوت عربيتى احسن من الجديد .

**Lion_Heart** · 30-04-2009 07:14 PM

يا ريت لو حد يعرف صنايعى كويس فى المنصورة مش بتاع لف و دوران يدلنا عليه وعلى مكانه .

**tarek_yusry** · 07-05-2009 01:35 AM

يوجد واحد بطلخا وانت رايح علي ميت الغرقه في الاول خالص بجوار المدرسه جنبه واحد كهربائ مشهور اسمه محمد سيراج بعده بمحلين صنيعي شكمان دكتوووور وعلي فكره والكهربائ استااااذ وانسي صدقني وعن تجربه

**toto5552008** · 07-05-2009 01:47 AM

فى واحد اسمه ابراهيم . محطة الاتوبيس الدوليه قبلها حلوانى الفيومى ادخل الشارع اللى على ناصيته الفيومى و امشى الى اخر الشارع و اسئل عنه . دا صنايعى كويس جدااااا و حنين كمان مش حراق